ตัวแทน 9:19 - Prai Bible

¹⁹ เจ็นนัน นำ ก็ ลด ป็อง จะ ‍ ลด เลาะ เล็ห ใจ ‍ นำ ก็ มี แร็ง เล็ห วัล ญาม นัน เซาโล ลด อุ ตัก เมือง ดามากัด นัน ดก งิ วัล ‍ นำ พัก อุ เคิบ ครำ ตี เจือ เยซู นัน ‍

ตัวแทน 9:19 ပူးပေါင်းရင်းမြစ်များ

ตัวแทน 11:26

นำ เม็จ เซาโล แลว ‍ นำ ก็ มพอล เซาโล โตะ อุ เคิบ ออ ตัก เมือง อันทิโอก เลิม นัน ‍ ปาม ก็ อุ เคิง นัน มี วาง ‍ ปาม ก็ ไล แญง เอาซาง อน ตัก อัห ดก ล็อง ‍ ทาเน ครำ อันทิโอก แทก ครำ ตี เจือ เยซู นัน ตัก คริซเตียน ‍ เน ก็ เป็น ลบ แรก ตี อัห แทก ครำ เจือ เยซู ตัก คริซเตียน

ตัวแทน 26:20

เอิญ ก็ ลด นท็อล ไล อน ตัก อัห วัล ‍ เอิญ ไล ตัก เมือง ดามากัด วาล ‍ เจ็นนัน เอิญ ก็ เริล ไล ครำ เมือง เยรูซาเล็ม ‍ เอิญ ไล อัห ทัว จังวัด ยูเดีย มด ‍ พด โตะ ปะเทด ซอ วัล ‍ เอิญ ไล อน ตัก อัห ‍ ระ อัห เอิด ใจ แมะ ‍ ระ อัห โตะ และ เอาซาง ‍ ระ อัห แอง เลาะๆ ‍ ระ อัหซอ เม็จจึด เค็ย ‍ อัห เป็น ครำ ตี เอิด ใจ แมะ เป็น ครำ ตี เจือ เอาซาง ‍ เอิญ ไอ มี ไล ซีวะ พิด เตาะ ‍ ตัวแทน 9:20, 9:28-29

ตัวแทน 9:18

เจ็นนัน ก็ มี ซะ อัง กัด งโคล ‍ กรืจ เล็ห เจ็น มัด เซาโล ‍ นำ ก็ ลด ตาด เล็ห มัด ‍ ลด ดอม ซะ กุญ วัล ‍ นำ ก็ ลด ร็อห เริล แอง พิที จุบ นอก ‍

ตัวแทน 9:26

เจ็นนัน วัล ‍ เซาโล ก็ เริล เมือง เยรูซาเล็ม นเซอะ ‍ โตะ นำ แลว นำ ก็ เริล และ ปึง ครำ ตี เจือ เยซู เคิง นัน ‍ นำ ซีรอก เปาะ อัห ‍ แต อัห ไอ มี เจือ เค็ย นำ กิว ทือ เยซู ‍ อัห ก็ ลด นเจิก อัง นำ ‍

ตัวแทน 9:38

เมือง ยาฟา นัน ก็ อุ ติ ซะ เคิบ เมือง ลิดดา นัน ‍ ครำ เจือ เยซู ตัก อุ เมือง ยาฟา ‍ ก็ เม็จ คาว เค็ย เปโตร อุ ตัก เมือง ลิดดา ‍ อัห ก็ ไล ครำ เปียะ ล็อง เริล และ เปโตร ‍ อัห ครอ ระ นำ โตะ เวิดๆ ‍

กาลาเทีย 1:17

เอิญ ก็ ไอ มี กุญ เริล แอว ซ็วน ปึง นัน ตี เป็น ตัวแทน เยซู ตัก เมือง เยรูซาเล็ม ‍ อัห เป็น ตัวแทน เยซู วาล เอิญ อิง แลว ก็ แมน ‍ แต เอิญ ไอ มี กุญ เริล ซ็วน อัห เตาะ ‍ เอิญ เริล ปะเทด อาราเบีย ฮัก ‍ เจ็นนัน เอิญ ก็ ลบ วัล โตะ ตัก เมือง ดามากัด