เจ็นนัน ก็ อำ กราญ ไล เลือง เยซู ตัก เป็น งกีจ็อง คอง แอ นัน เตาะ อำ กราญ เป็น เปือน เอิญ ตี เติล ตัก ลุก เน เตาะ ตี เอิญ เติล ลุก เน ก็ ญอน เอิญ ฮับไจ เยซู คริด ฮัก ครอ อำ กราญ ซีวะ เตาะ แต ครอ ระ มัห อด ตุก อด ญาก เลิม เคิบ เอิญ เน เพือ ไล คาว เลาะ คาว แลม อน ตัก อัห ซัง เลาะ ครอ ระ มัห เปิง แร็ง เอาซาง นัน ฮัก
2 ทิโมที 1:12 - Prai Bible12 เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน အခန်းကိုကြည့်ပါ။ |
2 ทิโมที 1:12
58 ပူးပေါင်းရင်းမြစ်များ
ซุดทาย เน ก็ ครอ อวด ลือ เอาซาง ซีเละ มี เอาซาง มี ล็อง เดียว ตี จวย แอ ปน แอ็ม เจ็น ลุห กุญ นำ มี ล็อง เดียว ตี รักซา รักซม แอ กุญ บัดนะ นำ ก็ ซับ แอ โตะ ญ็อง อุ เคิบ มัด นำ ตัก ตี มี เกียด ดก นัน แอ ก็ ไอ มี ตี ติ ตี คอล เตาะ แอ ก็ เลาะใจ อุ ซีเละ ครอ ระ เยซู คริด งกีจ็อง คอง แอ จวย ระ ครำ แอ เน อน เกียด ตัก นำ อวด ลือ นำ ฮัก ครอ ระ ครำ แอ เน ญอม ฮับ เค็ย นำ มี เกียด อุ ตลอด มี แร็ง มี อำนาด อุ ตลอด ทุก ยุก ทุก ซะไม เจ็น ตัก อิง เตา มานะ เน จำ บัดนะ นโดน นำ ก็ มี แร็ง มี อำนาด อุ ตลอด จำ นเดย จำ กวา ซาทุ
มานะ เน เอิญ ก็ เพา ฮับ รางวัน ตัก เอาซาง ฮัก รางวัน นัน ก็ เป็น มงกุด ตี เอาซาง อน ตัก ครำ จู ล็อง ตี แอง เลาะ แอง ซือ เคิบ นำ เยซู นำ เป็น งกี ตี ตัดซิน เลาะ ตัดซิน แคระ นอ บัดนะ ญาม นำ โตะ ตัก โลก เน วัล นำ ก็ อน รางวัน นัน ตัก เอิญ ลด นำ ไอ มี อน ตัก เอิญ มี ล็อง เดียว แต นำ อน ตัก แอ จู ล็อง ตี วาง เพา เยซู โตะ นัน
เอิญ ไอ มี กราญ ไล คาว เลาะ คาว แลม เลือง เยซู เน เตาะ เอิญ แก็นใจ ไล อัห ซีเละ เอิญ ไอ มี กราญ ไล เพาะวา คาว เลาะ เน มี แร็ง มี อำนาด โตะ เจ็น เอาซาง ฮัก คาว เลาะ เน อี จวย ครำ จู ล็อง ตัก เจือ ระ ปน แอ็ม เจ็น ลุห ครำ ยิว ก็ เจือ วาล ครำ กรอก ซอ ก็ เจือ แทะ คาว เลาะ เน ก็ จวย แอ มด จู กรอก
เอิญ ก็ ซีรอก เม็จจึด เคิบ เยซู คริด แตๆ ดาย เอิญ ซีรอก มี แร็ง คอง นำ ใน ซีวิด ออ เอิญ ซีรอก กุญ แร็ง นัน ตี แอง ระ เยซู รีด เล็ห นัน เอิญ ซีรอก มี ซวน เลิม เคิบ เยซู ตี นำ ญอม ตุก ญาก ญอม ทอระมาน เพือ แอ นัน เอิญ ซีรอก เป็น มอก นำ นัน ครอ ระ เอิญ มี ใจ มอก เยซู ตี ญอม เปิล แตน แอ เน ดาย
กำกึด เอิญ ดาย เอิญ กึด เค็ย ซะ ตี เอิญ เกย ทือ เกย แอง กำนา นัน ไอ มี ปะโยด เตา เคิบ เอิญ เม็จจึด เคิบ เยซู คริด ตัก เป็น งกี คอง เอิญ เอิญ ก็ เต็มใจ ซะละ จู มบลึ จู มบลัก เพือ นำ ฮัก ซะ ตี เอิญ เกย กึด เค็ย เป็น ปะโยด ซำรับ เอิญ กำนา นัน มานะ เน เอิญ พระ แอ็ม มด มอก เป็น ซะเฮอะ นัน เอิญ พระ ซะนัน มด ก็ เพือ กุญ เยซู ฮัก แอ เม็จจึด เคิบ นำ นัน ก็ เลาะ กวา ดก เตา วัล
อัห ตี ไอ มี เอิด เยซู นัน อัห ก็ เป็น มอก แญง เอาซาง เพีย ไล อน แลว คือเน “ดอม กา เอิญ เอิด ครำ พิเซด มี ล็อง นะ ระ นำ อุ ตัก เมือง ซีโยน นำ ก็ เป็น มอก เกียง จ็อง อีเอ ไอ มี เจือ ล็อง ตี เอิญ ระ อุ ตัก เมือง ซีโยน นัน อัห ก็ มอก นทุด ตัก เกียง จ็อง นัน ลด มพึง ลัง แต ครำ ตี เจือ ล็อง ตี เอิญ ระ ตัก เมือง ซีโยน นัน ตี เอิญ มเบิด ตัก เกียง จ็อง นัน อัห ก็ กุญ อุ เลาะ เคิบ นำ ซีเละ อัห ไอ มี ต็อง กราญ แอ็ม เตาะ” แญง เอาซาง ไล คือนะ อิซยา 28:1
ญาม แอ เล็ง อุ เน ก็ ครอ ระ แอ กึด เลือง เยซู ดาย เยซู เน นำ เป็น พูนำ เลาะ นำ เจือ เอาซาง วาล นำ ก็ ซับรวง แอ เจือ เลิม จำปอ เป็น เล็ห ครำ ซมบูน มอก นำ ฮัก นำ ญอม เปิล ตัก ลำ ซีโรด นัน นำ กึด เค็ย เซีย เกียด ตัก ลำ ซีโรด นัน ไอ มี เป็น เลือง ซำคัน ซีวะ เตาะ แต นำ กึด เลือง ตี นำ เลาะใจ อุ แทะ นัน วัล เจ็นนัน นำ ก็ คุด อุ ตัก เพียห เลาะ คอง เอาซาง ฮัก แอ ดอม ตัวยาง ตัก เยซู ก็ เลาะ
เปาโล ก็ ซวัล อิห ฮุนเน “แป แอง ซีวะ จังเน แป เญ็ม ฮุนเน ก็ แป แอง ระ เอิญ ตุกใจ นาย แอ็ม ใจ วัล แอ็ห เอิญ ไอ มี เปียน ใจ เตาะ เอิญ ต็อง เริล เมือง เยรูซาเล็ม ติก ดาย อัห แอง จังนัก ซิห เอิญ ตัก นัน ก็ ตาม แต เตาะ เอิญ พอม ระ อัห ท็อก เอิญ เอิญ พอม ระ อัห มเบิล แอ็ม เอิญ ดาย อัห เติล ลุก เอิญ ก็ ตาม แต เตาะ เอิญ พอม อด เอิด กุญ ก็ เพือ เยซู คริด งกีจ็อง นัน” เปาโล อัง
บัดนะ ญาม เล็ห งิ เอาซาง ตัดซิน ลงโทด ครำ ทัว โลก เน ญาม นัน บัดนะ ก็ มี ดก ล็อง อัห เค็ย เอิญ เป็น งกีจ็อง คอง อัห แต อัห นัน ไอ มี กิว เป็น ครำ คอง เอิญ อัห ก็ ไล เอิญ คือเน ‘งกีจ็อง เฮย อิห ไล แญง มัห ตัก อัห ก็ ญอน มัห ไล อิห อิห มบรึห แอ็ม ปรอง ก็ อิห เอิด อำนาด คอง มัห แอง อิห แอง ซะ แปลก ดก มบลึ ก็ ญอน แร็ง คอง มัห มด’ อัห อัง อัห แอง คือนัน อัห เยา นัง ออ เลาะ เคิบ เอาซาง
แอ กิว กุญ เลาะ มอก เอิญ ไล มัห เน ดาย จู มบลึ ตี เอิญ ไล มัห เน กิว เป็น แญง นังเลาะ มัห เจือ กุญ ดาย ทาเน จู มบลึ ตี เอิญ ไล มัห แลว เน ก็ เป็น เลือง นังเลาะ เป็น ปะโยด อน ตัก อัห จู ล็อง จู นัง เอิญ ก็ ครอ ระ มัห มบก ไล อน ตัก ครำ ตี เจือ เอาซาง ดาย ระ อัห กิว ตังใจ แอง เลาะ ตลอด ดาย
ကြော်ငြာတွေ