ตัวแทน 24:14 - Prai Bible14 แต เอิญ ญอม ฮับ มี เลือง เดียว เน ตัก มัด มัห เป็น เลือง ตี เอิญ ญอม ฮับ เค็ย เอิญ ทือ เอาซาง แบบ เยซู ตี อัห เค็ย ไอ มี แคระ นัน เอิญ ญอม ฮับ มี เลือง เดียว เน เลือง ซอ เอิญ ก็ เจือ มอก ครำ ตี โตะ พอง เอิญ เน เอิญ ทือ งกีจ็อง มอก เอาจ็อง เมจ็อง อิห ตัก อิง นัน นังซือ กด เอาซาง เคิบ นังซือ ลาม เอาซาง เครม ตี อัห เคียน ระ อน นัน เอิญ ก็ เจือ มด အခန်းကိုကြည့်ပါ။ |
ตัวแทน 24:14
44 ပူးပေါင်းရင်းမြစ်များ
นำ ก็ ไล อัห ฮุนเน “เลือง เอิญ เปิล ลบ วัล รีด เล็ห เน ก็ กิว เป็น เล็ห ฮุน เอิญ เพีย ไล แป แลว ตัก กำนา ญาม เอิญ ควะ อุ เลิม เคิบ แป นัน เอิญ ก็ ไล แป แลว เค็ย นังซือ เอาซาง ไล จังนัก ก็ ต็อง เป็น เล็ห ฮุนนัน มด จู มบลึ ตัก นังซือ โมเซด ตัก นังซือ เพลง เอาซาง ตัก นังซือ ปึง ลาม เอาซาง เคียน ก็ เมือนนอย มด จู เลือง ตี อัห เพีย เคียน เลือง เอิญ เน ก็ ต็อง กิว เกิด เล็ห มอก อัห เคียน ระ อน นัน มด” เยซู อัง
เจ็นนัน ก็ มี ครำ อาน นังซือ โมเซด เคิบ แญง ลาม เอาซาง อน ตัก มู ตี พซุม อุ นัน แลว อัห อาน นังซือ เอาซาง แลว ปึง กำมะกาน ฮ็อง พซุม นัน ก็ ไล ครำ มพอล เปาโล เคิบ บานาบัด จ็อก เคิบ อัห ตัก ฮ็อง พซุม นัน อัห ก็ ไล ปาม คือเน “ควน นไจ เฮย กัน แป มี เลือง ซีวะ ระ อิห มี กำลัง ใจ ก็ แป ไล อน ตัก อิห ดาย” อัห อัง
อานาเนีย ก็ ไล เอิญ ฮุนเน วัล ‘เอาซาง เลือก เอิด มัห แลว ดาย เอาซาง ตัก เป็น งกีจ็อง คอง แอ ตัก เอา เม แอ ทือ เจ็น ตัก อิง นัน นำ เลือก เอิด มัห แลว นำ ไล มัห แอง ซีวะ วัล นำ ก็ ระ มัห เม็จจึด ฮัก นำ ก็ ระ มัห เม็จจึด ล็อง นัน ตัก แอง เลาะ แอง ซือ นัน เอาซาง ระ มัห เม็จ ล็อง นัน จ็อก เคิบ งกาบ ออ ฮัก
เอิญ เน ก็ ทือ แบบ ครำ ยิว นัน แลว ปึง ครำ ยิว นัน อัห ก็ เม็จจึด เคิบ เอิญ เลาะ ซีเละ อัห เม็จจึด เอิญ เจ็น แย็ด เจ็น เกิด อัห ไล อน มัห ก็ กุญ กัน อัห ญอม ไล ดาย เอิญ ก็ ทือ แบบ อัห เจ็น แย็ด เจ็น เกิด จำปอ โตะ อุ ตัก เมือง เยรูซาเล็ม นัน เอิญ เน ก็ แอง มอก ฟาริซี ตี ทือ เอาซาง เน็ด ทีซุด นัน เอิญ ก็ ทือ มอก อัห นัน เลือง เน อัห ก็ เม็จจึด แลว ตัวแทน 23:6, ฟีลิบปี 3:5
เจ็นนัน อัห ก็ นัด พซุม นอย แมะ วัล มี ลบ อัห เพีย ไล อน งิ พซุม ตัก เปาโล เล็ห งิ นัน แลว อัห ก็ เลอะ โตะ พซุม นอย เคิบ เปาโล ตัก ฮ็อง คอง นำ นำ ก็ ไล แญง เอาซาง อน ตัก อัห มด งิ เจ็น งกร็อห จำ แจ็ล นำ ไล เลือง เอาซาง โตะ ปกคอง โลก นำ เอิด นังซือ กด โมเซด เคิบ นังซือ ลาม เอาซาง ไท ไล อน ตัก อัห นำ ก็ เซียงตี ซับรวง อัห เจือ เยซู
ทิโมที เฮย เอิญ คอบคุน เอาซาง เลือง มัห ซีเละ ดาย เอิญ คอบคุน เอาซาง ตี เอิญ ฮับไจ นัน มอก เอาจ็อง เมจ็อง แอ ตัก อิง ฮับไจ นำ นัน เอิญ ก็ ฮับไจ นำ เลาะ เอิญ ไอ มี กึด เค็ย นัง ออ ลุห เคิบ นำ เตาะ เอิญ ครอ วอน เอาซาง เพือ มัห ตึง งิ ตึง แจ็ล เอิญ ครอ วอน เพือ มัห ตลอด เอิญ แร็ง งอม อัง มัห ซีรอก เม็จ มัด มัห ซีเละ กำนา ญาม เอิญ พระ มัห นัน มัห ก็ เญ็ม เซียใจ ซีเละ นอ เอิญ ก็ ควะ จำ เลือง นัน อุ กัน แอ กุญ เม็จ มัด นอย อุ เลิม เคิบ นอย วัล เอิญ ก็ เลาะใจ ซีเละ ดาย มัห เจือ เอาซาง เลาะ ซีเละ ดาย เลือง เน เอิญ ก็ เม็จ เลาะ นอ มัห แก็นใจ เจือ เยซู มอก เมจ็อง คอง มัห ตัก โลอิด เคิบ เม คอง มัห ตัก ยูนิด นัน เอิญ คอบคุน เอาซาง เลือง มัห ซีเละ ดาย
ทาเน ปึง ลาม นัน อัห ก็ มี ซีมาล เยซู อุ เคิบ ออ ญาม นัน นอ ซีมาล เยซู ก็ เพีย ไล อัห ดก มบลึ ซีมาล เยซู เพีย ไล อัห เค็ย เยซู คริด ต็อง อด โซะ ต็อง เปิล แต นำ ต็อง กุญ เกียด ดก วัล ทาเน ปึง ลาม เม็จ ซีมาล เยซู เพีย ไล อัห ฮุนนัน อัห ก็ เคียน จู มบลึ นัน ระ อน อัห ซีรอก เม็จจึด เลือง นัน เกิด เล็ห ญาม นเดย เป็น จังนัก วัล อัห ซีรอก เม็จ ซีเละ แต อัห วาง ซีรอก เม็จจึด ก็ ไอ มี กุญ เม็จ แอ็ม เตาะ
เอิญ เม็จ เทวาดา ไล ออ คือนะ แลว เอิญ ก็ บัก และ กราบ ไว นำ แต นำ ก็ มบราง เอิญ ไว ออ “อำ จบ ไว เอิญ เตาะ แอ ก็ เป็น ครำ ฮับไจ เอาซาง เลิม นอย นัน เอิญ เคิบ มัห ก็ เป็น ครำ ฮับไจ เอาซาง เลิม ควน นไจ มัห จู ล็อง ตี แก็นใจ เจือ แญง เยซู นัน อัห ก็ เป็น ลูกนอง เอาซาง เมือนนอย มด ครอ ระ แอ ไว เอาซาง ฮัก ซัง เลาะ เพาะวา เลือง ซำคัน ทีซุด ตี ลาม เอาซาง ไล อน นัน ก็ เป็น เลือง เยซู มด ฮัก แอ ไว เอาซาง ฮัก ซัง เลาะ” เทวาดา อัง
ကြော်ငြာတွေ