12 เจ็นนัน เปาโล ก็ ไล อัห ตอ วัล คือเน “มี มี ลบ นัน เอิญ กำลัง และ เริล เญ็บ ครำ เยซู ตัก เมือง ดามากัด ไบ อนุยาด เญ็บ อัห ตี ปึง มอ เอาซาง แกะ แอง อน เอิญ นัน เอิญ ก็ เอิด เริล เลิม
ปึง มอ เอาซาง แกะ เคิบ ปึง ฟาริซี เพีย ไล อัห วาล แลว เค็ย กัน ซีเอ เม็จ เยซู อุ ตัก นเดย ก็ โตะ ไล ปึง ฟาริซี เวิดๆ ระ ปึง ฟาริซี นัน กุญ เญ็บ เยซู
เอิญ เกย คมเฮง ครำ เยซู ตัก เมือง เยรูซาเล็ม ซีเละ ปึง มอ เอาซาง แกะ ก็ ซำ วัล ระ เอิญ มี ซิด เญ็บ ครำ ตี ทือ เยซู เติล ลุก เอิญ ก็ เญ็บ อัห ดก ล็อง ญาม อัห ตัดซิน มเบิล แอ็ม ครำ ทือ เยซู นัน เอิญ ก็ จวย ตัดซิน เลิมๆ วัล
ทาเน ก็ แปลก ซีเละ พะเจายูฮัว เฮย ญาม อิห กำลัง เริล ตาม รวง นัน ก็ บัก และ เตียง เน เอิญ ก็ เม็จ พุก ทาง ซะ เจ็น วาง ทึห แร็ง ทาง ซีเละ ทาง กวา งิ วัล ทาง ซะ นัน แกวด นัง เอิญ เคิบ เปือน ตี เริล เลิม นัน
ซุดทาย นัน นำ ก็ มแบละ นัง ออ ตัก เอิญ วัล แต เอิญ เน เม็จ เยซู แทะ มู แทะ ปึง เอิญ เม็จ นำ แทะ อัห เอิญ มอก ควัน แย็ด ตี เกิด ไอ มี ตัน อัง อัห