อิซราเอล ญาย 10:13 - Prai Bible13 โมเซด ก็ แอง ฮุน งกีจ็อง ไล อน นำ ก็ เอิด งเกราะ จี ซิห ตัก วาง นทึห คอม ปะเทด อียิบ นัน งกีจ็อง ก็ แอง ระ งกริม นทูด โตะ เจ็น งคม มด งิ มด แจ็ล ปัห ซะ ตัก งกร็อห งกริม ก็ นทูด ซับ ปึง นซอด โตะ ปุด ปิ แลว အခန်းကိုကြည့်ပါ။ |
อิซราเอล ญาย 10:13
11 ပူးပေါင်းရင်းမြစ်များ
ทาเน โมเซด ก็ ญ็อก งเกราะ นจืน ซิห คอม นอก ทะเล นัน เยโฮวา ก็ แอง ระ งกริม นทูด โตะ เจ็น คม แร็ง ซีเละ มด แจ็ล นัน งกริม ก็ แบง นอก เป็น เปียะ เพียห ระ เป็น ซิก ทังๆ อุ เคิง ล็อง นอก ก็ มบรูจ อุ ตึง เปียะ เพียห มอก เป็น งเกริก จ็อง ครำ อิซราเอล ก็ นจาง เริล ตัก ซิก ทังๆ เคิง ล็อง นอก นัน
ทาเน อัห ก็ ต็อก เฮือ เริล ติกๆ โยนา ก็ จูล อวย อุ ตัก จัน ลัห เซ็บ นัน เจ็นนะ เอาซาง ก็ แอง ระ เล็ห งกริม ลุกพุก จ็อง แร็ง ซีเละ นทูด โตะ ตัก ทะเล นัน นอก ก็ มพัห นโดน มพัห นแด็ห ครำ คับ เฮือ ก็ แร็ง นเจิก ซีเละ อัห นเจิก แตก เฮือ อัห นเจิก ออ เปิล อัห ก็ เอิด ซะ ตี อัห ตาง ตัก เฮือ นัน กวาง แอ็ม ตัก นอก ระ นซึล เล็ห เฮือ มี ติด อัห ก็ ครอ พะ ครอ วะ คอง ออ ตี อัห ทือ นัน จวย ออ แต โยนา ควะ ลิงลัก อวย อุ ลัห เซ็บ นัน ฮัวนา เฮือ เม็จ นำ อวย อุ นัน นำ ก็ โตะ พร็อห โยนา “มัห วาง อวย อุ อังวะ เต็ห มัห ร็อห ครอ ซะ ตัก มัห ทือ ออ กา จับ อัน มัห จวย แอ กุญ แอ ก็ ไอ มี เปิล ฮุ” นำ อัง
ကြော်ငြာတွေ