ตัวแทน 17:4 - Prai Bible

⁴ ทาเน ตัก เทซะโลนิกา นัน ก็ มี ครำ ยิว แกด ล็อง ตี เจือ ปาม ‍ อัห ซีรอก กุด ปึง เปาโล เคิบ ซีลาด ‍ ครำ กรีก ตี ไอ แมน ครำ ยิว ตี ทือ เอาซาง อุ แลว ‍ อัห ก็ เจือ ปาม ดก ล็อง ‍ ปึง อัหเม ตี เป็น ซะ แกะ ตัก เมือง นัน ‍ อัห ก็ เจือ ปาม ดก ล็อง

ตัวแทน 17:4 ပူးပေါင်းရင်းမြစ်များ

ยอน 7:35

ปึง ซะ แกะ เม็จ เยซู ไล ฮุนนะ อัห ก็ งึด “บัห ‍ นำ อง เริล พานเดย บ็อห ตี แอ โละ และ นำ ไอ มี เม็จ ‍ นำ อง เริล ปะเทด ซอ บ็อห ‍ นำ เริล และ ครำ ยิว ตัก ญาย เริล ตี ซอ บ็อห ‍ ลู นำ เริล ไล แญง เอาซาง ตัก ครำ กรอก ซอ ตี ไอ แมน ครำ ยิว ‍ นำ เริล พานเดย ซีเละ บ็อห นอ” อัห อัง ‍

ตัวแทน 13:43

ญาม อัห เลิก พซุม แลว ‍ ก็ มี ดก ครำ เคริบ เปาโล เคิบ บานาบัด เริล ‍ มี ครำ ยิว แด ‍ มี ครำ กรอก ซอ แด ตี ทือ แบบ ยิว นัน ‍ เปาโล เคิบ บานาบัด ก็ จวย ไล อัห ติกๆ ‍ ระ อัห เฮง แก็นใจ เจือ เอาซาง ตี แอง เลาะ ซิห แอ ตลอด นัน

ตัวแทน 13:50

แต ครำ ยิว ก็ ซุย ปึง ซะ แกะ ใน เมือง นัน ‍ อัห ซุย ปึง อัหเม ตี ซำคัน ใน เมือง นัน ‍ เป็น อัหเม ตี ทือ เอาซาง อุ แลว ‍ ครำ ยิว นัน ก็ ซุย ปึง ซะ แกะ ใน เมือง นัน ‍ ระ อัห คมเฮง เปาโล เคิบ บานาบัด ‍ แลว ก็ มบรึห ปาม ปัด แอ็ม เจ็น เมือง นัน

ตัวแทน 14:1

ทาเน ญาม เปาโล เคิบ บานาบัด เล็ห ตัก เมือง อีโคนียูม แลว ‍ ปาม ก็ กุด ฮ็อง พซุม ครำ ยิว ฮุน จู ลบ นัน ‍ ปาม ก็ ลด ไล แญง เอาซาง อน ตัก อัห ‍ ปาม จ็อก แบบ มี เฮดพน ‍ จำปอ มี ครำ เจือ ดก ซีเละ ‍ ครำ ตี เจือ ปาม นัน ก็ มี ครำ ยิว แด ‍ มี ครำ กรอก ซอ แด ‍

ตัวแทน 14:4

แต ปึง พซาซน อัห แตก นอย เป็น เปียะ ปึง ‍ มี มบรัห ก็ เจือ ปึง ตัวแทน เยซู ‍ มี มบรัห ก็ เจือ ครำ ยิว ‍

ตัวแทน 15:22

ทาเน ปึง ตัวแทน เยซู เคิบ ปึง อัหแกะ ตี ซับรวง คริซจัก เคิบ ปึง ครำ ตี เจือ เยซู นัน ‍ อัห ก็ แอง มอก ยากอบ ไล นัน ‍ อัห ก็ เลือก เอิด ครำ ตัก คริซจัก ออ เปียะ ล็อง ‍ ระ ปาม เริล เมือง อันทิโอก เลิม เคิบ เปาโล เคิบ บานาบัด ‍ อัห เอิด ซีลาด เคิบ ยูดาด ตี อัห แทก เค็ย บาซาบัด นัน ‍ ปาม เปียะ ล็อง เน ซับรวง คริซจัก เลาะ ‍

ตัวแทน 15:27

เจ็นนัน อิห ก็ ไล ปาม โตะ และ แป ลด ซับ จดมาย เน อน ตัก แป ‍ จู มบลึ ตี อิห เคียน ใน จดมาย เน ‍ อิห ก็ ระ ปาม ไล อน ตัก แป เคิบ ต็อล เคิบ นทาก ออ ฮัก ‍

ตัวแทน 15:32

ปา ยูดาด เคิบ ซีลาด ตัก เป็น ลาม เอาซาง นัน ‍ ปาม ก็ ไล ดก มบลึ อน ตัก ควน นไจ อันทิโอก นัน ‍ ปาม ก็ จวย ระ อัห เฮง มี กำลัง ใจ ‍ เฮง แก็นใจ เจือ ติกๆ วัล ‍

ตัวแทน 15:40

แต เปาโล มพอล ซีลาด เริล เคิบ ออ ‍ ทาเน ปึง ควน นไจ ก็ ครอ ระ งกีจ็อง แอง เลาะ ซิห ปาม ฮัก ‍ แลว ปึง ควน นไจ ครอ ระ งกีจ็อง แอง เลาะๆ ซิห ปาม แลว ‍ ปาม ก็ เริล เจ็น เมือง อันทิโอก นัน ‍

ตัวแทน 16:3

เปาโล ก็ ซีรอก เอิด ทิโมที เน เริล เลิม เคิบ ออ ‍ แต เปาโล ไอ มี ซีรอก ระ มี ปันฮา เคิบ ครำ ยิว ‍ เพาะวา มี ครำ ยิว ดก อุ พานัน ‍ อัห ก็ เม็จจึด เอา ทิโมที เป็น ครำ กรีก ไอ แมน ครำ ยิว ‍ เปาโล ก็ ลด ระ ทิโมที แอง พิที ซุนัด วาล ‍ เจ็นนัน ทิโมที ก็ เริล เลิม เคิบ เปาโล เคิบ ซีลาด ‍

ตัวแทน 17:10

เจ็นนัน ก็ แจ็ล แอ็ม ‍ ปึง ควน นไจ ก็ ไล เปาโล เคิบ ซีลาด ปัด เริล เมือง เบโรอา ‍ ปาม ก็ เริล ‍ เล็ห ตัก เมือง เบโรอา แลว ‍ ปาม ก็ กุด ฮ็อง พซุม ครำ ยิว ‍

ตัวแทน 17:12

ครำ ยิว ดก ล็อง ก็ เจือ ‍ ปึง อัหเม ตี ไอ แมน ครำ ยิว ‍ ตัก เป็น ซะ แกะ นัน ‍ อัห ก็ เจือ ‍ อัหคล็อง ตี ไอ แมน ครำ ยิว ‍ อัห ก็ เจือ ดก ล็อง

ตัวแทน 17:14

เจ็นนัน ปึง ควน นไจ ตัก เมือง เบโรอา ก็ ลด ไล เปาโล ปัด เริล นเซอะ ‍ อัห ไล นำ เริล รวง นอก ทะเล นเซอะ ‍ ปึง ควน นไจ ตัก นัน ก็ ซับ ซง นำ ‍ แต ซีลาด เคิบ ทิโมที ควะ อุ ตัก เมือง เบโรอา นัน ‍

ตัวแทน 17:17

เจ็นนัน นำ ก็ ลด เริล ตัก ฮ็อง พซุม ครำ ยิว ‍ นำ ก็ จ็อก เคิบ อัห ตัก นัน ‍ ตัก ฮ็อง พซุม นัน ก็ มี ตึง ครำ ยิว ‍ มี ตึง อัหซอ ตี เจือ เอาซาง แลว ‍ เปาโล เม็จ อัหซอ ตัก กาด ตัก อุ กาง ล็อง เมือง นัน ‍ นำ ก็ จ็อก เคิบ อัห มด ‍ นำ เริล จ็อก เคิบ อัห จูงิๆ

ตัวแทน 17:34

ทาเน ก็ มี อัหคล็อง แกด ล็อง ตี เจือ เยซู ‍ อัห ก็ เคริบ เปาโล เริล ‍ ตัก ปึง ครำ ตี เจือ นัน ก็ มี ดีโอนีซีอัด ตัก เป็น ซะมาซิก ซะพา นัน ‍ เจ็นนัน ก็ มี อัหเม มี ล็อง ซือ ตัก ดามาริด ‍ แลว ก็ มี อัหซอ วัล ตี เจือ เลิม นัน

ตัวแทน 18:4

จู ลบ ตัก วัน เซา เปาโล ก็ เริล ตัก ฮ็อง พซุม ครำ ยิว ‍ นำ ก็ ไล เลือง เอาซาง อน อัห มด ตึง ครำ ยิว ตึง ครำ กรีก ‍ ระ อัห เจือ เอาซาง ฮัก

ตัวแทน 19:10

นำ ก็ ไล แญง งกีจ็อง อน พซาซน ตัก เมือง เอเฟซัด นัน เปียะ วาง ‍ ครำ ทัว จังวัด เอเซีย นัน ‍ อัห ก็ เลอะ เม็จ แญง งกีจ็อง ทัว มด ‍ ตึง ครำ ยิว ตึง ครำ กรีก ‍ อัห ก็ เลอะ เม็จ มด

ตัวแทน 2:44

ครำ ตี เจือ เอาซาง ก็ รอม นอย อุ เป็น ปึง ‍ อัห เอิด ซะ ซีวะ คอง ออ รอม ระ เป็น คอง กาง มด ‍

ตัวแทน 21:28

ปึง ยิว นัน อัห ก็ นซาก งกรอ คือเน “ครำ อิซราเอล เฮย ‍ แอ จวย นอย โตะ เญ็บ ล็อง เน เนอ ‍ ล็อง เนๆ ตี กวา โละ ไล พซาซน ไอ มี เลาะ นัน ‍ นำ กวา โละ เซาะ ครำ ยิว แอ เน ทัว มด แลว ‍ นำ ก็ โป เค็ย ‍ กด เอาซาง ไอ มี เลาะ ‍ นำ ก็ กวา โละ ไล อัห เค็ย ‍ วิฮาน เน ไอ มี เลาะ ‍ มานะ เน นำ ก็ ซำ มพอล ครำ กรอก ซอ ตัก ไอ แมน ครำ ยิว กุด วิฮาน เอาซาง เน วัล ‍ นำ แอง ระ ตี ซักซิด คอง เอาซาง เน เซีย แอ็ม มด” อัห อัง ‍

ตัวแทน 28:24

มี มบรัห ปัง แลว ก็ เจือ ‍ มี มบรัห ก็ ไอ มี ญอม เจือ เตาะ ‍

ตัวแทน 4:23

แลว อัห พระ ปาม แลว ‍ ปาม ก็ เริล และ ปึง เปือน ออ ‍ ปาม ก็ ไล อัห เลือง ปึง มอ เอาซาง แกะ เคิบ ปึง พูนำ ตี โป ปาม เคิน ‍ ปาม ไล อน ตัก เปือน ‍

2 โคริน 8:5

อัห แอง เลาะ กวา อิห กึด วัล ‍ อัห มอบ นัง ออ ทวาย อน ตัก เอาซาง งกีจ็อง ‍ เจ็นนัน อัห ก็ แอง ตาม ใจ เอาซาง ฮัก ‍ อัห ก็ ลด จวย อิห วัล