ซะไม มานะ เน มี ครำ เจอะ ครำ เพอะ ซีเละ กัน เอา นเดย กราญ อัง อัห ลด ไอ มี ญอม ฮับ เอิญ ไอ มี ญอม เจือ แญง คอง เอิญ เอิญ ก็ กราญ อัง นำ วัล เอิญ ไอ มี ญอม ฮับ นำ เตาะ บัดนะ นโดน ล็อง นัน ตี เอาซาง ระ เกิด เป็น ครำ นัน นำ ก็ โตะ ตัก โลก เน ยาง ครึ มี เกียด ดก นำ โตะ เลิม เคิบ ปึง เทวาดา เลาะ คอง เอาซาง นัน ญาม นัน บัดนะ นำ ก็ กราญ อัง ล็อง นัน นำ ไอ มี เอิด ล็อง นัน เตาะ” เยซู อัง
2 ทิโมที 1:8 - Prai Bible8 เจ็นนัน ก็ อำ กราญ ไล เลือง เยซู ตัก เป็น งกีจ็อง คอง แอ นัน เตาะ อำ กราญ เป็น เปือน เอิญ ตี เติล ตัก ลุก เน เตาะ ตี เอิญ เติล ลุก เน ก็ ญอน เอิญ ฮับไจ เยซู คริด ฮัก ครอ อำ กราญ ซีวะ เตาะ แต ครอ ระ มัห อด ตุก อด ญาก เลิม เคิบ เอิญ เน เพือ ไล คาว เลาะ คาว แลม อน ตัก อัห ซัง เลาะ ครอ ระ มัห เปิง แร็ง เอาซาง นัน ฮัก အခန်းကိုကြည့်ပါ။ |
2 ทิโมที 1:8
48 ပူးပေါင်းရင်းမြစ်များ
มานะ เน กัน เอา นเดย กราญ ไอ มี ฮาน เจือ เอิญ เคิบ ไอ มี ฮาน เจือ แญง เอิญ วัล บัดนะ เอิญ ตี เอาซาง ระ เกิด เป็น ครำ เน เอิญ ก็ ไอ มี เอิด อัห เป็น ครำ คอง ออ เตาะ เอิญ เป็น ล็อง นัน ตี เอาซาง ระ เกิด เป็น ครำ บัดนะ เอาซาง ก็ ระ เอิญ โตะ เลิม เคิบ ปึง เทวาดา มด เอิญ ก็ โตะ ยาง ครึ ญาม นัน บัดนะ เอิญ ก็ ไอ มี ญอม ฮับ อัห ดาย เอิญ แอง ฮุน ไอ มี เม็จจึด เคิบ อัห
เอิญ ไอ มี กราญ ไล คาว เลาะ คาว แลม เลือง เยซู เน เตาะ เอิญ แก็นใจ ไล อัห ซีเละ เอิญ ไอ มี กราญ ไล เพาะวา คาว เลาะ เน มี แร็ง มี อำนาด โตะ เจ็น เอาซาง ฮัก คาว เลาะ เน อี จวย ครำ จู ล็อง ตัก เจือ ระ ปน แอ็ม เจ็น ลุห ครำ ยิว ก็ เจือ วาล ครำ กรอก ซอ ก็ เจือ แทะ คาว เลาะ เน ก็ จวย แอ มด จู กรอก
อัห ตี ไอ มี เอิด เยซู นัน อัห ก็ เป็น มอก แญง เอาซาง เพีย ไล อน แลว คือเน “ดอม กา เอิญ เอิด ครำ พิเซด มี ล็อง นะ ระ นำ อุ ตัก เมือง ซีโยน นำ ก็ เป็น มอก เกียง จ็อง อีเอ ไอ มี เจือ ล็อง ตี เอิญ ระ อุ ตัก เมือง ซีโยน นัน อัห ก็ มอก นทุด ตัก เกียง จ็อง นัน ลด มพึง ลัง แต ครำ ตี เจือ ล็อง ตี เอิญ ระ ตัก เมือง ซีโยน นัน ตี เอิญ มเบิด ตัก เกียง จ็อง นัน อัห ก็ กุญ อุ เลาะ เคิบ นำ ซีเละ อัห ไอ มี ต็อง กราญ แอ็ม เตาะ” แญง เอาซาง ไล คือนะ อิซยา 28:1
เอิญ เลาะใจ เลือง แป มอก เน ก็ ซมควน แลว ดาย ก็ ญอน เอิญ รัก แป มด จู ล็อง จู นัง เอิญ รัก แป ก็ ญอน เอาซาง แอง เลาะ ซิห แอ เลิม แป ก็ ฮับไจ เอาซาง เลิม เคิบ เอิญ ตลอด เอิญ เริล ไล คาว เลาะ ตัก อัห เอิญ เริล เทียง อัห เลือง คาว เลาะ ระ อัห เคาใจ ระ อัห เจือ แป ก็ จวย เอิญ เติล ลุก ก็ ตึก แป ก็ จวย มด เอิญ เป็น จังนัก แป ก็ จวย เอิญ เลิมๆ เลาะ ซีเละ เอิญ ก็ เลาะใจ ปาโท็ห ดาย
เอิญ ก็ ซีรอก เม็จจึด เคิบ เยซู คริด แตๆ ดาย เอิญ ซีรอก มี แร็ง คอง นำ ใน ซีวิด ออ เอิญ ซีรอก กุญ แร็ง นัน ตี แอง ระ เยซู รีด เล็ห นัน เอิญ ซีรอก มี ซวน เลิม เคิบ เยซู ตี นำ ญอม ตุก ญาก ญอม ทอระมาน เพือ แอ นัน เอิญ ซีรอก เป็น มอก นำ นัน ครอ ระ เอิญ มี ใจ มอก เยซู ตี ญอม เปิล แตน แอ เน ดาย
มานะ เน เอิญ ก็ อด โซะ อุ เน นอ แต เอิญ ก็ เลาะใจ ตี เอิญ กุญ อด ตุก อด ญาก เพือ ปะโยด แป นัน กัน เยซู คริด ไล เอิญ ต็อง อด โซะ มอก นเดย เอิญ ก็ ญอม อด โซะ มอก นัน เอิญ ญอม อด โซะ มด จู มบลึ เอิญ ญอม อด โซะ มด ตึง นัง ตึง ใจ คอง เอิญ ฮัก เอิญ ญอม อด โซะ เพือ นัง คอง เยซู นัง เยซู นัน ก็ ซีแล็ม เค็ย ปึง คริซจัก นัน เอิญ ต็อง ญอม อด โซะ เพือ คริซจัก ดาย
นำ กึด แอง เลาะ ซิห แอ เจ็น ตัก อิง ตัก นา แลว นอ แต มานะ เน เอาซาง ระ แอ เม็จ ซัด แลว เค็ย เยซู คริด กิว โตะ จวย แอ แลว ซีเละ เยซู เน นำ ก็ จวย ระ แอ ปน แอ็ม เจ็น ลุห ซีเละ แอ เม็จ คาว เลาะ คาว แลม เน แอ ก็ กุญ รีด อุ จำ นเดย จำ กวา นำ ก็ ซะนะ อัง เปิล แลว ไอ มี ซีวะ มี อำนาด แอง ระ แอ เปิล วัล เตาะ
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน
อัห พระ แอ็ม เอิญ มด ดาย แต ญาม เอิญ ก็อห ซาน นัน เอาซาง งกีจ็อง ก็ ญ็อง อุ เลิม เคิบ เอิญ นำ จวย ระ เอิญ มี แร็ง มี กำลัง ซีเละ นำ จวย เอิญ ก็ เพือ ระ เอิญ กุญ ไล คาว เลาะ คาว แลม นัน อน ตัก อัห ติกๆ ระ เอิญ กุญ ไล อน ตัก ครำ กรอก ซอ มด วัล กำนา นัน เอาซาง ก็ จวย เอิญ ซีเละ ดาย มเบิด ก็ มอก เอิญ ปน แอ็ม เจ็น งกาบ โปก นัน
แต ซำรับ มัห เน มัห ต็อง ควบคุม นัง ออ เลาะๆ อัห แอง ซีวะ เคิบ มัห ก็ ตึก ต็อง กึด เลาะ กึด แคระ ตลอด ดาย ต็อง ซอดแซ็ง ญาม มัห ตุก ญาก นัน ครอ ระ มัห เอิด ใจ ซิห แองกาน อน เอาซาง เลาะๆ ฮัก ต็อง ไล คาว เลาะ คาว แลม อน ตัก อัห ติกๆ ครอ ระ มัห แองกาน จู มบลึ ตี เอาซาง ระ มัห ฮับพิดซอบ นัน ระ แลว แอ็ม ดาย
ซุดทาย เน ก็ ครอ อวด ลือ เอาซาง ซีเละ มี เอาซาง มี ล็อง เดียว ตี จวย แอ ปน แอ็ม เจ็น ลุห กุญ นำ มี ล็อง เดียว ตี รักซา รักซม แอ กุญ บัดนะ นำ ก็ ซับ แอ โตะ ญ็อง อุ เคิบ มัด นำ ตัก ตี มี เกียด ดก นัน แอ ก็ ไอ มี ตี ติ ตี คอล เตาะ แอ ก็ เลาะใจ อุ ซีเละ ครอ ระ เยซู คริด งกีจ็อง คอง แอ จวย ระ ครำ แอ เน อน เกียด ตัก นำ อวด ลือ นำ ฮัก ครอ ระ ครำ แอ เน ญอม ฮับ เค็ย นำ มี เกียด อุ ตลอด มี แร็ง มี อำนาด อุ ตลอด ทุก ยุก ทุก ซะไม เจ็น ตัก อิง เตา มานะ เน จำ บัดนะ นโดน นำ ก็ มี แร็ง มี อำนาด อุ ตลอด จำ นเดย จำ กวา ซาทุ
เอิญ เม็จ เทวาดา ไล ออ คือนะ แลว เอิญ ก็ บัก และ กราบ ไว นำ แต นำ ก็ มบราง เอิญ ไว ออ “อำ จบ ไว เอิญ เตาะ แอ ก็ เป็น ครำ ฮับไจ เอาซาง เลิม นอย นัน เอิญ เคิบ มัห ก็ เป็น ครำ ฮับไจ เอาซาง เลิม ควน นไจ มัห จู ล็อง ตี แก็นใจ เจือ แญง เยซู นัน อัห ก็ เป็น ลูกนอง เอาซาง เมือนนอย มด ครอ ระ แอ ไว เอาซาง ฮัก ซัง เลาะ เพาะวา เลือง ซำคัน ทีซุด ตี ลาม เอาซาง ไล อน นัน ก็ เป็น เลือง เยซู มด ฮัก แอ ไว เอาซาง ฮัก ซัง เลาะ” เทวาดา อัง
ကြော်ငြာတွေ