ตัวแทน 13:45 - Prai Bible45 ญาม ครำ ยิว เม็จ ครำ ดก โตะ ฮุนนัน อัห ก็ คอย ปา เปาโล วัล อัห อ็อด แซ็ง อัง ปาม ซีเละ อัห ก็ โป เค็ย เปาโล จ็อก ไอ มี แคระ အခန်းကိုကြည့်ပါ။ |
ตัวแทน 13:45
27 ပူးပေါင်းရင်းမြစ်များ
แต มี ครำ ยิว แกด ล็อง อัห โตะ เจ็น เมือง อันทิโอก เคิบ เมือง อีโคนียูม ตัก อุ จังวัด ปีซีเดีย นัน อัห โตะ มพอล ปึง พซาซน ระ อัห มเบิล แอ็ม เปาโล แลว อัห มพอล ปึง พซาซน แลว อัห ก็ เอิด เกียง รูบ กวาง เปาโล อัห เยา เปิล นำ แลว อัห ก็ ปรูด ลาก เอิด นำ ทอก เจ็น เมือง พระ ระ นำ ตัก ซะร็อห เมือง
แต ทาเน ก็ มี ครำ ยิว ตี ไอ มี ญอม เจือ นัน อัห ก็ คอย ปาม วัล อัห ก็ และ เลือง ปาม อัห กวา โละ ซุย ครำ ไอ มี เลาะ อัห ซุย ปึง โจน ปึง นักเลง ตัก อุ ตาม รวง ตาม งวัล นัน ระ อัห โตะ บวน นอย เป็น ปึง อัห ระ ครำ ทัว เมือง นัน เลอะ ญุง มด เจ็นนัน ปึง อัห ก็ เริล ตัก เจิง ยาโซน อัห โละ และ เปาโล เคิบ ซีลาด ตัก เจิง ยาโซน นัน อัห ซีรอก เญ็บ เอิด ปาม ซับ อน ตัก ปึง ตี บวน นอย อุ นัน
แต ปึง ครำ ยิว อัห ก็ ตอตาน เปาโล ติกๆ อัห เซาะ อัห โป เปาโล เค็ย นำ ไอ มี เลาะ วัล เปาโล ก็ ลด ไล อัห คือเน “แป เปิล แป ก็ ฮับพิดซอบ ออ ฮัก ดาย เอิญ ไอ มี ฮับพิดซอบ แป วัล เตาะ เจ็นเน นโดน เอิญ ก็ เริล ไล ครำ กรอก ซอ ฮัก” นำ อัง นำ ก็ ลด นโจ็หๆ แอ็ม พุน เจ็น โกบ ออ ระ อัห เคาใจ เค็ย นำ ไอ มี ฮับพิดซอบ อัห วัล เตาะ
เอิญ ต็อง เริล ดก ตี ดาย ญาม เอิญ เริล นัน ก็ ดก อันตะราย ซีเละ อันตะราย ตัก นอก แด มี โจน แด มี ครำ คอง ออ จวาด เอิญ แด มี ครำ กรอก ซอ จวาด เอิญ แด ดก อันตะราย ซีเละ แกด ลบ ซะ ราย ซะ คาด ตัก งวัล ก็ มี ตัก นโจ ก็ มี ตัก ทะเล ก็ มี อันตะราย เจ็น ครำ ไอ มี เลาะ ตี จุ เค็ย เป็น ควน นไจ ก็ มี มด
ကြော်ငြာတွေ