โคโลซี 4:10 - Prai Bible

¹⁰ ทาเน อาริทาคัด ตี เติล ลุก เลิม เคิบ เอิญ เน ‍ นำ ก็ ฟาก แญง เค็ย งอม อัง แป ดาย ‍ มาระโก ตี เป็น ควัน นจะ บานาบัด ‍ นำ ก็ ฟาก แญง เค็ย งอม อัง แป เมือนนอย ‍ เลือง มาระโก เน เอิญ ก็ ไล แป แลว เค็ย ‍ กัน นำ โตะ แอว และ แป ‍ ก็ ครอ ระ แป ตอนฮับ นำ เลาะๆ ดาย ‍

โคโลซี 4:10 ပူးပေါင်းရင်းမြစ်များ

ตัวแทน 12:12

เปโตร เม็จ นึง ออ เลาะ ฮุนนัน แลว ‍ นำ ก็ ลด เริล เจิง มารี ตัก เป็น เม ยอน มาระโก นัน ‍ ดก ครำ อัห พซุม นอย อุ นัน ‍ อัห ครอ วอน เอาซาง อุ เป็น ปึง ตัก นัน ‍

ตัวแทน 12:25

ทาเน บานาบัด เคิบ เซาโล นัน ก็ เอิด เงิน ตัก คริซจัก อันทิโอก ‍ ซับ อน ตัก อัหแกะ ตี ซับรวง คริซจัก เยรูซาเล็ม ‍ แลว ปาม อน ตัก อัห แลว ‍ ปาม ก็ ทอก เจ็น เมือง เยรูซาเล็ม นัน ‍ ปาม วัล ออ ตัก อันทิโอก ‍ ปาม ก็ ซับ ยอน ตี อัห เค็ย มาระโก นัน เริล เลิม

ตัวแทน 13:13

ทาเน เปาโล เคิบ เปือน ก็ เริล เจ็น เมือง ปาโฟด นัน ‍ อัห ต็อก เฮือ คาม นอก ทะเล เริล เมือง เปอกา ตัก จังวัด ปำฟีเลีย ‍ โตะ ตัก เปอกา แลว ‍ ยอน-มาระโก ก็ พระ แอ็ม ปาม ตัก เปอกา นัน ‍ นำ วัล ออ ตัก เมือง เยรูซาเล็ม ฮัก ‍

ตัวแทน 13:5

ปาม ก็ ระ ยอน-มาระโก เริล เลิม จวย ปาม ตัก นัน ‍ เจ็นนัน อัห ก็ เริล เมือง ซาลามิด ‍ โตะ ตัก ซาลามิด นัน ‍ ปาม ก็ ไล เลือง เอาซาง อน ตัก อัห ตัก ฮ็อง พซุม ยิว

ตัวแทน 19:29

อัห ก็ เลอะ บวน นอย มด ทัว เมือง ‍ อัห ก็ เริล เญ็บ กายยัด เคิบ อาริทาคัด ตัก เป็น เปือน เปาโล ‍ ตี โตะ เลิม เจ็น จังวัด มาซีโดเนีย นัน ‍ อัห เญ็บ ปาม แลว ‍ อัห ก็ ลาก ปาม ซับ ตัก โลง ปิล ละคอน

ตัวแทน 20:4

ญาม นัน ก็ มี ครำ เริล เลิม เคิบ นำ แด ‍ มี โซปาเทอ ควัน ปีรัด ครำ เมือง เบโรอา ‍ มี อาริทาคัด เคิบ เซคุนดัด ครำ เทซะโลนิกา ‍ แลว ก็ มี กายยัด ครำ งวัล เดอบี ‍ เจ็นนัน ก็ มี ทิโมที ทีคีกัด เคิบ โตฟีมัด ‍ อัห เป็น ครำ จังวัด เอเซีย นัน ‍ เจ็ด ล็อง เน อัห เริล เลิม เคิบ เปาโล ‍

ตัวแทน 27:2

ทาเน ก็ มี เฮือ มี ลำ โตะ เจ็น เมือง อัดรามิทิยุม ‍ อัห กำลัง ซับ เฮือ นัน เริล ตาม เปล นอก ทะเล ‍ เฮือ นัน ก็ แวด ดก เมือง ตัก จังวัด เอเซีย ‍ อิห ก็ ต็อก เฮือ ลำ นัน เริล ‍ ก็ มี ครำ มาซีโดเนีย มี ล็อง ‍ นำ โตะ เจ็น เมือง เทซะโลนิกา ‍ ซือ นำ ตัก อาริทาคัด ‍ นำ ก็ ต็อก เฮือ เลิม เคิบ อิห นัน

ตัวแทน 4:36

ทาเน ก็ มี อัหคล็อง มี ล็อง ซือ ตัก โยเซบ ‍ อัห มพึ ซือ นำ ตัก บานาบัด (ซีแล็ม เค็ย “ล็อง ตี ออย อัห”) ‍ นำ เป็น กรอก เลวี ‍ นำ เป็น ครำ เกาะ ไซปรัด ‍

โรม 16:7

เจ็นนัน ก็ ครอ ฟาก ไล อันโดนีคัด เคิบ ยูเนีย เค็ย ‍ เอิญ งอม อัง ปาม ดาย ‍ ปาม เปียะ ล็อง นัน ก็ เป็น ครำ ยิว ตี เกย เติล ลุก อุ เลิม เคิบ เอิญ เน ‍ ปึง ตัวแทน เยซู จู ล็อง ก็ ทือ ปาม ‍ เม็จจึด เคิบ ปาม เลาะ ซีเละ ‍ ปาม ก็ เจือ เยซู คริด วาล เอิญ วัล

2 ทิโมที 4:11

แต ทีคีกัด นัน เอิญ ไล นำ เริล เอเฟซัด แลว ‍ มานะ เน มี แต ลูกา มี ล็อง เดียว ‍ ตี ควะ อุ เลิม เคิบ เอิญ เน ‍ กัน มัห โตะ และ เอิญ เน ‍ ก็ ครอ ระ มัห เริล และ มาระโก ‍ แลว มัห ก็ ซับ นำ โตะ เลิม ดาย ‍ นำ จวย เอิญ แองกาน อน เอาซาง ดก ซีเละ

ฟีลีโมน 1:23

ซุดทาย เน ก็ มี เอปาฟัด ตัก อุ ลุก เลิม เน ‍ นำ ก็ เติล ลุก ญอน เยซู คริด เมือนนอย ‍ นำ ก็ ฟาก แญง เค็ย งอม อัง มัห ดาย ‍

ฟีลีโมน 1:24

มาระโก ‍ อาริทาคัด ‍ เดมัด เคิบ ลูกา ‍ ปึง อัห เน ก็ เป็น เปือน แองกาน เลิม เคิบ เอิญ เน ‍ อัห ก็ ฟาก แญง เค็ย งอม อัง มัห เมือนนอย ‍

1 เปโตร 5:13

คริซจัก ตัก เมือง บาบิโลน ตี เป็น ควน นไจ แป นัน ‍ เอาซาง ก็ เลือก เอิด อัห เป็น คอง ออ เมือนนอย ‍ อัห ก็ ฟาก แญง เค็ย งอม อัง แป ดาย ‍ มาระโก ก็ เค็ย งอม อัง แป วัล ‍