ตัวแทน 14:27 - Prai Bible27 โตะ ปาม แลว ปาม ก็ มพอล ครำ ตี เจือ เยซู โตะ พซุม นอย เป็น ปึง ปาม ก็ เลามุน จู มบลึ ตี เอาซาง อุ เคิบ ปาม จวย ปาม แอง นัน ปาม ก็ ไล อัห เค็ย เอาซาง ระ ครำ กรอก ซอ เจือ เยซู กุญ มด အခန်းကိုကြည့်ပါ။ |
ตัวแทน 14:27
15 ပူးပေါင်းရင်းမြစ်များ
เจ็นเน แป ต็อง พซุม นอย ญาม แป พซุม นอย แป ก็ ต็อง ไล ล็อง นัน ทอก แอ็ม เจ็น คริซจัก ดาย ไล นำ ทอก แอ็ม ก็ ญาก นอ แต เอิญ อน กำลัง ใจ ตัก แป ดาย ใจ เอิญ อุ เลิม เคิบ แป นัน แร็ง คอง เยซู คริด ก็ อุ เลิม เคิบ แป นัน แป ต็อง มอบ นัง นำ อน ตัก ปรอง ซาตาน ระ เย็ห วาง นัง นำ ฮัก นเซอะ นำ เอิด ใจ แมะ ระ ซีมาล นำ รีด อุ บัดนะ บัดนะ เล็ห งิ โตะ เยซู คริด นัน ซีมาล นำ ก็ รีด อุ เลาะ เจ็นนัน แป แก แอ็ม เลือง เน ก็ เลาะ
เอิญ ไอ มี ซมควน เป็น ตัวแทน คอง เยซู ดาย แต เอาซาง แอง เลาะ ซิห เอิญ ฮัก ตี นำ เลือก เอิด เอิญ เป็น ตัวแทน คอง ออ นัน ก็ เป็น เคิบ นำ แอง เลาะ ซิห เอิญ ฮัก ตี นำ เลือก เอิด เอิญ เน ก็ ไอ แมน ไอ มี ปะโยด ดาย เป็น ปะโยด ดก อน นำ เอิญ แองกาน อน นำ ดก กวา ตัวแทน เยซู ล็อง ซอ วัล แต ตี เอิญ กุญ แองกาน อน นำ เน ก็ ไอ แมน นัง เอิญ แอง ฮัก ดาย เป็น เอาซาง ฮัก แอง ระ เอิญ เป็น ปะโยด อน ตัก นำ
เจ็นเน ญาม แอ จ็อก ตัก ตี พซุม คริซจัก นัน แอ ต็อง จ็อก แญง ตี ครำ ใน คริซจัก ปัง เคาใจ กุญ ญาม แอ โตะ พซุม นอย จู ลบ นัน จับ แอ จู ล็อง เลอะ จ็อก แญง อัหซอ เลิม ตี ไอ มี ซีเอ เคาใจ นัน จับ มี อัหซอ ตี ไอ มี ตัน เจือ เอาซาง โตะ ปัง เลิม นัน อัห เม็จ แอ บวน นอย จ็อก เป็น ปึง คือนัน อัห ก็ เยา แอ พีบา วัล เจ็นเน ญาม แอ จ็อก ตัก ตี พซุม นัน ก็ ครอ ระ แอ จ็อก แญง ตี จู ล็อง ปัง เคาใจ กุญ
ကြော်ငြာတွေ