ตัวแทน 4:27 - Prai Bible27 ก็ ซีเละ นะ อัห ก็ แอง มอก มัห เค็ย นัน กำนา นัน ตัก เมือง เน แป เฮโรด เคิบ ปอนทีอัด ปีลาด ครำ อิซราเอล ครำ กรอก ซอ อัห ก็ กุญ ใจ นอย ซู เคิบ เยซู ตัก เป็น ลูกนอง เลาะ คอง มัห အခန်းကိုကြည့်ပါ။ |
ตัวแทน 4:27
53 ပူးပေါင်းရင်းမြစ်များ
เลือง พะเจายูฮัว เฮโรด ซงไซ เยซู เป็น ยอน ก็ มอก เน กำนา พะเจายูฮัว เฮโรด เน นำ แอง ลุห อัง กด เอาซาง นำ เอิด ยัห ควน ออ ควน เฮโรด เน ซือ ตัก ฟีลิบ ยัห ฟีลิบ ซือ ตัก เฮโรเดีย ทาเน เฮโรด เน ก็ เอิด เฮโรเดีย ยัห ฟีลิบ เน เป็น ยัห ออ วัล ยอน เม็จ เฮโรด เอิด ยัห ควน ออ จังนัน ยอน ก็ โป เฮโรด นำ เค็ย เฮโรด ลุห อัง กด เอาซาง ลุห ตี นำ เอิด ยัห ฟีลิบ นัน ยอน โป เฮโรด จังนัน เฮโรด ก็ อ็อด อัง ยอน นำ ซีรอก มเบิล แอ็ม ยอน แต นำ ไอ มี ฮาน นำ นเจิก อัง พซาซน เพาะวา พซาซน อัห เจือ เค็ย ยอน ล็อง เน เป็น ลาม เอาซาง เฮโรด ก็ นเจิก เป็น เลือง จ็อง นำ ก็ ลด เญ็บ ยอน เติล ตัก ลุก ไอ มี งเคาะ มเบิล ยอน เตาะ
เจ็นนัน เยซู ก็ ลด ไล ปึง ลูกนอง ออ คือเน วัล “เอิญ ตี เอาซาง ระ เกิด เป็น ครำ เน เอิญ ก็ ต็อง อด โซะ ดก มบลึ ปึง ฮัวนา ครำ ยิว ปึง มอ เอาซาง แกะ เคิบ ปึง อาจาน ซอน กด โมเซด นัน อัห ไอ มี ญอม ฮับ เอิญ อัห ก็ ซำ มเบิล แอ็ม เอิญ วัล แต แพะ งิ เจ็นนัน วัล เอิญ ก็ รีด เล็ห วัล” เยซู ไล ลูกนอง ออ ฮุนนะ
ตุด ตัก งกร็อห อัห ก็ ซับ เยซู ทอก เจ็น เจิง คายาฟัด โตะ ตัก เจิง พูวา พูวา นะ ซือ ตัก ปีลาด เจิง ปีลาด ก็ อุ ตัก ซาลากาง นัน ทาเน ปึง ซะ แกะ ครำ ยิว นัน อัห ไอ มี ญอม กุด ซาลากาง เตาะ อัห ไอ มี ซีรอก กุด ตัก ตี ครำ กรอก ซอ อัห นเจิก ลุห อัง กด อัห นเจิก ไอ มี กุญ ป็อง ซะลอง เปซา งิ กรัก อัห ก็ ไอ มี กุด ซาลากาง นัน เตาะ
ကြော်ငြာတွေ