วาล ไอ ตัน อิห โตะ และ แป อัห ก็ แอง ไอ มี เลาะ ซิห อิห ตัก เมือง ฟีลิบปี แป ก็ เม็จ คาว แลว นอ ครำ ฟีลิบปี นัน ดุ อัห คมเฮง ดุ อัห ตอตาน ดุ อัห ดูทูก อิห ญาก ปานเดย ก็ ตึก อิห ก็ ควะ ฮาน จ็อก ฮาน ไล คาว เลาะ คาว แลม คอง เอาซาง ตัก แป ติกๆ เอาซาง ก็ จวย อน กำลัง ใจ ตัก อิห วัล อิห ก็ ไอ มี นาย แอ็ม ใจ เตาะ
ตัวแทน 16:22 - Prai Bible22 ทาเน ปึง พซาซน ก็ รูบ โตะ คัล ปา เปาโล เคิบ ซีลาด วัล ปึง เจานาย นัน ก็ ไล อัห ซัก เด็ง แอ็ม โกบ ปาม ไล อัห เอิด ลำ มบัด ปาม วัล အခန်းကိုကြည့်ပါ။ |
ตัวแทน 16:22
15 ပူးပေါင်းရင်းမြစ်များ
แต ทาเน ก็ มี ครำ ยิว ตี ไอ มี ญอม เจือ นัน อัห ก็ คอย ปาม วัล อัห ก็ และ เลือง ปาม อัห กวา โละ ซุย ครำ ไอ มี เลาะ อัห ซุย ปึง โจน ปึง นักเลง ตัก อุ ตาม รวง ตาม งวัล นัน ระ อัห โตะ บวน นอย เป็น ปึง อัห ระ ครำ ทัว เมือง นัน เลอะ ญุง มด เจ็นนัน ปึง อัห ก็ เริล ตัก เจิง ยาโซน อัห โละ และ เปาโล เคิบ ซีลาด ตัก เจิง ยาโซน นัน อัห ซีรอก เญ็บ เอิด ปาม ซับ อน ตัก ปึง ตี บวน นอย อุ นัน
แต เปาโล ไล ปึง ตำรวด คือเน “ไอ มี เลาะ ดาย เยอะ เน เป็น ครำ ซันซาด โรม ดุห เจานาย แป ไอ มี เม็จ เยอะ แอง พิด ซีวะ แต อัห จบ มบัด เยอะ ตัก มัด ครำ ดก อัห จบ เติล ระ เยอะ ตัก ลุก เน มานะ เน อัห ลบ วัล ลอด พระ แอ็ม เยอะ ก็ ฮอน จบ เลาะ แอง จังเน ดาย แป ต็อง ไล เจานาย ออ โตะ พระ เยอะ ฮัก ซัง เลาะ” เปาโล อัง
แลว กามาลิเอล ไล อัห ฮุนนะ แลว อัห ก็ ญอม ปัง แญง นำ อัห ก็ พระ แอ็ม ปึง ตัวแทน เยซู นัน แต วาล อัห พระ ปึง อัห นัน อัห ก็ เริล ไล ปึง ตัวแทน โตะ และ ออ ตัก ฮ็อง พซุม มี ลบ วัล อัห ก็ มบัด อัห ก็ คัล ปึง ตัวแทน เยซู นัน อัห ก็ มบราง ปึง ตัวแทน เยซู นัน ไอ มี ระ อัห จ็อก เลือง เยซู วัล เตาะ เจ็นนัน อัห ก็ พระ ปึง ตัวแทน นัน เริล ออ ฮัก
ကြော်ငြာတွေ