12 พูวา เม็จ ล็อง นัน บอด มัด เคิบ มัด ออ นัน นำ ก็ งึด ซีเละ นำ งึด อัง เลือง งกีจ็อง ตี อัห ไล อน ตัก นำ นัน นำ ก็ ลด เจือ แญง เอาซาง นัน
ทาเน ญาม เยซู เปิล นัน นายรอย เคิบ ปึง ทฮาน คอง นำ ตี เพา ดอม เยซู อุ นัน อัห ก็ เม็จ ซิก นโจ็ห อัห เม็จ ม็อญ ซะ อัห เม็จ จู มบลึ ตัก เกิด เล็ห นัน อัห ก็ แร็ง นเจิก ซีเละ อัห ก็ ไล นอย คือเน “ฮีเอิห ล็อง เน เป็น ควัน เอาซาง ซีเละ” อัห อัง
ครำ ตัก ฮ็อง พซุม นัน อัห ก็ เลาะใจ ปัง นำ อัห เค็ย นำ จ็อก เลาะ ซีเละ อัห ก็ งึด อัง นำ อัห เค็ย “เอ เยซู เน นำ เป็น ครำ งวัล แอ เน ฮัก นอ นำ เป็น ควัน โยเซบ นำ ไอ มี เป็น ครำ พิเซด ซีวะ แต ซีวะ นำ จ็อก เลาะ จ็อก เก็ง มอก เน” อัห อัง
จู ล็อง ตี เม็จ เยซู แอง ระ ล็อง นัน รีด เล็ห วัล อัห ก็ เลอะ นเจิก มด อัห ก็ ลด อวด ลือ เอาซาง คือเน “มี ลาม เอาซาง ตี แกะ ทีซุด เกิด ตัก กรอก อิซราเอล แอ เน แลว เอาซาง โตะ จวย ครำ คอง ออ แลว” อัห อัง
ปึง ตำรวด นัน อัห ก็ ซวัล ซะ แกะ คือเน “ก็ อิห ไอ มี เกย เม็จ อีเอ จ็อก เลาะ จ็อก แคระ มอก ล็อง นัน นำ จ็อก เลาะ ซีเละ” อัห อัง
ทาเน ครำ กรอก ซอ เม็จ เปาโล จ็อก ฮุนนะ อัห ก็ เลาะใจ อัห ก็ ลือ งกีจ็อง ซำรับ ครำ ตี เอาซาง เลือก ระ อน ระ อัห กุญ รีด อุ เคิบ ออ จำ นเดย จำ กวา นัน อัห ก็ เจือ แญง เปาโล
แญง งกีจ็อง ก็ แปร เริล ทัว จังวัด นัน วัล
ปา เปาโล เคิบ บานาบัด ก็ ควะ อุ ตัก เมือง อันทิโอก นัน ปาม ก็ ไล เลือง งกีจ็อง อน ตัก ครำ เมือง นัน ติกๆ อัหซอ ดก ล็อง ก็ จวย ไล แญง เอาซาง เลิมๆ วัล
แทะ นัน อิง แดๆ เปาโล ก็ มพอล บานาบัด เริล แอว ดอม อ็อญ ปึง ควน นไจ จู งวัล จู เมือง ตี ปาม กุญ ไล แญง งกีจ็อง อน อัห แลว นัน นำ ซีรอก เริล แอว ดอม อ็อญ อัห อ็อญ เจือ อัห เป็น จังนัก แด
ญาม เปาโล ควะ อุ ตัก เมือง โคริน ตัก จังวัด อาคายา นัน กาลีโอ ก็ เป็น พูวา ตัก จังวัด อาคายา นัน ญาม นัน ปึง ครำ ยิว ก็ รูบ โตะ เญ็บ เปาโล อัห ซับ นำ ตัก ซาน
นำ ก็ ไล แญง งกีจ็อง อน พซาซน ตัก เมือง เอเฟซัด นัน เปียะ วาง ครำ ทัว จังวัด เอเซีย นัน อัห ก็ เลอะ เม็จ แญง งกีจ็อง ทัว มด ตึง ครำ ยิว ตึง ครำ กรีก อัห ก็ เลอะ เม็จ มด
เจ็นนัน แญง งกีจ็อง ก็ เฮง เคริบ แปร เริล ติกๆ ครำ ตี เจือ ก็ เฮง ดก เล็ห ติกๆ
แป แอง ระ เป็น เลือง จ็อง จังเน ไอ มี เลาะ ดาย ตัก ซาน ก็ มี ครำ ตัดซิน อุ แลว เจ็นเน กัน ดีเมตีอัด เคิบ ปึง ซะลา มด เน กัน แป มี เลือง เคิบ ซีเอ ก็ ระ แป เริล ตัก ซาน ฮัก แป เริล พอง นอย ตัก ซาน นัน ระ อัห ตัดซิน แป ฮัก ดาย
ปึง อัห เน มี ปะมาน ซิบซอง ล็อง
ทาเน ตัก เกาะ มอลตา นัน มี เจานาย มี ล็อง ซือ ตัก ปูลีอัด นำ มี ตี แซ ตี ซวน อุ ติๆ พานัน นำ ก็ มพอล อิห โตะ พัก ตัก เจิง ออ นำ ตอนฮับ อิห เลาะ ซีเละ นำ เลียง อิห แพะ งิ
แต อัห ไอ มี แป เทียง ซะเทเฟน เตาะ เพาะวา ซีมาล เอาซาง อน กำกึด เลาะ ตัก นำ ระ นำ มี ปันญา จ็อก เลาะ เคิบ อัห อัห ก็ ไอ มี แป เทียง นำ เตาะ
เจ็นนัน เปโตร เคิบ ยอน ก็ ไล แญง งกีจ็อง อน อัห ติกๆ แลว เปโตร เคิบ ยอน ไล แญง งกีจ็อง อน อัห ปัง ตัก นัน แลว ปาม ก็ วัล ออ ตัก เมือง เยรูซาเล็ม แต ญาม ปาม วัล ออ นัน ปาม ก็ โละ แวด แอว ไล คาว เลาะ นัน อน ตัก ครำ ซะมาเรีย ดก งวัล เจ็นนัน ปาม ก็ วัล ออ ตัก เมือง เยรูซาเล็ม