ตัวแทน 18:22 - Prai Bible22 ทาเน เปาโล เล็ห ตัก เมือง ซีซารียา แลว นำ ก็ ลด เริล เมือง เยรูซาเล็ม นำ เริล แอว คริซจัก ตัก เมือง เยรูซาเล็ม นัน แลว นำ แอว อัห แลว นำ ก็ เริล เมือง อันทิโอก งคม วัล အခန်းကိုကြည့်ပါ။ |
เจ็นนัน นายพัน ก็ งกรอ นายรอย โตะ และ ออ เปียะ ล็อง นำ ไล ปาม เอิด ทฮาน ซับ ซง เปาโล ตัก เมือง ซีซารียา ตัก แจ็ล นัน ลด นำ ไล ปาม เอิด พน ทฮาน ซอง รอย ล็อง เอิด ทฮาน มา เจ็ดซิบ ล็อง ทฮาน ฮอก ซอง รอย ล็อง แลว ก็ เตียม มา อน ตัก เปาโล ต็อก วัล ระ อัห พอม นอย มด “แจ็ล บึด ซาม ทุม แป ซับ ซง เปาโล อน ตัก พูวา เฟลิก เลาะๆ ดาย” นายพัน อัง
อัห ก็ เคียน จดมาย ฟาก อน ตัก ปาม ระ ปาม ซับ อน ตัก คริซจัก อันทิโอก ตัก จดมาย นัน อัห เคียน คือเน อิห ปึง ตัวแทน เยซู เคิบ ปึง อัหแกะ ตี ซับรวง คริซจัก ตัก เน อิห ซะวัดดี แป อิห ก็ เป็น ควน นไจ แป ซีเละ อิห เคียน อน ตัก แป ตี เป็น ครำ กรอก ซอ ตัก อุ เมือง อันทิโอก แพ็ว จังวัด ซีเรีย เคิบ จังวัด ซีลีเซีย มด ดาย
เจ็นนัน เปาโล เคิบ เปือน ก็ เริล เจ็น เมือง อันทิโอก พด โตะ เมือง เยรูซาเล็ม โตะ ตัก เมือง เยรูซาเล็ม แลว ปึง ครำ เยซู ตัก คริซจัก นัน ก็ ตอนฮับ แป เปาโล เลาะ ซีเละ ปึง ตัวแทน เยซู เคิบ ปึง อัหแกะ ตัก นัน ก็ ตอนฮับ แป เปาโล เลาะ ซีเละ ทาเน เปาโล เคิบ บานาบัด ก็ ไล เลือง ออ อน ตัก คริซจัก เยรูซาเล็ม ปัง เอาซาง จวย ปาม จังนัก ญาม ปาม ไล คาว เลาะ อน ตัก ครำ กรอก ซอ กำนา นัน ปาม ก็ ไท ไล อน ตัก อัห ปัง มด
เจ็นนัน ปาม ก็ ต็อก เฮือ เริล เจ็น เมือง เปอกา นัน ลวด เริล เมือง อันทิโอก กำนา นัน ก็ เป็น คริซจัก อันทิโอก เน ตี ไล ปาม ทอก เริล ตี ซอ นัน ญาม นัน อัห เกย ครอ วอน ระ เอาซาง แอง เลาะ ซิห ปาม ทาเน งาน ตี อัห มอบ อน ตัก ปาม แอง นัน ปาม ก็ แอง แลวๆ ปาม ก็ โตะ เลามุน เลือง นัน อน ตัก ครำ อันทิโอก ปัง วัล
ทาเน ปึง ครำ เจือ เยซู ตัก เมือง อันทิโอก นัน ก็ มี ลาม เอาซาง แด มี ครำ ไล เลือง เอาซาง แด ครำ ตี ไล แญง เอาซาง นัน ก็ มี บานาบัด เคิบ ซิเมโอน อัห แทก นำ ตัก ซิเมโอน ญำ เจ็นนัน ก็ มี ลูซีอัด ครำ เมือง ไซรีน แลว ก็ มี เซาโล เจ็นนัน ก็ มี มานาเอน วัล มานาเอน เน นำ เป็น เปือน เคิบ พะเจายูฮัว เฮโรด ปาม เป็น เปือน นอย เจ็น แย็ด