ตัวแทน 19:23 - Prai Bible

²³ ทาเน เปาโล ก็ อุ ตัก เมือง เอเฟซัด นัน ‍ ญาม นัน ก็ มี เลือง จ็อง เกิด เล็ห วัล ‍ ก็ ญอน อัห ไล เลือง เยซู นัน ‍

ตัวแทน 19:23 ပူးပေါင်းရင်းမြစ်များ

ตัวแทน 18:26

ทาเน นำ ก็ เริล ตัก ฮ็อง พซุม ครำ ยิว ‍ นำ ฮาน ไล อัห ซีเละ ‍ นำ ก็ วาง ไล อน ตัก อัห ติกๆ ‍ แต ญาม ปา ปีซีลา เคิบ อาควีลา ปัง นำ แลว ‍ ปาม ก็ มพอล นำ โตะ จ็อก เคิบ ออ ‍ ปาม ก็ ไท เลามุน เลือง เอาซาง อน ตัก นำ ‍ ระ นำ เฮง เคาใจ เลาะๆ แคระๆ กวา นัน วัล

ตัวแทน 19:9

แต แกด ล็อง ก็ ลืน ซีเละ ‍ ไอ มี ญอม เจือ เตาะ ‍ อัห ก็ เซาะ นำ เคิง ฮ็อง พซุม ‍ อัห โป เค็ย แบบ เยซู ไอ มี เลาะ ‍ เจ็นนัน เปาโล ก็ พระ แอ็ม อัห ‍ นำ ก็ เอิด ครำ ตี เจือ เยซู ฮัก ‍ ลด ปัด เริล ตี ซอ ‍ อัห เริล พซุม นอย ตัก ฮ็อง พซุม ลุง ทีรันนัด ‍ เปาโล ก็ นเจ็น อัห อุ ตัก นัน จูงิๆ ‍

ตัวแทน 22:4

เอิญ เป็น ครำ ยิว มอก แป เน ‍ กำนา เอิญ ก็ คมเฮง ครำ ตี ทือ เยซู จำปอ เปิล ดุห ‍ เป็น อัหคล็อง อัหเม ‍ เอิญ ก็ เญ็บ เติล ตัก ลุก มด ‍

ตัวแทน 24:14

แต เอิญ ญอม ฮับ มี เลือง เดียว เน ตัก มัด มัห ‍ เป็น เลือง ตี เอิญ ญอม ฮับ เค็ย ‍ เอิญ ทือ เอาซาง แบบ เยซู ตี อัห เค็ย ไอ มี แคระ นัน ‍ เอิญ ญอม ฮับ มี เลือง เดียว เน ‍ เลือง ซอ เอิญ ก็ เจือ มอก ครำ ตี โตะ พอง เอิญ เน ‍ เอิญ ทือ งกีจ็อง มอก เอาจ็อง เมจ็อง อิห ตัก อิง นัน ‍ นังซือ กด เอาซาง เคิบ นังซือ ลาม เอาซาง เครม ตี อัห เคียน ระ อน นัน ‍ เอิญ ก็ เจือ มด ‍

ตัวแทน 24:22

ทาเน พูวา เฟลิก เน ‍ นำ ก็ เม็จจึด เลือง เยซู เลาะ แลว ‍ นำ ก็ ลด เคาใจ เค็ย ‍ ครำ ยิว พอง เปาโล นัน ไอ มี แคระ ‍ นำ ก็ ไอ มี งเคาะ ตัดซิน เปาโล เตาะ ‍ นำ อง เพา โตะ นายพัน ลีเซียด วาล ‍ ซัง นำ กอย ตัดซิน เปาโล วัล ‍

ตัวแทน 9:2

นำ ก็ ซ็วน นังซือ ไบ อนุยาด ตัก อัห ‍ ระ นัง ออ มี ซิด เญ็บ ครำ ทือ เยซู ‍ นำ อง เอิด ไบ อนุยาด นัน ซับ ตัก ฮ็อง พซุม ครำ ยิว ตัก เมือง ดามากัด ‍ กัน นำ เม็จ ครำ ตี เจือ เยซู ‍ นำ ก็ อง เญ็บ อัห มด ‍ อัหคล็อง ก็ ตึก อัหเม ก็ ตึก ‍ นำ อง เญ็บ ซับ อัห ตัก เมือง เยรูซาเล็ม มด ‍

2 โคริน 11:26

เอิญ ต็อง เริล ดก ตี ดาย ‍ ญาม เอิญ เริล นัน ก็ ดก อันตะราย ซีเละ ‍ อันตะราย ตัก นอก แด ‍ มี โจน แด ‍ มี ครำ คอง ออ จวาด เอิญ แด ‍ มี ครำ กรอก ซอ จวาด เอิญ แด ‍ ดก อันตะราย ซีเละ ‍ แกด ลบ ซะ ราย ซะ คาด ตัก งวัล ก็ มี ‍ ตัก นโจ ก็ มี ‍ ตัก ทะเล ก็ มี ‍ อันตะราย เจ็น ครำ ไอ มี เลาะ ตี จุ เค็ย เป็น ควน นไจ ก็ มี มด ‍

2 โคริน 6:5

แกด ลบ อัห คัล อิห ‍ อัห เติล อิห ตัก ลุก ‍ อัห บวน นอย รูบ โตะ เญ็บ อิห ก็ มี ‍ อิห แองกาน จึห เกิน ก็ มี ‍ ไอ มี รวง กุญ อวย ‍ ไอ มี กุญ ป็อง จะ ก็ มี มด

2 โคริน 6:9

อัห จู ล็อง ก็ เม็จจึด เคิบ อิห เลาะ แลว ‍ แต อัห แอง นัง ออ มอก ไอ มี เม็จจึด อิห เตาะ ‍ อัห ดอม อิห มอก อิห บัก และ เปิล แอ็ม แลว ‍ แต ดอม กา ‍ อิห ควะ รีด อุ ‍ อัห มบัด อัห คัล อิห ‍ แต อิห ก็ ไอ มี ตัน เปิล เตาะ ‍