ตัวแทน 9:10 - Prai Bible

¹⁰ ทาเน ก็ มี ครำ เจือ เยซู มี ล็อง ตัก เมือง ดามากัด นัน ‍ ซือ นำ ตัก อานาเนีย ‍ นำ ก็ เม็จ งกีจ็อง จ็อก เคิบ ออ คือเน “อานาเนีย เฮย” ‍ นำ ก็ ซวัล เค็ย “เอิญ อุ เน ดาย งกีจ็อง เฮย” นำ อัง ‍

ตัวแทน 9:10 ပူးပေါင်းရင်းမြစ်များ

ตัวแทน 22:12

ทาเน ตัก เมือง ดามากัด นัน ‍ ก็ มี ครำ ยิว มี ล็อง ซือ ตัก อานาเนีย ‍ นำ ก็ ทือ กด เอาซาง ‍ นำ ทือ เน็ด ซีเละ ‍ ครำ ยิว ตัก เมือง นัน อัห ก็ นับทือ นำ ซีเละ ‍ อัห เค็ย นำ เป็น ครำ เลาะ ‍

ตัวแทน 10:3

มี ลบ นัน ‍ ปะมาน บาย ซาม โมง เน ‍ โคเนลีอัด ก็ เม็จ เทวาดา คอง เอาซาง โตะ ไล ออ ‍ นำ กิว เม็จ นัง เทวาดา นัน ซีเละ ‍ เทวาดา ล็อง นัน ก็ โตะ งกรอ นำ “โคเนลีอัด เฮย” เทวาดา อัง ‍

เกาตีนา 22:1

ทาเน เอาซาง ก็ โตะ ลอง ใจ อับราฮัม ฮุนเน “อับราฮัม เฮย” นำ อัง ‍ “ซีวะ เออะ” ‍ อับราฮัม อัง

อิซราเอล ญาย 3:4

โมเซด ก็ เริล ดอม อ็อญ ติๆ ‍ เยโฮวา เม็จ โมเซด ติ โตะ นัน ‍ นำ ก็ ลด งกรอ ซิห โมเซด เจ็น เกา ซีเยอะ นัน “โมเซดๆ” นำ อัง ‍ “ซีวะ” โมเซด อัง ‍

ตัวแทน 2:17

เอาซาง ไล จังเน ‍ ‘ตัก ซะไม ซุดทาย นัน บัดนะ ‍ เอิญ ก็ อน ซีมาล ออ ตัก อัห มด ‍ เอิญ อน ตัก ครำ คอง ออ มด จู ล็อง ‍ ควัน บาว ควัน มอน ก็ ไล เลือง เอิญ กุญ ‍ ควัน บาว ก็ เม็จ ซะ ซักซิด เลือง เอิญ ‍ ครำ มแบร็ห ก็ ราย มเพาะ ‍

เกาตีนา 14:15

อับราม เม็จ อัห แลว ‍ นำ ก็ แบง ครำ คอง ออ เป็นปึงๆ ‍ แจ็ล แลว อับราม เคิบ ลูกนอง ก็ ฮบ ปึง อัห ตัก เญ็บ โลด นัน ‍ อัห ฮบ ปึง นัน จำปอ โตะ เคิง เมือง โฮบา ‍ คาม เมือง ดามากัด งคม วัล ‍

ตัวแทน 9:9

นำ บอด มัด อุ แพะ งิ ‍ ไอ มี ตาด มัด นำ เตาะ ‍ จะ ก็ ไอ มี กุญ ป็อง ‍ ออก ก็ ไอ มี กุญ ออก เตาะ

ตัวแทน 11:5

“งิ นาน ‍ ญาม เอิญ อุ ตัก เมือง ยาฟา ‍ เอิญ กำลัง ครอ วอน เอาซาง อุ ‍ ทาเน เอาซาง ก็ ระ เอิญ เม็จ ซะ แปลก มี มบลึ ‍ อี อังกัด มบอด จูล เล็ห เจ็น วาง ตัก ทึห ‍ มี ทาล ท็อก อุ มด ตึง ซี แจง ‍ เย็ห มพลิห โตะ ติๆ เคิง ตี เอิญ อุ นัน ‍

ตัวแทน 12:9

เปโตร ก็ เคริบ เทวาดา ทอก เริล เจ็น ลุก ‍ นำ ไอ มี เม็จจึด กิว เป็น เทวาดา โตะ จวย ออ นังเลาะ ‍ นำ เยา นัง ออ ราย มเพาะ ฮัก ‍

ตัวแทน 16:9

ทาเน ตัก แจ็ล นัน ‍ เปาโล ก็ มเพาะ เม็จ อัหคล็อง มี ล็อง เป็น ครำ มาซีโดเนีย ‍ นำ ญ็อง ครอ ระ เปาโล โตะ จวย ออ “ครอ โตะ จวย อิห ตัก มาซีโดเนีย แต็ห เน วาล กา” เอา นัน อัง ‍

ตัวแทน 16:10

แลว เปาโล มเพาะ เม็จ ฮุนนัน แลว ‍ นำ ก็ ไล อน ตัก อิห  ‍ อิห ก็ ลด เคาใจ เค็ย ‍ เป็น เอาซาง ไล อิห เริล ไล คาว เลาะ คาว แลม นัน อน ตัก ครำ มาซีโดเนีย ‍ อิห ก็ ลด ตัดซินใจ เริล ตัก นัน

ตัวแทน 18:9

ทาเน ก็ มี มี แจ็ล นัน ‍ เปาโล ก็ มเพาะ เม็จ งกีจ็อง ไล ออ คือเน “อำ นเจิก เตาะ ดาย ‍ มัห ไล อัห ติกๆ ‍ อำ เค็ด อุ เตาะ ‍

2 โคริน 11:32

เอิญ เป็น ครำ แมด ซีเละ ดาย ‍ ญาม เอิญ อุ ตัก เมือง ดามากัด กำนา นัน ‍ อัห ก็ และ รวง บัก และ เญ็บ เอิญ ‍ พะเจายูฮัว อารีทัด ก็ ระ ญาม เพา อุ ตัก ปะตู เมือง ‍ เพือ ระ กุญ เญ็บ เอิญ ‍ ไอ มี ระ เอิญ ทอก กุญ เตาะ ‍

กาลาเทีย 1:17

เอิญ ก็ ไอ มี กุญ เริล แอว ซ็วน ปึง นัน ตี เป็น ตัวแทน เยซู ตัก เมือง เยรูซาเล็ม ‍ อัห เป็น ตัวแทน เยซู วาล เอิญ อิง แลว ก็ แมน ‍ แต เอิญ ไอ มี กุญ เริล ซ็วน อัห เตาะ ‍ เอิญ เริล ปะเทด อาราเบีย ฮัก ‍ เจ็นนัน เอิญ ก็ ลบ วัล โตะ ตัก เมือง ดามากัด

ตัวแทน 9:12

นำ ก็ เม็จ ซะ แปลก แลว ‍ นำ เม็จ ครำ ซือ อานาเนีย โตะ พระ ซิห ที ตัก ออ ระ ตาด มัด วัล” งกีจ็อง อัง