ตัวแทน 1:24 - Prai Bible

²⁴ ปึง ตัวแทน เยซู ก็ ครอ วอน เอาซาง คือเน “งกีจ็อง เฮย ‍ มัห เม็จจึด ใจ ครำ มด จู ล็อง แลว ‍ เปียะ ล็อง เน มัห เลือก เอิด ล็อง นเดย ‍

ตัวแทน 1:24 ပူးပေါင်းရင်းမြစ်များ

ลูกา 16:15

เยซู เม็จ อัห เค็ย ออ ฮุนนัน ‍ นำ ก็ โป อัห วัล คือเน “แป แนง แอง นเซอะ กุญ มัด กุญ มุห พาลือ ‍ แต เอาซาง เม็จจึด ใจ แป แลว ‍ เอาซาง ไอ มี กึด เมือน ครำ เตาะ ‍ ซะ ตี ครำ กึด เค็ย เลาะ เค็ย ซำคัน นัน ‍ เอาซาง ก็ ซีอุด อัง วัล” เยซู ไล อัห จังเน

ยอน 21:17

เจ็นนัน เยซู ก็ ลบ ซ็วน เปโตร วัล ‍ เป็น แพะ ลบ ตึง เน ‍ “ซีโมน ควัน ยอน เฮย ‍ มัห รัก เอิญ ซีเละ อัน” เยซู อัง ‍ เปโตร ก็ เซียใจ ซีเละ ‍ ตี เยซู มบก ซ็วน นำ มอก นัน ตึง แพะ ลบ ‍ นำ ก็ ไล เยซู ฮุนเน “งกีจ็อง เฮย ‍ มัห เม็จจึด จู มบลึ แลว ‍ เอิญ รัก มัห ‍ มัห ก็ เม็จ มด แลว” เปโตร อัง ทาเน เยซู ก็ ไล เปโตร คือเน วัล “ครอ ระ มัห เลียง ดอม แกะ เอิญ เลาะๆ ดาย ‍

ตัวแทน 14:23

เจ็นนัน ปาม ก็ ลด เลือก เอิด ครำ ตี ซับรวง คริซจัก มด จู ตี ‍ ระ อัห เป็น ครำ ตี ซับรวง คริซจัก ออ ฮัก ‍ ปาม ก็ อด จะ ครอ วอน เอาซาง ‍ ปาม ครอ วอน เอาซาง เพือ อัหแกะ ตี ซับรวง คริซจัก นัน ‍ ปาม ก็ ลด มอบ ปึง อัห นัน อน ตัก งกีจ็อง ตี อัห ทือ นัน

ตัวแทน 15:8

เอาซาง เม็จจึด ใจ ครำ เลาะ ‍ นำ เม็จจึด ครำ กรอก ซอ นัน กิว เจือ ‍ นำ ก็ อน ซีมาล ออ ตัก อัห ‍ มอก นำ อน ตัก ครำ ยิว แอ เน กำนา นัน ‍ ตี นำ อน ซีมาล ออ ตัก ครำ กรอก ซอ นัน ‍ นำ ก็ รับรอง อัห เค็ย อัห เป็น ครำ คอง ออ ‍ แอ ก็ ลด เคาใจ เค็ย ‍ เอาซาง กิว เอิด ครำ กรอก ซอ เป็น ครำ คอง ออ ซีเละ ‍

ตัวแทน 6:6

เจ็นนัน อัห ก็ ซับ ครำ เจ็ด ล็อง นัน อน ตัก ปึง ตัวแทน เยซู ‍ ปึง ตัวแทน เยซู ก็ ครอ วอน เอาซาง ‍ อัห ลด ต็อก ซิห ที ตัก ปึง เจ็ด ล็อง นัน ‍ อัห ลด มอบ อน งาน แจก ซะ นัน ตัก ปึง อัห

โรม 8:27

ซีมาล เอาซาง ครอ เพือ แอ จังนัก ‍ เอาซาง ก็ ปัง เลาะ ตลอด ‍ แอ มี กำกึด ซีวะ ‍ เอาซาง ก็ เม็จ มด ‍ เพาะวา ซีมาล เอาซาง ครอ แคระ ตาม แพนกาน เอาซาง ตลอด

ฮีบรู 4:13

เอาซาง เม็จ ซะ ทัว มด จู ตี จู ทาน ดาย ‍ แอ งเกริม ซีวะ ระ เอาซาง ไอ มี เม็จ ก็ ไอ มี กุญ เตาะ ‍ ซะ จู มบลึ ตี นำ แอง แลว ‍ นำ ก็ ดอม เม็จ มด ‍ แอ แอง ซีวะ ‍ แอ กึด ซีวะ ‍ เอาซาง ก็ เม็จ มด ‍ แอ ก็ ต็อง ไล นัง ออ ตัก นำ มด จู ล็อง ดาย

เยซู โตะ 2:23

ลูกนอง นำ เอิญ ก็ มเบิล แอ็ม มด ‍ ตี เอิญ มเบิล แอ็ม ลูกนอง นำ นัน ‍ ก็ เพือ ระ คริซจัก มด จู ตี เม็จจึด เค็ย ‍ เอิญ เม็จจึด ใจ ครำ ‍ เอิญ เม็จจึด กำกึด ครำ มด ‍ ซีเอ แอง เลาะ แอง ราย จังนัก ‍ เอิญ ก็ ตอบติก อัห จังนัน ‍