ตัวแทน 3:13 - Prai Bible13 เอาซาง ตี อับราฮัม อิซอัก ยาโคบ ทือ เจ็น ตัก อิง นัน นำ เป็น งกี ตี เอาจ็อง เมจ็อง แอ ทือ เจ็น ตัก อิง ตัก นา นัน เอาซาง นัน อน เกียด ตัก เยซู ตี ฮับไจ เอาซาง ฮัก เยซู ล็อง เน ตี แป พระ แอ็ม นำ ระ อัห มเบิล แอ็ม นัน แป ก็ เซ็ห อัง เยซู ตัก มัด ปีลาด ปีลาด ตังใจ ปลอย นำ အခန်းကိုကြည့်ပါ။ |
ตัวแทน 3:13
46 ပူးပေါင်းရင်းမြစ်များ
ตัก อิง เอาซาง จ็อก เคิบ โมเซด ตัก เกาลำ ตี กรึห ฮุน โอด แต ไอ มี จีก แอ็ม นัน ญาม เอาซาง จ็อก เคิบ โมเซด นัน อับราฮัม อิซอัก ยาโคบ อัห ก็ เปิล อิง แลว แต ญาม นัน เอาซาง ก็ ไล โมเซด ฮุนเน ‘เอิญ เป็น งกีจ็อง ตี อับราฮัม อิซอัก ยาโคบ ทือ อุ นัน’ เอาซาง ไล โมเซด จังนะ แอ ก็ ต็อง เคาใจ เค็ย อัห กิว รีด เล็ห ซีเละ ซัง อัห ทือ เอาซาง เป็น งกี ออ ครำ เปิล แลว กัน อัห ไอ มี รีด เล็ห วัล อัห ก็ ไอ มี กุญ ทือ ซีวะ เตาะ เอาซาง จ็อก เคิบ โมเซด มอก นัน แอ ก็ ต็อง เคาใจ เค็ย ครำ เปิล แลว อัห กิว รีด เล็ห วัล ซีเละ ดาย” เยซู ไล ปึง ซะ แกะ นัน จังนะ อิซราเอล ญาย 3:6 นำ ไล อัห คือเน วัล “แญง เอาซาง ไล ฮุนเน ‘เอิญ เน เป็น งกี เอา เม แป ตัก อิง เอาจ็อง อับราฮัม อิซอัก เคิบ ยาโคบ อัห ก็ ทือ เอิญ เน’ แญง เอาซาง อัง กัน แญง เอาซาง เค็ย เอาจ็อง แอ ควะ ทือ เอาซาง อุ นัน แอ ก็ ลด เคาใจ เค็ย อัห กิว ควะ รีด อุ นังเลาะ ทาเน ครำ เปิล อัห ไอ มี กุญ ทือ ซีเอ เตาะ นอ เป็น ครำ รีด ฮัก ตี กิว ทือ เอาซาง กุญ แป ตี เค็ย ครำ แอ เน ไอ มี รีด เล็ห วัล แป ลุห ซีเละ” เยซู ไล อัห จังนะ
แต เลือง เยซู นัน ครำ แอ เน เม็จ เลือง นำ แลว ญาม เยซู เกิด เป็น ครำ นัน นำ มี เกียด แย็ด กวา ปึง เทวาดา แต ไอ มี ปอ อิง นำ กุญ เกียด ดก วัล ก็ ฮุนเน ดาย เอาซาง ระ นำ มี เกียด แย็ด ญาม นำ เป็น ครำ ระ นำ กุญ เปิล แตน แอ มด จู ล็อง ตี นำ เปิล แตน แอ นัน ก็ ญอน เอาซาง แอง เลาะ ซิห แอ ฮัก แต มานะ เน แอ เม็จ นำ มี เกียด ดก ซีเละ นำ มี เกียด ดก ก็ ญอน นำ ญอม เปิล แตน แอ นัน
แต ปึง พซาซน อัห เค็ย “มพำ นำ ซิห ตัก ลำ ซีโรด มพำ นำ ซิห ตัก ลำ ซีโรด” อัห อัง ปีลาด ก็ ซ็วน อัห วัล “แป ซีรอก ระ เอิญ เอิด พะเจายูฮัว แป มพำ ซิห ตัก ลำ ซีโรด ซีเละ อัน ไอ แมน ก้า” ปีลาด ซ็วน อัห จังนะ ปึง มอ เอาซาง แกะ ก็ ซวัล ปีลาด ฮุนเน “ล็อง เน ไอ แมน พะเจายูฮัว คอง อิห เตาะ อิห มี พะเจายูฮัว มี ล็อง เดียว ตัก ซีซา นัน” อัห อัง
ปีลาด เม็จ เยซู ไล ออ จังนะ นำ ก็ เฮง ซีรอก พระ แอ็ม เยซู ติกๆ แต ญาม นำ เค็ย ซีรอก พระ แอ็ม เยซู นัน ปึง พซาซน ก็ นซาก งกรอ คือเน วัล “กัน มัห พระ แอ็ม ล็อง เน มัห ก็ ไอ แมน เปือน พะเจายูฮัว ซีซา เตาะ ล็อง เน เค็ย ออ เป็น พะเจายูฮัว ดุห อีเอ ตี เค็ย นัง ออ เป็น พะเจายูฮัว อัห ก็ เป็น ซะตรู พะเจายูฮัว ซีซา ดาย” พซาซน อัง
เจ็นนัน ก็ ครอ ระ เยซู คริด จวย ระ แป อุ เลาะ อุ ซุก วัล นำ จ็อก เลาะ จ็อก ซือ เลือง เอาซาง นำ จ็อก แคระ ตลอด นำ เป็น ล็อง แรก ตี เปิล ลบ วัล รีด เล็ห วัล บัดนะ นำ ก็ เป็น พะเจายูฮัว แกะ ทีซุด ใน โลก เน นำ ก็ ปกคอง พะเจายูฮัว จู ล็อง ทัว โลก วัล ครอ ระ เยซู เน แอง เลาะๆ ซิห แป ระ แป อุ เลาะ อุ ซุก ดาย ครอ ลือ เยซู คริด ดาย นำ รัก แอ นำ เซีย เมียม ออ แก ลุห แอ ระ แอ เน ปน แอ็ม เจ็น ลุห
อานาเนีย ก็ ไล เอิญ ฮุนเน วัล ‘เอาซาง เลือก เอิด มัห แลว ดาย เอาซาง ตัก เป็น งกีจ็อง คอง แอ ตัก เอา เม แอ ทือ เจ็น ตัก อิง นัน นำ เลือก เอิด มัห แลว นำ ไล มัห แอง ซีวะ วัล นำ ก็ ระ มัห เม็จจึด ฮัก นำ ก็ ระ มัห เม็จจึด ล็อง นัน ตัก แอง เลาะ แอง ซือ นัน เอาซาง ระ มัห เม็จ ล็อง นัน จ็อก เคิบ งกาบ ออ ฮัก
งิ นัน ปึง ลูกนอง เยซู อัห ไอ มี เคาใจ ตี เยซู ต็อก ลา นัน แต แลว เยซู เปิล ลบ วัล รีด เล็ห แลว แลว นำ เริล วาง นทึห แลว แลว นำ กุญ เกียด ตัก เอาซาง นทึห แลว แทะ นัน วัล ซัง ปึง ลูกนอง นำ เคาใจ เลือง นำ ต็อก ลา กุด เมือง เยรูซาเล็ม นัน อัห ก็ ลุห นโทล อัง แญง เอาซาง ตี เพีย ไล อน เลือง เยซู ต็อก ลา นัน อัห เม็จ ฮุนนัน มด ซัง อัห เคาใจ
เยซู ไล อัห เลือง นอก ตัก แอง ระ แอ รีด อุ นัน ก็ ซีแล็ม เค็ย ซีมาล เอาซาง ญาม นำ จ็อก อุ เคิบ อัห นัน นำ ไอ มี ตัน อน ซีมาล เอาซาง ตัก ครำ ตี เจือ นำ ญาม นัน นำ ไอ มี ตัน เริล อุ เคิบ เอาซาง ตัก ซะวัน ทึห เอาซาง ก็ ไอ มี ตัน อน เกียด ตัก นำ บัดนะ เยซู เริล ฮับ เกียด ตัก เอา ออ ทึห วาล ซัง นำ อน ซีมาล เอาซาง ตัก ครำ ตี เจือ นำ
เจ็นนัน เยซู ก็ ลด ไล ครำ ตี อุ เลิม เคิบ ออ นัน คือเน “เอา เอิญ นำ มอบ ซิด อำนาด จู มบลึ ตัก เอิญ แลว แต ครำ ไอ มี กิว เคาใจ ไอ มี ซีเอ กิว เม็จจึด เอิญ ตี เป็น ควัน นำ มี แต เอา เอิญ มี ล็อง เดียว นัน เม็จจึด เอิญ ครำ ซอ ไอ มี กิว เม็จจึด เอิญ เตาะ เอา เอิญ ก็ เมือนนอย ไอ มี ซีเอ กิว เม็จจึด เอา เอิญ มี แต เอิญ เคิบ ปึง นัน ตี เอิญ ซีรอก ระ เม็จจึด เคิบ เอา เอิญ ฮัก ปึง นัน อัห เม็จจึด เคิบ เอา เอิญ ครำ ซอ ไอ มี เม็จจึด เอา เอิญ เตาะ” เยซู อัง
โมเซด ก็ ซ็วน งกีจ็อง ฮุนเน วัล “กัน เอิญ เริล และ อัห ตัก ปะเทด อียิบ แลว เอิญ ก็ ไล อัห เค็ย 'งกีจ็อง คอง เอาจ็อง เมจ็อง แอ ตัก อิง นัน นำ ไล เอิญ โตะ และ แป' เอิญ อัง นอ จับ อัห ลบ วัล ซ็วน เอิญ ฮุนเน วัล ‘งกีจ็อง นะ เป็น ซีเอ ซือ นำ จังนัก’ กัน อัห ซ็วน เอิญ ฮุนเน เอิญ ซวัล อัห จังนัก เตาะ” โมเซด อัง
แต เอิญ ญอม ฮับ มี เลือง เดียว เน ตัก มัด มัห เป็น เลือง ตี เอิญ ญอม ฮับ เค็ย เอิญ ทือ เอาซาง แบบ เยซู ตี อัห เค็ย ไอ มี แคระ นัน เอิญ ญอม ฮับ มี เลือง เดียว เน เลือง ซอ เอิญ ก็ เจือ มอก ครำ ตี โตะ พอง เอิญ เน เอิญ ทือ งกีจ็อง มอก เอาจ็อง เมจ็อง อิห ตัก อิง นัน นังซือ กด เอาซาง เคิบ นังซือ ลาม เอาซาง เครม ตี อัห เคียน ระ อน นัน เอิญ ก็ เจือ มด
ครำ อิซราเอล นัน อัห พิเซด ซีเละ อัห เป็น ควัน นจะ ควัน ลาน คอง เอาจ็อง อับราฮัม อิซอัก เคิบ ยาโคบ ดุห เยซู คริด ตี โตะ เกิด เป็น ครำ แอ เน นำ ก็ เกิด ตัก กรอก อิซราเอล นัน ดุห เอาซาง แอง เลาะ แอง พิเซด เคิบ ครำ อิซราเอล ดก มบลึ นอ เจ็นนัน ก็ ครอ ระ ครำ แอ เน ลือ เอาซาง ตี มี ริด มี แร็ง ตี ปกคอง จู มบลึ จู มบลัก นัน ครอ ลือ เอาซาง จำ นเดย จำ กวา ซาทุ
ကြော်ငြာတွေ