ตัวแทน 21:1 - Prai Bible

¹ แลว อิห พระ นอย ตัก มีเลทัด นัน แลว ‍ อิห ก็ เริล ออ ‍ อิห ต็อก เฮือ เริล ซือๆ เจ็น เมือง มีเลทัด พด เล็ห ตัก เกาะ โคด ‍ อิห ต็อก เฮือ เริล มี งิ วัล ‍ ก็ เล็ห ตัก เมือง โรด ‍ เจ็นนัน ก็ อิห เริล เมือง ปาทารา วัล ‍

ตัวแทน 21:1 ပူးပေါင်းရင်းမြစ်များ

1 เทซะโลนิกา 2:17

ควน นไจ เฮย ‍ กำนา นัน อิห จำเป็น พระ แป วาล ‍ อิห พระ แป มี บึด มี ญาม ‍ แต ใจ อิห ก็ ควะ อุ เคิบ แป ดาย ‍ อิห แร็ง งอม อัง แป ‍ ซีรอก เม็จ มัด แป ซีเละ ดาย ‍ เจ็นนัน อิห ก็ เซียง ตี และ รวง แอว และ แป ซีเละ ‍

ลูกา 5:4

แลว เยซู นเจ็น อัห แลว ‍ นำ ก็ ไล ซีโมน คือเน “แป ทอย เฮือ ซับ ตัก นอก จุๆ โตน นัน ดาย ‍ แป ซิห อวน เอิด คา ตัก นัน” นำ อัง

ตัวแทน 27:2

ทาเน ก็ มี เฮือ มี ลำ โตะ เจ็น เมือง อัดรามิทิยุม ‍ อัห กำลัง ซับ เฮือ นัน เริล ตาม เปล นอก ทะเล ‍ เฮือ นัน ก็ แวด ดก เมือง ตัก จังวัด เอเซีย ‍ อิห ก็ ต็อก เฮือ ลำ นัน เริล ‍ ก็ มี ครำ มาซีโดเนีย มี ล็อง ‍ นำ โตะ เจ็น เมือง เทซะโลนิกา ‍ ซือ นำ ตัก อาริทาคัด ‍ นำ ก็ ต็อก เฮือ เลิม เคิบ อิห นัน

ลูกา 8:22

ทาเน ก็ มี มี งิ นัน วัล ‍ เยซู ก็ ต็อก เฮือ เลิม เคิบ ลูกนอง ออ ‍ นำ ก็ ไล อัห ฮุนเน “แอ คาม นอก เริล พาโนน ดาย” นำ อัง ‍ อัห ก็ ลด ต็อก เฮือ เริล ออ ‍

ตัวแทน 27:4

เจ็นนัน อิห ก็ ต็อก เฮือ เริล เจ็น เมือง ไซดอน ติกๆ ‍ ไอ มี จับ ลาย งกริม ‍ อิห ก็ ลด มพัล เกาะ ไซปรัด เริล ลัห เพียห นเดิด งกริม ‍