ตัวแทน 12:9 - Prai Bible

⁹ เปโตร ก็ เคริบ เทวาดา ทอก เริล เจ็น ลุก ‍ นำ ไอ มี เม็จจึด กิว เป็น เทวาดา โตะ จวย ออ นังเลาะ ‍ นำ เยา นัง ออ ราย มเพาะ ฮัก ‍

ตัวแทน 12:9 ပူးပေါင်းရင်းမြစ်များ

เกาตีนา 45:26

โตะ อัห แลว ‍ อัห ก็ ไล เอา คือเน “โยเซบ ควะ รีด อุ ดาย เอา ‍ ไอ มี จบ เปิล นำ ซัง ‍ นำ เป็น เจานาย แกะ ‍ ปกคอง ปะเทด อียิบ มด” อัห อัง ‍ ยาโคบ เม็จ อัห ไล ออ คือนะ ‍ นำ ก็ ญ็อก นทัน ‍ แต ไอ มี เนา นำ เจือ ควัน ออ เตาะ ‍ อัห ก็ ไท เลามุน เลือง โยเซบ อน นำ ปัง ‍ ญาม นำ เม็จ แญง ตี โยเซบ ฟาก ไล นำ นัน ‍ เคิบ นำ เม็จ ลอ ตี โยเซบ ซง ฮับ ออ นัน ‍ ซัง นำ เจือ ‍ นำ ก็ เลาะใจ ‍ ลง เล็ห ใจ นำ วัล

เกาตีนา 6:22

เอาซาง เพีย ไล โนอา แอง จังเน ‍ โนอา ก็ แอง มด จู มบลึ ฮุน เอาซาง ไล อน นัน

ยอน 2:5

ทาเน เม เยซู นัน ก็ ไล ลูกนอง เจิง นัน ‍ นำ ไล อัห คือเน “กัน เยซู ไล แป แอง จังนัก ‍ แป ก็ แอง จังนัน ดาย” นำ อัง

ตัวแทน 10:17

ทาเน เปโตร ก็ ควะ กึด เลือง ซะ แปลก ตี นำ เม็จ นัน ‍ นำ ซงไซ เค็ย เลือง นัน ซีแล็ม เค็ย ซีวะ ‍ ญาม นำ ควะ กึด อุ นัน ‍ ก็ พวม โตะ ลูกนอง โคเนลีอัด ซ็วน และ เจิง ซีโมน ‍ อัห เม็จ เจิง ซีโมน แลว ‍ อัห ก็ ญ็อง อุ ตัก ปะตู งเกริก ‍

ตัวแทน 10:3

มี ลบ นัน ‍ ปะมาน บาย ซาม โมง เน ‍ โคเนลีอัด ก็ เม็จ เทวาดา คอง เอาซาง โตะ ไล ออ ‍ นำ กิว เม็จ นัง เทวาดา นัน ซีเละ ‍ เทวาดา ล็อง นัน ก็ โตะ งกรอ นำ “โคเนลีอัด เฮย” เทวาดา อัง ‍

ตัวแทน 11:5

“งิ นาน ‍ ญาม เอิญ อุ ตัก เมือง ยาฟา ‍ เอิญ กำลัง ครอ วอน เอาซาง อุ ‍ ทาเน เอาซาง ก็ ระ เอิญ เม็จ ซะ แปลก มี มบลึ ‍ อี อังกัด มบอด จูล เล็ห เจ็น วาง ตัก ทึห ‍ มี ทาล ท็อก อุ มด ตึง ซี แจง ‍ เย็ห มพลิห โตะ ติๆ เคิง ตี เอิญ อุ นัน ‍

ตัวแทน 12:8

ทาเน เทวาดา ก็ ไล เปโตร ท็อก ทาล เครด ‍ ซุก แค็บ ‍ จึห โกบ ‍ เคริบ เทวาดา นัน เริล ‍ เปโตร ก็ แอง ฮุน เทวาดา ไล อน ‍

ตัวแทน 26:19

ทาเน เปาโล ก็ ไล พะเจายูฮัว คือเน วัล “ก็ มอก นะ ดาย พะเจายูฮัว เฮย ‍ เอิญ เม็จ แญง นัน ไล เอิญ ฮุนนัน แลว ‍ เอิญ ก็ ลด ปัง แญง นัน ‍

ตัวแทน 9:10

ทาเน ก็ มี ครำ เจือ เยซู มี ล็อง ตัก เมือง ดามากัด นัน ‍ ซือ นำ ตัก อานาเนีย ‍ นำ ก็ เม็จ งกีจ็อง จ็อก เคิบ ออ คือเน “อานาเนีย เฮย” ‍ นำ ก็ ซวัล เค็ย “เอิญ อุ เน ดาย งกีจ็อง เฮย” นำ อัง ‍

ฮีบรู 11:8

อับราฮัม ก็ เจือ เอาซาง ‍ เอาซาง ไล นำ เริล อุ ตี แมะ ตี เอาซาง อง อน ตัก นำ นัน ‍ นำ เจือ เอาซาง ‍ นำ ก็ เริล ‍ นำ ไอ มี เม็จจึด เริล พานเดย ‍ แต นำ ก็ เริล ‍