ตัวแทน 22:14 - Prai Bible14 อานาเนีย ก็ ไล เอิญ ฮุนเน วัล ‘เอาซาง เลือก เอิด มัห แลว ดาย เอาซาง ตัก เป็น งกีจ็อง คอง แอ ตัก เอา เม แอ ทือ เจ็น ตัก อิง นัน นำ เลือก เอิด มัห แลว นำ ไล มัห แอง ซีวะ วัล นำ ก็ ระ มัห เม็จจึด ฮัก นำ ก็ ระ มัห เม็จจึด ล็อง นัน ตัก แอง เลาะ แอง ซือ นัน เอาซาง ระ มัห เม็จ ล็อง นัน จ็อก เคิบ งกาบ ออ ฮัก အခန်းကိုကြည့်ပါ။ |
ตัวแทน 22:14
33 ပူးပေါင်းရင်းမြစ်များ
นังเลาะ แลว แป ไอ มี กุญ เลือก เอิด เอิญ เอิญ เน เลือก เอิด แป ฮัก เอิญ เลือก เอิด แป ระ แป แอง ซะ ตี เป็น ปะโยด ดกๆ ระ เป็น ปะโยด จำ นเดย จำ กวา ตี เอิญ ระ แป เป็น ปะโยด ดก มอก นัน ก็ เพือ ระ เอา เอิญ ปัง แญง แป ตลอด กัน แป ครอ ซีวะ ตัก เอา ญอน แป เป็น ครำ คอง เอิญ เอา เอิญ ก็ อน แป มด
แต เอิญ ญอม ฮับ มี เลือง เดียว เน ตัก มัด มัห เป็น เลือง ตี เอิญ ญอม ฮับ เค็ย เอิญ ทือ เอาซาง แบบ เยซู ตี อัห เค็ย ไอ มี แคระ นัน เอิญ ญอม ฮับ มี เลือง เดียว เน เลือง ซอ เอิญ ก็ เจือ มอก ครำ ตี โตะ พอง เอิญ เน เอิญ ทือ งกีจ็อง มอก เอาจ็อง เมจ็อง อิห ตัก อิง นัน นังซือ กด เอาซาง เคิบ นังซือ ลาม เอาซาง เครม ตี อัห เคียน ระ อน นัน เอิญ ก็ เจือ มด
อานาเนีย ก็ เริล โตะ เจิง อัห แลว อานาเนีย ก็ กุด ควังใน เจิง นำ ก็ ต็อก ซิห ที ตัก เซาโล นำ ก็ จ็อก คือเน “เซาโล เฮย เยซู งกีจ็อง คอง แอ ตี นำ ระ มัห เม็จ นัง ออ ตัก รวง งิ นาน นำ ไล เอิญ โตะ และ มัห นำ ไล เอิญ โตะ จวย มัห ระ มัห ดอม ซะ ตาด วัล ดาย นำ ก็ ระ มัห มี ซีมาล เอาซาง อุ เลิม เคิบ มัห” อานาเนีย อัง
ควน นไจ เฮย เลือง ตี แป มี ซิด ป็อง ซีวะ กุญ มด นัน ครอ ดอม เอิด จาง ตัก เอิญ ดาย เอิญ เน เป็น ตัวแทน คอง เยซู เอิญ ก็ มี ซิด ดก มบลึ แต เอิญ เน ไอ มี ไจ ซิด คอง ตัวแทน นัน เตาะ เอิญ เป็น ครำ อิซระ แลว ไอ มี จำเป็น ตาม ใจ อีเอ เตาะ เอิญ กิว เม็จ เยซู คริด งกีจ็อง คอง แอ เคิบ มัด ออ นังเลาะ แป จู ล็อง ตี เจือ เยซู คริด นัน แป ก็ เจือ ญอน เอิญ เนๆ ไล เลือง นำ อน ตัก แป นอ
แต เป็น เอาซาง ฮัก แอง เลาะ ซิห เอิญ ระ เอิญ เม็จ ออ นำ ใจ ดัว แอง เลาะ ซิห เอิญ ซีเละ นอ ก็ มอก เน ดาย วาล เอิญ ไอ มี ตัน เกิด เอาซาง ก็ เลือก เอิด เอิญ เป็น ลูกนอง ออ แลว นำ ปอใจ เลือก เอิด เอิญ เจ็น เอิญ ควะ อุ ตัก มพุล เม ออ เจ็น ตัก อิง เอาซาง ซีรอก ระ เอิญ ไล คาว เลาะ คาว แลม เน อน ตัก ครำ กรอก ซอ ตี ไอ แมน ครำ ยิว แลว เอาซาง ระ เอิญ เม็จจึด เคิบ ควัน ออ แลว เอิญ ก็ ไอ มี กุญ เริล ซ็วน ซีเอ เตาะ เอิญ ไอ มี กุญ ซ็วน อัห เค็ย คาว เลาะ นัน เป็น จังนัก เป็น เอาซาง ไล คาว เลาะ นัน ตัก เอิญ ฮัก
เอิญ เปาโล ดาย เอิญ เคียน จดมาย เน อน ตัก มัห ดาย ทีตัด เอาซาง ระ เอิญ เป็น ลูกนอง คอง ออ เยซู คริด ก็ ระ เอิญ เป็น ตัวแทน คอง ออ วัล เยซู เน นำ ระ เอิญ มี นาตี ไล แญง เอาซาง อน ตัก ครำ ตี นำ เลือก ระ อน นำ ก็ ระ เอิญ มี นาตี จวย ระ อัห เฮง เคาใจ เลือง นังเลาะ คอง เอาซาง เอิญ ต็อง ไล อัห ระ เคาใจ เลาะๆ เลือง นังเลาะ คอง เอาซาง นัน ก็ ซับรวง อัห แอง เลาะ มอก เอาซาง ฮัก
ကြော်ငြာတွေ