ตัวแทน 9:16 - Prai Bible16 เอิญ ระ นำ เม็จจึด เค็ย นำ ต็อง อด ตุก อด ญาก ลำบาก มอก นเดย ญอน ฮับไจ เอิญ นัน” งกีจ็อง อัง အခန်းကိုကြည့်ပါ။ |
แป ตี เป็น ลูกนอง เอิญ ก็ อำ กึด เค็ย อัหซอ มัก แป ดาย ครำ ทัว โลก ไอ มี มัก แป เตาะ จำ เอิด ดาย กำนา เอิญ ไล แป แลว เค็ย ลูกนอง ไอ มี แกะ กวา เอาเลียง ออ นอ ต็อง เป็น เอาเลียง แกะ กวา ลูกนอง ฮัก กัน อัห คมเฮง เอิญ ตัก เป็น เอาเลียง แป แลว อัห ก็ ต็อง คมเฮง แป ตัก เป็น ลูกนอง เอิญ วัล กัน อัห ปัง แญง เอิญ แลว อัห ก็ ปัง แญง แป วัล
อากาบัด เน ก็ โตะ เอิด ทาล เครด คอง เปาโล ท็อก ที ท็อก เจ็ง ออ นำ ก็ ลด จ็อก ฮุนเน วัล “ซีมาล เอาซาง ก็ เพีย ไล อน เค็ย ครำ ยิว ตัก เมือง เยรูซาเล็ม อัห ก็ เญ็บ งกี ทารเครด เน อัห ท็อก งกี ทารเครด เน ดาย เจ็นนัน ครำ ยิว ก็ มอบ งกี ทารเครด เน อน ตัก ครำ กรอก ซอ วัล” อากาบัด ไล อัห จังนะ ตัวแทน 11:28
เปาโล ก็ ซวัล อิห ฮุนเน “แป แอง ซีวะ จังเน แป เญ็ม ฮุนเน ก็ แป แอง ระ เอิญ ตุกใจ นาย แอ็ม ใจ วัล แอ็ห เอิญ ไอ มี เปียน ใจ เตาะ เอิญ ต็อง เริล เมือง เยรูซาเล็ม ติก ดาย อัห แอง จังนัก ซิห เอิญ ตัก นัน ก็ ตาม แต เตาะ เอิญ พอม ระ อัห ท็อก เอิญ เอิญ พอม ระ อัห มเบิล แอ็ม เอิญ ดาย อัห เติล ลุก เอิญ ก็ ตาม แต เตาะ เอิญ พอม อด เอิด กุญ ก็ เพือ เยซู คริด งกีจ็อง นัน” เปาโล อัง
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน