ตัวแทน 15:12 - Prai Bible

¹² เจ็นนัน บานาบัด เคิบ เปาโล ก็ เลามุน เลือง ปาม เริล ไล ครำ กรอก ซอ กำนา นัน ‍ ปาม เค็ย เอาซาง จวย ปาม แอง ซะ แปลก ดก มบลึ ญาม นัน ‍ ครำ ใน ฮ็อง พซุม นัน ก็ เค็ด ปัง ปาม อุ ‍

ตัวแทน 15:12 ပူးပေါင်းရင်းမြစ်များ

ตัวแทน 14:27

โตะ ปาม แลว ‍ ปาม ก็ มพอล ครำ ตี เจือ เยซู โตะ พซุม นอย เป็น ปึง ‍ ปาม ก็ เลามุน จู มบลึ ตี เอาซาง อุ เคิบ ปาม จวย ปาม แอง นัน ‍ ปาม ก็ ไล อัห เค็ย ‍ เอาซาง ระ ครำ กรอก ซอ เจือ เยซู กุญ มด ‍

ตัวแทน 15:4

เจ็นนัน เปาโล เคิบ เปือน ก็ เริล เจ็น เมือง อันทิโอก พด โตะ เมือง เยรูซาเล็ม ‍ โตะ ตัก เมือง เยรูซาเล็ม แลว ‍ ปึง ครำ เยซู ตัก คริซจัก นัน ก็ ตอนฮับ แป เปาโล เลาะ ซีเละ ‍ ปึง ตัวแทน เยซู เคิบ ปึง อัหแกะ ตัก นัน ‍ ก็ ตอนฮับ แป เปาโล เลาะ ซีเละ ‍ ทาเน เปาโล เคิบ บานาบัด ก็ ไล เลือง ออ อน ตัก คริซจัก เยรูซาเล็ม ปัง ‍ เอาซาง จวย ปาม จังนัก ‍ ญาม ปาม ไล คาว เลาะ อน ตัก ครำ กรอก ซอ กำนา นัน ‍ ปาม ก็ ไท ไล อน ตัก อัห ปัง มด

ตัวแทน 21:19

ทาเน เปาโล ก็ ไท เลามุน เลือง ตี นำ เริล ไล ครำ กรอก ซอ กำนา นัน ‍ นำ ไท ไล อน ตัก ยากอบ เคิบ เปือน นำ ปัง ‍ เอาซาง จวย นำ แอง ซีวะ ญาม นัน ‍ นำ ก็ ไท ไล อน ตัก อัห ปัง มด ‍

ยอน 4:48

ทาเน เยซู ก็ ไล นำ “บา นอ ‍ กัน เอิญ ไอ มี แอง ซะ แปลก อน แป ดอม ‍ แป ก็ ไอ มี ญอม เจือ เอิญ” เยซู อัง ‍

ตัวแทน 15:3

คริซจัก อันทิโอก ไล อัห เริล ‍ อัห ก็ เริล ‍ กด เอาซาง 12:3 ทาเน อัห ก็ พาน จังวัด ฟีนีเซีย เคิบ จังวัด ซะมาเรีย นัน เริล ‍ อัห แวด พัก ตัก นเดย ‍ อัห ก็ เลามุน เลือง ครำ กรอก ซอ เค็ย ‍ อัห ก็ เอิด ใจ แมะ เจือ เยซู แลว ‍ ปึง ควน นไจ มด จู ตี เม็จ คาว เลือง ครำ กรอก ซอ คือนัน ‍ อัห ก็ เลาะใจ ซีเละ

โรม 15:18

เอิญ ไอ มี อวด นัง ออ เตาะ ‍ เอิญ อวด ซะ ตี เยซู คริด แอง เคิบ เอิญ ฮัก ‍ ตี เอิญ จ็อก เคิบ ครำ กรอก ซอ ‍ แอง เลาะ ซิห อัห ‍ ซับรวง อัห เจือ ปัง แญง เอาซาง นัน ‍ ก็ ญอน เยซู แอง ฮัก ‍