Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ตัวแทน 5:32 - Prai Bible

32 ปึง อิห เน ก็ เป็น พญาน เม็จ เลือง เน มด ‍ ซีมาล เอาซาง ก็ เป็น พญาน เลิม เคิบ อิห ‍ เป็น ซีมาล ตี เอาซาง อน ตัก แอ ตี ปัง แญง นำ ฮัก ‍ ซีมาล เอาซาง นัน ก็ เป็น พญาน เลิม เคิบ อิห” อัห อัง

အခန်းကိုကြည့်ပါ။ ကော်ပီ




ตัวแทน 5:32
17 ပူးပေါင်းရင်းမြစ်များ  

เยซู ไล อัห เลือง นอก ตัก แอง ระ แอ รีด อุ นัน ‍ ก็ ซีแล็ม เค็ย ซีมาล เอาซาง ‍ ญาม นำ จ็อก อุ เคิบ อัห นัน ‍ นำ ไอ มี ตัน อน ซีมาล เอาซาง ตัก ครำ ตี เจือ นำ ‍ ญาม นัน นำ ไอ มี ตัน เริล อุ เคิบ เอาซาง ตัก ซะวัน ทึห ‍ เอาซาง ก็ ไอ มี ตัน อน เกียด ตัก นำ ‍ บัดนะ เยซู เริล ฮับ เกียด ตัก เอา ออ ทึห วาล ‍ ซัง นำ อน ซีมาล เอาซาง ตัก ครำ ตี เจือ นำ


แต ปึง แป กุญ แร็ง กุญ อำนาด ญาม ซีมาล เอาซาง โตะ อุ ตัก แป บัดนะ ‍ แป ก็ เป็น พญาน เพียห เอิญ ตัก เมือง เยรูซาเล็ม เน ‍ ทัว จังวัด ยูเดีย จังวัด ซะมาเรีย ‍ จำปอ โตะ ซุด นทัล โลก แพนซิก เน” เยซู อัง ‍


ญาม เปโตร ควะ จ็อก อุ เคิบ อัห นัน ‍ ก็ พด โตะ ซีมาล เอาซาง เจ็น วาง ทึห ‍ โตะ อุ เคิบ ปึง อัห ตี ปัง แญง เปโตร อุ นัน ‍


นำ ลบ วัล มแบละ นัง ออ อน ตัก ครำ ตี เริล เลิม เคิบ นำ เจ็น กาลิลี จำปอ โตะ เมือง เยรูซาเล็ม ‍ อัห ก็ เม็จ นัง นำ มด  ‍ ดก งิ นำ มแบละ นัง ออ ตัก อัห ‍ มานะ เน ปึง อัห ตี เม็จ นัง นำ นัน ‍ อัห ก็ เป็น พญาน ไล อน ตัก แอ เน วัล ‍


ตี อิห เคียน ไล แป เน ‍ ซีมาล เอาซาง ก็ กึด มอก อิห เลิมๆ แลว ‍ อิห ไอ มี แอง ระ แป ปึห ซะ จึห เกิน เตาะ ‍ อิห เคียน ไล แป อำ แอง ซี มบลึ เน เตานะ ‍ แป กำ ซะ ตี จำเป็น ซี มบลึ เน ก็ ปอ ‍


อิห เน ก็ เป็น พญาน เลือง เน กุญ ดาย ‍ เอาซาง กิว พร็อห เยซู ระ รีด เล็ห วัล ‍


จู ล็อง จู นัง ก็ มี ซีมาล เอาซาง อุ เลิม มด ‍ อัห ก็ ลด จ็อก แญง อัหซอ กุญ ‍ ซีมาล นัน ระ อัห จ็อก จังนัก อัห ก็ จ็อก จังนัน


ทาเน เปโตร เคิบ ปึง ตัวแทน เยซู นัน ก็ ซวัล อัห คือเน “อิห จำเป็น ต็อง ปัง เอาซาง ดก กวา ปัง แญง ครำ ดาย ‍


เป็น ซีมาล เอาซาง ฮัก ไล แอ ใน ใจ เค็ย ‍ แอ เป็น ควัน เอาซาง ซีเละ ‍


ทาเน กำนา เอิญ แอว และ แป เปียะ ลบ แลว ‍ ลบ เน เอิญ ก็ เริล วัล ‍ ก็ เป็น แพะ ลบ ตึง เน ตี เอิญ โตะ แอว และ แป นอ ‍ ทาเน ตัก คริซจัก แป นัน ‍ กัน มี ครำ ลุห อัง นอย ‍ จบ โตด นอย เค็ย ลุห จังเน จังนัน ‍ ก็ ต็อง มี พญาน กิว เม็จ นำ แอง ลุห ดาย ‍ ตัก แญง เอาซาง ก็ ไล อน คือเน “ต็อง มี พญาน เปียะ แพะ ล็อง เม็จ เลิม ‍ ซัง แอ เจือ” แญง เอาซาง ไล แอ จังนะ นอ ‍ กด ลบ ซอง 19:15


ทาเน เอาซาง ก็ ระ ปึง ลาม นัน เคาใจ เค็ย ‍ เลือง ตี ลาม เคียน ระ อน นัน ‍ ไอ แมน อัห เคียน เพือ นัง ออ เคาใจ ‍ เอาซาง ระ อัห เคียน เพือ แอ ซะไม มานะ เน เคาใจ ฮัก ‍ มานะ เน เลือง ตี ปึง ลาม เคียน ระ อน นัน ‍ ก็ มี ครำ โตะ ไล อน ตัก แป แลว ‍ ก็ เป็น แร็ง ซีมาล เอาซาง จูล เจ็น วาง ทึห โตะ อุ เคิบ อัห ‍ ซีมาล เอาซาง นัน ก็ ระ อัห ไล คาว เลาะ เน อน ตัก แป ฮัก ‍ คาว เลาะ ตี ปึง นัน ไล ก็ เป็น เลือง ซำคัน ซีเละ ‍ คนาด ปึง เทวาดา ก็ วาง ซีรอก เม็จ ซีรอก เคาใจ เมือนนอย ‍ เอาซาง แอง เลาะ เคิบ แอ ซีเละ ‍ นำ ระ แอ ซะไม มานะ เน เคาใจ เลือง ปน แอ็ม เจ็น ลุห เน


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ