ก็ ฮุนเน ดาย วาล นัน เอิญ ไอ มี ตัน เม็จ คาว เลาะ คาว แลม เน ญาม นัน เอิญ ทือ แบบ ยิว ฮัก เอิญ ทือ กด ทือ ระเบียบ ตี เอา เม อิห ทือ ออ เจ็น ตัก อิง ฮัก เอิญ ทือ ยาง เน็ด ซีเละ เอิญ ทือ เน็ด กวา ครำ ยิว ซะไม นัน มด เอิญ ทือ เน็ด กวา เปือน มี รุน เลิม ญาม นัน เอิญ เป็น ครำ จังนัก แป ก็ เม็จ แลว นอ ญาม นัน เอิญ ดุ คมเฮง คริซจัก ซีเละ เอิญ วาง ทำลาย ครำ ทือ เยซู เอิญ ซีรอก มเบิล แอ็ม อัห มด ไอ มี ระ ควะ ซีเอ เตาะ เอิญ ดุ ซีเละ ญาม นัน
ตัวแทน 26:4 - Prai Bible4-5 เอิญ เน ก็ ทือ แบบ ครำ ยิว นัน แลว ปึง ครำ ยิว นัน อัห ก็ เม็จจึด เคิบ เอิญ เลาะ ซีเละ อัห เม็จจึด เอิญ เจ็น แย็ด เจ็น เกิด อัห ไล อน มัห ก็ กุญ กัน อัห ญอม ไล ดาย เอิญ ก็ ทือ แบบ อัห เจ็น แย็ด เจ็น เกิด จำปอ โตะ อุ ตัก เมือง เยรูซาเล็ม นัน เอิญ เน ก็ แอง มอก ฟาริซี ตี ทือ เอาซาง เน็ด ทีซุด นัน เอิญ ก็ ทือ มอก อัห นัน เลือง เน อัห ก็ เม็จจึด แลว ตัวแทน 23:6, ฟีลิบปี 3:5 အခန်းကိုကြည့်ပါ။ |
ตัวแทน 26:4
5 ပူးပေါင်းရင်းမြစ်များ
ปึง นัน อัห แอง ไอ มี เลาะ นอ แต เอิญ เน เป็น ครำ จังนัก มัห ก็ เม็จ เคิบ มัด ออ มด แลว นอ เอิญ ไล อัห จังนัก เอิญ แอง จังนัก เอิญ มี เปามาย ซีวิด ออ จังนัก มัห ก็ เม็จ เคิบ มัด ออ มด แลว เอิญ แก็นใจ เจือ เอิญ ซอดแซ็ง เคิบ อัห เอิญ รัก อัห เอิญ อด ตุก อด ญาก นัน มัห ก็ เม็จ มด แลว นอ
“เอิญ ก็ เป็น ครำ ยิว มอก แป เน ดาย ไอ แมน อัหซอ เตาะ เอิญ เกิด ตัก เมือง ทาซัด ตัก จังวัด ซีลีเซีย แต เอิญ โตะ อุ ตัก เมือง เยรูซาเล็ม เน แกะ นัง ตัก เน เอิญ ก็ นเจ็น นังซือ ตัก เน กด เครม ตี เอาจ็อง เมจ็อง แอ ทือ เจ็น ตัก อิง ตัก นา นัน เอิญ ก็ นเจ็น ตัก เมือง เนๆ เอิญ เม็จจึด กด เครม นัน มด จู มบลึ แลว อาจาน กามาลิเอล เป็น ครำ ไล อน ตัก เอิญ เอิญ ก็ ทือ เอาซาง เน็ด ซีเละ มอก แป จู งิ เน
แต เอิญ ญอม ฮับ มี เลือง เดียว เน ตัก มัด มัห เป็น เลือง ตี เอิญ ญอม ฮับ เค็ย เอิญ ทือ เอาซาง แบบ เยซู ตี อัห เค็ย ไอ มี แคระ นัน เอิญ ญอม ฮับ มี เลือง เดียว เน เลือง ซอ เอิญ ก็ เจือ มอก ครำ ตี โตะ พอง เอิญ เน เอิญ ทือ งกีจ็อง มอก เอาจ็อง เมจ็อง อิห ตัก อิง นัน นังซือ กด เอาซาง เคิบ นังซือ ลาม เอาซาง เครม ตี อัห เคียน ระ อน นัน เอิญ ก็ เจือ มด
ကြော်ငြာတွေ