เจ็นนัน เอิญ ต็อง ไล แป เริล ทัว โลก แพนซิก เน แป ต็อง เริล และ ครำ จูกรอกๆ ต็อง ไล คาว เลาะ คาว แลม เน อน ตัก อัห ระ อัห เป็น ลูกนอง เอิญ แป เน มี อำนาด เอาซาง มี อำนาด ควัน เอาซาง มี อำนาด ซีมาล เอาซาง แป มี อำนาด นัน แลว เจ็นนัน แป ก็ ต็อง จุบ อัห ตัก นอก วัล ระ จู ล็อง เคาใจ เค็ย อัห กิว เป็น ลูกนอง เอิญ ซีเละ
เอเฟซัด 4:5 - Prai Bible5 แอ มี งกีจ็อง มี งกี เดียว นะ แอ เจือ เลือง เยซู ก็ เมือนนอย มด แอ จุบ ตัก นอก ก็ เมือนนอย มด แอ มี งกี มี งกี เดียว นะ แอ อุ เลาะ เคิบ นอย ก็ เลาะ အခန်းကိုကြည့်ပါ။ |
เอเฟซัด 4:5
28 ပူးပေါင်းရင်းမြစ်များ
เจ็นเน ก็ อำ กึด เค็ย ครำ ยิว เคิบ ครำ กรอก ซอ ปน แอ็ม เจ็น ลุห มี ยาง มี ล็อง นังเลาะ นะ แอ มี เอาซาง เป็น งกี มี ล็อง เดียว เลิม นะ เอาซาง ญอม ฮับ แอ เป็น ครำ เลาะ ครำ ซือ ก็ มี มี รวง เดียว เลิม นะ แอ ต็อง เจือ เยซู ฮัก แอ เป็น ครำ ยิว ก็ เลาะ ครำ กรอก ซอ ก็ เลาะ มี มี รวง เดียว เลิม นะ ต็อง เจือ เยซู เมือนนอย
ควน นไจ เฮย แป แยก นอย เป็นปึงๆ จังนัน ก็ ไอ มี จบ เลาะ ดาย แป มี งกี มี ล็อง เดียว ตัก เยซู คริด นัน ฮัก อำ แป แยก นอย เป็น ดก ปึง เตาะ แอ โค็ห นัง เยซู คริด เป็นตอนๆ ไอ มี กุญ ดาย ซำรับ เอิญ เน แป จบ ทือ เอิญ ก็ ไอ มี จบ แคระ เตาะ ดาย เอิญ ไอ มี กุญ เปิล แตน แป ตัก ลำ ซีโรด แป ทือ เยซู คริด ฮัก ซัง แคระ ญาม แป แอง พิที จุบ นอก นัน ไอ แมน แป จุบ นอก เป็น ครำ คอง เอิญ แป จุบ นอก เป็น ครำ คอง เยซู ฮัก นอ
เยอะ เคียน จดมาย เน อน ตัก แป ตี อุ คริซจัก เมือง โคริน ดาย เยอะ เคียน อน ตัก แป ตี เอาซาง มพอล เอิด เป็น ครำ เลาะ คอง ออ ญอน แป เป็น ครำ เยซู คริด นัน นำ ระ แป เป็น ครำ คอง ออ มอก ครำ ตี เปิง เยซู งกีจ็อง มด จู ตี นำ เป็น งกี อัห ก็ แมน เป็น งกี แอ ก็ แมน มด อีเอๆ ตี เปิง เยซู คริด จวย ออ ปน แอ็ม เจ็น ลุห เอาซาง ก็ แอง เลาะ ซิห อัห เมือนนอย มด
เอิญ ไล แป นังเลาะ นะ ซะ จู มบลึ ตี มี อุ ใน โลก เน ก็ มี ญอน เอาซาง มี ล็อง เดียว ตี แอง นำ เป็น เอา แอ มด แอ รีด อุ ก็ เพือ ปะโยด คอง นำ เจ็นนัน แอ มี งกีจ็อง มี ล็อง เดียว ตัก เยซู คริด ซะ จู มบลึ ตัก มี อุ ใน โลก เน ก็ มี ญอน เยซู ฮัก แอ รีด อุ จู งิ เน ก็ ญอน เยซู ฮัก เจ็นนัน แอ ก็ ไอ มี จำเป็น กึด ดก เลือง ซะ ป็อง ตี อัห เลียง ซะ นัน เตาะ
กำกึด เอิญ ดาย เอิญ กึด เค็ย ซะ ตี เอิญ เกย ทือ เกย แอง กำนา นัน ไอ มี ปะโยด เตา เคิบ เอิญ เม็จจึด เคิบ เยซู คริด ตัก เป็น งกี คอง เอิญ เอิญ ก็ เต็มใจ ซะละ จู มบลึ จู มบลัก เพือ นำ ฮัก ซะ ตี เอิญ เกย กึด เค็ย เป็น ปะโยด ซำรับ เอิญ กำนา นัน มานะ เน เอิญ พระ แอ็ม มด มอก เป็น ซะเฮอะ นัน เอิญ พระ ซะนัน มด ก็ เพือ กุญ เยซู ฮัก แอ เม็จจึด เคิบ นำ นัน ก็ เลาะ กวา ดก เตา วัล
เอิญ เปาโล ดาย เอิญ เคียน จดมาย เน อน ตัก มัห ดาย ทีตัด เอาซาง ระ เอิญ เป็น ลูกนอง คอง ออ เยซู คริด ก็ ระ เอิญ เป็น ตัวแทน คอง ออ วัล เยซู เน นำ ระ เอิญ มี นาตี ไล แญง เอาซาง อน ตัก ครำ ตี นำ เลือก ระ อน นำ ก็ ระ เอิญ มี นาตี จวย ระ อัห เฮง เคาใจ เลือง นังเลาะ คอง เอาซาง เอิญ ต็อง ไล อัห ระ เคาใจ เลาะๆ เลือง นังเลาะ คอง เอาซาง นัน ก็ ซับรวง อัห แอง เลาะ มอก เอาซาง ฮัก
แต อัห พระ แอ็ม เยซู วัล ก็ ไอ มี ซีเอ จางรู จวย อัห เอิด ใจ แมะ วัล เตาะ ครำ มอก เน มัห ไล อัห จังนัก อัห ก็ ไอ มี เอิด ใจ แมะ วัล เตาะ ญาม อัห เม็จ เลือง ควัน เอาซาง เลาะๆ แลว อัห ลบ วัล พระ แอ็ม นำ วัล ก็ มอก อัห มพำ นำ ตัก ลำ ซีโรด มี ลบ วัล มอก อัห เท็จ มัด เท็จ มุห เยซู มอก อัห แอง ระ เยซู กราญ มัด วัล จวย อัห วัล ก็ ไอ มี กุญ เตาะ
ทาเน ก็ มี แกด ล็อง อัห เค็ย เจือ เอาซาง ก็ ปอ แลว แกด ล็อง อัห เค็ย แอง ฮุน เอาซาง ไล อน ก็ ปอ แลว อัห ก็ เทียง นอย จังเน แต กัน มัห เค็ย เจือ เอาซาง แต มัห ไอ มี แอง ฮุน เอาซาง ไล อน เอิญ เม็จจึด จังนัก เค็ย มัห กิว เจือ นังเลาะ เอิญ ไอ มี กิว เม็จ ดาย แต มัห ลอง ดอม อ็อญ ซะ ตี เอิญ แอง นัน กัน เอิญ แอง ฮุน เอาซาง ไล อน ซีเละ มัห ก็ เม็จจึด เค็ย เอิญ กิว เจือ เอาซาง นังเลาะ
ทาเน ตี อัห กุด เฮือ ปน แอ็ม เจ็น นอก ทวม นัน ก็ เป็น พาบ แอ มานะ เน ปน แอ็ม เจ็น ลุห ตี แอ จุบ นัง ออ ตัก นอก นัน ก็ เป็น พาบ แอ ปน แอ็ม เมือนนอย ไอ แมน แอ เจอะ นัง ต็อง เอิม นอก แต เป็น พาบ แอ ครอ วอน เอาซาง ระ นัง แอ เน ไอ มี ลุห เคิบ นำ ระ แอ ไอ มี โทด นัง ออ เค็ย ลุห แอ ปน แอ็ม เจ็น ลุห ก็ ญอน เยซู รีด เล็ห นัน ฮัก
เอิญ ซีโมน เปโตร เอิญ เป็น ลูกนอง เยซู คริด เอิญ ก็ เป็น ตัวแทน เยซู นัน ฮัก จดมาย เน เอิญ เคียน อน ตัก แป ตี เจือ เยซู คริด เลิม มอก อิห เน เอิญ เคียน อน ตัก แป ตี เจือ เยซู คริด ตี เป็น เอาซาง ตี เป็น งกีจ็อง คอง แอ นัน แป เจือ เยซู ตี แอง เลาะ แอง ซือ ตลอด แป เจือ เยซู ตี จวย แอ ปน แอ็ม เจ็น ลุห นัน ตี แป เจือ เยซู นัน ตี อิห เจือ เยซู เน ก็ มี กา มี ญิม เตา นอย ความ เจือ แอ จู ล็อง มี กา มี ญิม เตา นอย มด
ควน นไจ เฮย ตี นา นัน เอิญ กึด ซีรอก เคียน จดมาย ไล แป เลือง ตี แอ ปน แอ็ม เจ็น ลุห ตี แอ เจือ เลิม นัน เอิญ กึด ซีรอก เคียน เลือง นัน อน ตัก แป วาล แต เอิญ จำเป็น ต็อง เคียน จดมาย ดวน อน แป มี ยาง วัล เอิญ เคียน ไล แป เจิม นัง ออ ตัก ครำ ตี ซอน ไอ มี เลาะ ไอ มี แคระ นัน เอิญ เคียน จดมาย เน ก็ เพือ ระ แป ซู แป ต็อง ซู ระ คริซจัก แก็นใจ เจือ เยซู เลาะๆ แคระๆ ฮัก คาว เลาะ คาว แลม ตี เอาซาง มอบ อน ตัก ครำ คอง ออ นัน นำ อน อัห มี ลบ เดียว นัน ก็ กุม ตลอด ครอ ระ แป ซู ติกๆ ระ ครำ เยซู กิว เคาใจ เลาะๆ แคระๆ ฮัก
ကြော်ငြာတွေ