46 กัน แป แอง ป็อง ตัก เจิง นเดย แป ก็ ต็อง ป็อง ตัก เจิง นัน ระ ซุด อำ แป เอิด ป็อง ตี ซอ เตาะ ซีเยิง ก็ อำ ระ งเกิล ซัก มี เซ็น
ทาเน อัห ก็ บัก และ โตะ เซ็ม งกร็อง เยซู แต อัห เม็จ นำ เปิล แอ็ม แลว อัห ก็ ไอ มี กุญ เซ็ม งกร็อง เยซู เตาะ
ตี อัห ไอ มี เซ็ม งกร็อง เยซู ระ งเกิล แอ็ม นัน ก็ เพือ ระ เป็น เล็ห มอก นังซือ เอาซาง เพีย ไล อน แลว นังซือ เอาซาง ไล คือเน “นำ ไอ มี งเกิล ซีเยิง ซัก มี เซ็น” นังซือ เอาซาง อัง เยซู ก็ ไอ มี งเกิล ซีเยิง มอก แญง เอาซาง เพีย ไล อน ซีเละ
ครอ ยก ตัวยาง ตัก นัง ครำ แอ เน ดาย ตัก นัง แอ เน มี ดก มบลึ แอ มี ที มี ลา มี มัด มี มุห จู มบลึ เน ก็ ไอ มี เมือนนอย นอ แต จู มบลึ ตัก นัง แอ เน ก็ เป็น มี นัง เดียว นัน นัง เยซู คริด ก็ มอก นัน มี ครำ ดก มบลึ เป็น นัง เยซู เลิม แอ จู ล็อง ก็ เป็น นัง เยซู มี นัง เดียว นัน