ตัวแทน 28:23 - Prai Bible23 เจ็นนัน อัห ก็ นัด พซุม นอย แมะ วัล มี ลบ อัห เพีย ไล อน งิ พซุม ตัก เปาโล เล็ห งิ นัน แลว อัห ก็ เลอะ โตะ พซุม นอย เคิบ เปาโล ตัก ฮ็อง คอง นำ นำ ก็ ไล แญง เอาซาง อน ตัก อัห มด งิ เจ็น งกร็อห จำ แจ็ล นำ ไล เลือง เอาซาง โตะ ปกคอง โลก นำ เอิด นังซือ กด โมเซด เคิบ นังซือ ลาม เอาซาง ไท ไล อน ตัก อัห นำ ก็ เซียงตี ซับรวง อัห เจือ เยซู အခန်းကိုကြည့်ပါ။ |
ตัวแทน 28:23
19 ပူးပေါင်းရင်းမြစ်များ
นำ ก็ ไล อัห ฮุนเน “เลือง เอิญ เปิล ลบ วัล รีด เล็ห เน ก็ กิว เป็น เล็ห ฮุน เอิญ เพีย ไล แป แลว ตัก กำนา ญาม เอิญ ควะ อุ เลิม เคิบ แป นัน เอิญ ก็ ไล แป แลว เค็ย นังซือ เอาซาง ไล จังนัก ก็ ต็อง เป็น เล็ห ฮุนนัน มด จู มบลึ ตัก นังซือ โมเซด ตัก นังซือ เพลง เอาซาง ตัก นังซือ ปึง ลาม เอาซาง เคียน ก็ เมือนนอย มด จู เลือง ตี อัห เพีย เคียน เลือง เอิญ เน ก็ ต็อง กิว เกิด เล็ห มอก อัห เคียน ระ อน นัน มด” เยซู อัง
ทาเน เยซู ก็ ไล อัห คือเน “ซะ ป็อง คอง เอิญ ก็ ฮุนเน ดาย เอิญ แอง มอก เอาซาง ไล อน นัน เอิญ ก็ อิม แลว เอิญ โตะ ตัก โลก เน เอิญ โตะ แอง ตาม ใจ เอาซาง ฮัก เป็น เอาซาง นัน ฮัก ระ เอิญ โตะ ตัก โลก เน เอิญ ก็ ต็อง แอง มอก นำ กึด ระ อน ฮัก กัน เอิญ แองกาน ตาม แพนกาน เอาซาง แลว มด เอิญ ก็ อิม เน เป็น ซะ ป็อง คอง เอิญ
แต เอิญ ญอม ฮับ มี เลือง เดียว เน ตัก มัด มัห เป็น เลือง ตี เอิญ ญอม ฮับ เค็ย เอิญ ทือ เอาซาง แบบ เยซู ตี อัห เค็ย ไอ มี แคระ นัน เอิญ ญอม ฮับ มี เลือง เดียว เน เลือง ซอ เอิญ ก็ เจือ มอก ครำ ตี โตะ พอง เอิญ เน เอิญ ทือ งกีจ็อง มอก เอาจ็อง เมจ็อง อิห ตัก อิง นัน นังซือ กด เอาซาง เคิบ นังซือ ลาม เอาซาง เครม ตี อัห เคียน ระ อน นัน เอิญ ก็ เจือ มด
ทาเน แป ครอ เคิบ เอาซาง เพือ เอิญ ดก แลว นอ แป ครอ ระ นำ จวย เอิญ กุญ ปน แอ็ม เจ็น ลุก เน ดก แลว เอิญ ก็ แก็นใจ เค็ย เอาซาง แอง มอก แป ครอ แลว นัน เอิญ ปน แอ็ม เจ็น ลุก แลว เอิญ ก็ อง โตะ แอว และ แป เจ็นนัน เอิญ ก็ ครอ ไล มัห เพีย เตียม ฮ็อง มี ฮ็อง ระ อน ตัก เอิญ ระ เอิญ กุญ พัก อุ เคิบ มัห แด
ကြော်ငြာတွေ