ตัวแทน 13:39 - Prai Bible39 เอา นเดย ตัก เจือ เยซู อัห ก็ ปน แอ็ม เจ็น ลุห เจ็น โทด มด ญอน เยซู นัน ฮัก แต กด โมเซด นัน จวย แป ปน แอ็ม เจ็น โทด ไอ มี กุญ เตาะ အခန်းကိုကြည့်ပါ။ |
ตัวแทน 13:39
40 ပူးပေါင်းရင်းမြစ်များ
เจ็นนัน เยซู ก็ ไล อัห ตอ วัล “เอิญ ไล แป นังเลาะ นะ ดาย เปียะ ล็อง เน เอาซาง ไอ มี ทือ ลุห ครำ เก็บ พาซี ญาม นำ วัล เจิง ออ เอาซาง ก็ เค็ย นำ เลาะ อุ เคิบ เอาซาง แลว ไอ แมน ครำ ฟาริซี นัน เตาะ เอา นเดย ตัก อวด นัง ออ เอาซาง ก็ เค็ย ไอ มี เลาะ เตาะ แต เอา นเดย ตี ไอ มี อวด นัง ออ เอาซาง ก็ เค็ย เอา นัน เลาะ วัล” เยซู ไล อัห จังเน
แอ เลาะ เคิบ เอาซาง ไอ แมน ญอน แอ แอง เลาะ ตาม กด คอง นำ เตาะ เอาซาง อน กด ตัก แอ ก็ เพือ ระ แอ เคาใจ นัง ออ ลุห เอาซาง อน กด ตัก ครำ ก็ ระ ครำ ทัว โลก เคาใจ นัง ออ ลุห ต็อง กุญ โทด มด กัน กด นัน เค็ย พิด แอ ก็ พิด ซีเละ เอาซาง ก็ ตัดซิน แอ ตาม กด นัน เจ็นนัน ครำ ยิว ก็ พิด ครำ จู ล็อง ก็ เลอะ พิด เลอะ ลุห เมือนนอย มด ไอ มี ซีเอ เลาะ ซัก มี ล็อง เตาะ กด นัน ระ แอ ไอ มี จางรู มแบล นัง ออ กด นัน ก็ แอง ระ แอ เคาใจ นัง ออ ลุห ฮัก
กัน จังนะ กด โมเซด มี ปะโยด ซีวะ ก็ ฮุนเน ดาย เอาซาง อน กด โมเซด ตัก แอ ระ แอ เฮง เคาใจ นัง ออ ลุห ตี ลุห นัน ก็ เป็น นาย คอง แอ แอ ก็ ต็อง เปิล มด ปน ไอ มี กุญ เตาะ แต เอาซาง ใจ ดัว ซิห แอ แอ เฮง แอง ลุห ดก เอาซาง ก็ เฮง แอง เลาะ ซิห แอ วัล ซะ ลุห นัน เกย เป็น นาย คอง แอ นอ แต มานะ เน ซะ เลาะ ตัก เอาซาง แอง อน แอ นัน เป็น นาย คอง แอ วัล ระ แอ อุ เลาะ เคิบ นำ ระ แอ รีด อุ ตลอด จำ นเดย จำ กวา ญอน เยซู คริด งกีจ็อง คอง แอ นัน
นังเลาะ แลว ตัก อิง แป แกด ล็อง ก็ แอง มอก อัห นัน แต เอาซาง ระ เยซู เปิล แก แอ็ม ลุห แป มด แลว เยซู คริด งกีจ็อง คอง แอ นัน นำ ระ แป เป็น ครำ เลาะ ครำ ซือ แลว เอาซาง ญอม ฮับ แป เป็น ครำ เลาะ นัน ก็ ญอน เยซู คริด เคิบ ญอน ซีมาล เอาซาง ฮัก แอ เม็จ นำ แอง เลาะ ซิห แอ ดก มอก เน แลว ก็ ฮอน จบ เลาะ แอ แอง ลุห มอก อัห เตาะ
แต อา เน ก็ เม็จจึด เลาะ แลว เค็ย แอ กุญ อุ เลาะ เคิบ เอาซาง ก็ ญอน แอ เจือ เยซู คริด ฮัก ไอ แมน ญอน แอง เลาะ ตาม กด เตาะ ตึง ครำ ยิว ตึง ครำ กรอก ซอ ก็ เมือนนอย มด แอ จู ล็อง อุ เลาะ เคิบ เอาซาง กุญ ก็ ญอน เยซู คริด ฮัก เจ็นนัน แอ เน ก็ เจือ เยซู เพือ กุญ เลาะ อุ เคิบ เอาซาง นัน ไอ มี ซีเอ ซัก มี ล็อง ตี เลาะ อุ เคิบ เอาซาง ญอน แอง ตาม กด นัน ไอ มี เตาะ เลือง เน อา ก็ เม็จ เลาะ แลว นอ”
กด โมเซด นัน ก็ ระ เอิญ เคาใจ เค็ย นัง ออ เป็น ครำ ลุห ระ เอิญ เคาใจ นัง ออ ต็อง เปิล ซีเละ ก็ มอก เอิญ เปิล พระ กด เอาซาง แลว มอก อัห มพำ เอิญ เลิม เคิบ เยซู คริด แลว กด นัน ก็ ลด ไอ มี อำนาด บังคับ เอิญ วัล เจ็นนัน เอิญ ก็ รีด อุ เพือ แอง ตาม ใจ เอาซาง ฮัก เพาะวา ตี ลุห คอง เอิญ เปิล เลิม เคิบ เยซู ตัก ลำ ซีโรด นัน แลว
ကြော်ငြာတွေ