ตัวแทน 14:7
8 ပူးပေါင်းရင်းမြစ်များ
เจ็นนัน มัห ก็ ต็อง ดุ ไล แญง เอาซาง อน ตัก อัห ติกๆ มัห ต็อง เอิด ใจ ซิห ไล อัห ตลอด ดาย อัห ซนใจ ลู ไอ มี ซนใจ ก็ ต็อง ไล อัห ติกๆ ต็อง ไล อัห ระ อัห เคาใจ ระ อัห เจือ แญง นังเลาะ นัน กัน อัห แอง ลุห มัห ก็ ต็อง เตือน อัห ไล อัห กัน อัห แมด แอ็ม ใจ มัห ก็ ต็อง อน กำลัง ใจ ตัก อัห ญาม มัห ไล แญง เอาซาง อน ตัก อัห นัน มัห ก็ ต็อง ซอดแซ็ง ซีเละ ดาย
วาล ไอ ตัน อิห โตะ และ แป อัห ก็ แอง ไอ มี เลาะ ซิห อิห ตัก เมือง ฟีลิบปี แป ก็ เม็จ คาว แลว นอ ครำ ฟีลิบปี นัน ดุ อัห คมเฮง ดุ อัห ตอตาน ดุ อัห ดูทูก อิห ญาก ปานเดย ก็ ตึก อิห ก็ ควะ ฮาน จ็อก ฮาน ไล คาว เลาะ คาว แลม คอง เอาซาง ตัก แป ติกๆ เอาซาง ก็ จวย อน กำลัง ใจ ตัก อิห วัล อิห ก็ ไอ มี นาย แอ็ม ใจ เตาะ
“ฮี เอิห แป แอง ซีวะ จังเน เต็ห ดอม กา เยอะ ก็ เป็น ครำ ทำมาดา มอก แป เน ดุห เยอะ ไอ แมน เทวาดา ซัง เยอะ โตะ ตัก เน ก็ เยอะ โตะ ไล คาว เลาะ อน ตัก แป ฮัก ระ แป พระ แอ็ม ซะ ตี ไอ มี คิ เน แป ทือ เอาซาง ตี รีด อุ ตลอด นัน ซัง เลาะ นำ แอง วาง แอง ซิก แอง นอก เคิบ ซะ จู มบลึ ตัก มี อุ ใน โลก แพนซิก เน มด
กำนา ญาม ครำ ยิว มเบิล ซะเทเฟน นัน อัห ก็ คมเฮง ครำ ทือ เยซู ครำ ตี ทือ เยซู แกด ล็อง อัห ก็ ปัด เริล มี ติด มี ตี มบรัห ก็ ปัด เริล งคม ตัก จังวัด ฟีนีเซีย มบรัห ก็ ปัด เริล เกาะ ไซปรัด มบรัห ก็ ปัด เริล เมือง อันทิโอก อัห เริล พานเดย อัห ก็ ไล เลือง เยซู อน อัห ติกๆ แต อัห ไล อน จุม ครำ ยิว ฮัก
ကြော်ငြာတွေ