ตัวแทน 13:50 - Prai Bible50 แต ครำ ยิว ก็ ซุย ปึง ซะ แกะ ใน เมือง นัน อัห ซุย ปึง อัหเม ตี ซำคัน ใน เมือง นัน เป็น อัหเม ตี ทือ เอาซาง อุ แลว ครำ ยิว นัน ก็ ซุย ปึง ซะ แกะ ใน เมือง นัน ระ อัห คมเฮง เปาโล เคิบ บานาบัด แลว ก็ มบรึห ปาม ปัด แอ็ม เจ็น เมือง นัน အခန်းကိုကြည့်ပါ။ |
ตัวแทน 13:50
31 ပူးပေါင်းရင်းမြစ်များ
แต มี ครำ ยิว แกด ล็อง อัห โตะ เจ็น เมือง อันทิโอก เคิบ เมือง อีโคนียูม ตัก อุ จังวัด ปีซีเดีย นัน อัห โตะ มพอล ปึง พซาซน ระ อัห มเบิล แอ็ม เปาโล แลว อัห มพอล ปึง พซาซน แลว อัห ก็ เอิด เกียง รูบ กวาง เปาโล อัห เยา เปิล นำ แลว อัห ก็ ปรูด ลาก เอิด นำ ทอก เจ็น เมือง พระ ระ นำ ตัก ซะร็อห เมือง
ญาม แป เริล ไล แญง เอาซาง ตัก อัห นัน กัน อัห คมเฮง แป ตัก งวัล นเดย แป ก็ ปัด เริล งวัล แมะ วัล เอิญ ไล แป นังเลาะ นะ แป มี กาน ดก ซีเละ แป ต็อง เริล จู งวัล ทัว ปะเทด อิซราเอล มด กาน คอง แป เน ไอ มี เนา แลว ดาย เอิญ ตี เอาซาง ระ เกิด เป็น ครำ เน เอิญ ก็ ลบ โตะ บัดนะ วัล แป ก็ ไอ มี ซุด เริล จู งวัล ทัว ปะเทด อิซราเอล แอ เน กาน แป ไอ มี เนา แลว เตาะ
แพะ งิ เจ็นนัน วัล เปาโล ก็ มพอล ปึง ซะ แกะ ครำ ยิว โตะ พซุม นอย โตะ อัห มด แลว นำ ก็ ไล อัห ซือๆ คือเน “ควน นไจ เฮย ครอ ระ แป ปัง เอิญ วาล ดาย เอิญ ไอ มี แอง พิด ซีวะ ซิห ครำ ยิว แอ เน เป็น ปะเพนี เอา เม เครม แอ ก็ ตึก เอิญ ก็ ไอ มี แอง พิด เตาะ แต ครำ ยิว จบ เญ็บ เอิญ ตัก เมือง เยรูซาเล็ม กำนา อัห ก็ ลด มอบ เอิญ อน ตัก ครำ โรม เติล วัล
เอิญ ต็อง เริล ดก ตี ดาย ญาม เอิญ เริล นัน ก็ ดก อันตะราย ซีเละ อันตะราย ตัก นอก แด มี โจน แด มี ครำ คอง ออ จวาด เอิญ แด มี ครำ กรอก ซอ จวาด เอิญ แด ดก อันตะราย ซีเละ แกด ลบ ซะ ราย ซะ คาด ตัก งวัล ก็ มี ตัก นโจ ก็ มี ตัก ทะเล ก็ มี อันตะราย เจ็น ครำ ไอ มี เลาะ ตี จุ เค็ย เป็น ควน นไจ ก็ มี มด
ကြော်ငြာတွေ