ตัวแทน 6:9 - Prai Bible9 แต ก็ มี ปึง ครำ ยิว ตี โตะ เจ็น ฮ็อง พซุม ตี อัห เค็ย ออ เป็น ยิว ตี ปน แอ็ม เจ็น ทาด เป็น อิซระ แลว อัห ก็ โตะ และ เลือง ซะเทเฟน ครำ ยิว ปึง นัน อัห โตะ เจ็น เมือง ไซรีน เคิบ อเล็กซานเดีย เจ็นนัน ก็ มี ครำ ยิว โตะ เจ็น จังวัด ซีลีเซีย เคิบ จังวัด เอเซีย อัห ก็ โตะ โป นำ มด အခန်းကိုကြည့်ပါ။ |
ตัวแทน 6:9
27 ပူးပေါင်းရင်းမြစ်များ
เจ็นเน นโดน เอิญ ก็ ระ ลาม ออ โตะ และ แป วัล เอิญ ก็ ไล ปึง อาจาน ปึง ครู โตะ และ แป วัล เอิญ ระ ปึง อัห เน โตะ ไล แญง เอาซาง ตัก แป บัดนะ แต แป ไอ มี จบ ปัง อัห เตาะ แป มเบิล แอ็ม อัห แด มพำ อัห ตัก งกรัง ซีโรด แด คัล อัห เคิง ฮ็อง พซุม แด แป คมเฮง อัห แป มบรึห แอ็ม อัห ปัด แอ็ม เจ็น เมือง นัน แป จวาด อัห พด เล็ห เมือง เน วัล ดอม บัดนะ ดาย บัดนะ แป ก็ แอง มอก เอิญ เค็ย เน ซีเละ
เยซู ก็ ไล อัห ฮุนเน วัล “วาล ไอ ตัน เล็ห เลือง นัน บัดนะ ก็ มี ครำ คมเฮง แป ดก ซีเละ อัห เญ็บ แป อัห ซับ แป ตัก ฮ็อง พซุม ครำ ยิว อัห พอง แป ตัดซิน แป ตัก นัน อัห วัล เอิด แป เติล ระ ตัก ลุก อัห ก็ พอง แป ตัก มัด เจานาย แกะ ตัก มัด พะเจายูฮัว วัล ตี อัห พอง แป นัน ก็ ญอน แป เจือ เอิญ
ทาเน ปึง ครำ เจือ เยซู ตัก เมือง อันทิโอก นัน ก็ มี ลาม เอาซาง แด มี ครำ ไล เลือง เอาซาง แด ครำ ตี ไล แญง เอาซาง นัน ก็ มี บานาบัด เคิบ ซิเมโอน อัห แทก นำ ตัก ซิเมโอน ญำ เจ็นนัน ก็ มี ลูซีอัด ครำ เมือง ไซรีน แลว ก็ มี เซาโล เจ็นนัน ก็ มี มานาเอน วัล มานาเอน เน นำ เป็น เปือน เคิบ พะเจายูฮัว เฮโรด ปาม เป็น เปือน นอย เจ็น แย็ด
อัห ก็ เคียน จดมาย ฟาก อน ตัก ปาม ระ ปาม ซับ อน ตัก คริซจัก อันทิโอก ตัก จดมาย นัน อัห เคียน คือเน อิห ปึง ตัวแทน เยซู เคิบ ปึง อัหแกะ ตี ซับรวง คริซจัก ตัก เน อิห ซะวัดดี แป อิห ก็ เป็น ควน นไจ แป ซีเละ อิห เคียน อน ตัก แป ตี เป็น ครำ กรอก ซอ ตัก อุ เมือง อันทิโอก แพ็ว จังวัด ซีเรีย เคิบ จังวัด ซีลีเซีย มด ดาย
แป ก็ เม็จ เคิบ มัด ออ แลว นอ เปาโล เน นำ กวา โละ จุ ซุย พซาซน ระ อัห พระ แอ็ม ฮีด เครม ไล ดก แลว ไอ แมน นำ ซุย เมือง เอเฟซัด แอ เน มี เมือง เดียว ดาย นำ เลอะ ซุย อัห บัก และ ทัว จังวัด เอเซีย เน มด แลว นำ เค็ย ฮูบ ตัก ครำ แอง เอิด เน ไอ แมน งกี นำ เค็ย ฮูบ คอง แอ เน ไอ มี ริด มี แร็ง เตาะ นำ เค็ย พะนาง อาเทมิด ก็ ไอ แมน งกี แต คอง แอ เตาะ” นำ อัง
เอิญ ก็ เทียง งกีจ็อง คือเน ‘บา งกีจ็อง เฮย ครำ ยิว ตัก เน อัห ปัง แญง เอิญ ฮุ เพาะวา ครำ ยิว ตัก เน อัห เม็จจึด แลว เอิญ เป็น ครำ ยิว เลาะ กำนา เอิญ ก็ จวย อัห เญ็บ ครำ ตี ทือ มัห ตัก เน เอิญ เญ็บ อัห คัล อัห เอิญ เติล อัห ตัก ลุก เอิญ กวา โละ เริล เญ็บ อัห ตาม ฮ็อง พซุม ครำ ยิว
“เอิญ ก็ เป็น ครำ ยิว มอก แป เน ดาย ไอ แมน อัหซอ เตาะ เอิญ เกิด ตัก เมือง ทาซัด ตัก จังวัด ซีลีเซีย แต เอิญ โตะ อุ ตัก เมือง เยรูซาเล็ม เน แกะ นัง ตัก เน เอิญ ก็ นเจ็น นังซือ ตัก เน กด เครม ตี เอาจ็อง เมจ็อง แอ ทือ เจ็น ตัก อิง ตัก นา นัน เอิญ ก็ นเจ็น ตัก เมือง เนๆ เอิญ เม็จจึด กด เครม นัน มด จู มบลึ แลว อาจาน กามาลิเอล เป็น ครำ ไล อน ตัก เอิญ เอิญ ก็ ทือ เอาซาง เน็ด ซีเละ มอก แป จู งิ เน
ตี แญง เอาซาง ไล แอ จังนัน ก็ เอาซาง ซีรอก ระ แอ เม็จจึด เค็ย ครำ เก็ง ปานเดย ก็ ไอ มี กุญ โตะ และ เอาซาง ญอน นัง ออ เก็ง นัน เป็น อาจาน ซอน ซาดซะนา จบ ซูง ก็ ตึก เป็น ครำ เทียง เลือง ซาดซะนา เก็ง ก็ ตึก ครำ ปึง เน เอาซาง ระ แอ เคาใจ เค็ย ปันญา คอง อัห นัน ก็ งาว ฮัก ปันญา ครำ ตัก โลก เน ไอ มี เป็น ปะโยด ซีวะ เคิบ อัห
ကြော်ငြာတွေ