เอิญ ครอ เคิบ เอาซาง แต จู ลบ ตี เอิญ ครอ วอน เอาซาง จวย ออ นัน เอาซาง ก็ ไอ มี งเคาะ จวย เอิญ เอาซาง ก็ ไล เอิญ ฮุนเน “ไอ งกิ ระ มัห งาล ตัน เตาะ ตี เอิญ แอง เลาะ เคิบ มัห ใจ ดัว ซิห มัห ตลอด นัน ก็ ปอ แลว ญาม มัห แมด นัน อัหซอ ก็ เม็จจึด ซัด เค็ย มัห มี แร็ง คอง เอิญ ฮัก ไอ แมน แร็ง คอง มัห เตาะ” เอาซาง ไล เอิญ จังนะ เจ็นนัน ญาม เอิญ แมด นัน เอิญ ก็ เลาะใจ ทีซุด เอิญ ก็ อวด เค็ย นัง ออ แมด นัน ตี เอิญ แมด นัน ก็ เพือ ระ เอิญ มี แร็ง คอง เยซู คริด จวย เอิญ ฮัก
2 โคริน 3:5 - Prai Bible5 แอ จู ล็อง เน ก็ ไอ แมน ครำ เลาะ ตี เปิง นัง ออ กุญ นอ แอ แองกาน อน เอาซาง ก็ ไอ แมน ความ ซามาด คอง นัง ออ เตาะ แอ มี ความ ซามาด ซีวะ ก็ เป็น ความ ซามาด คอง เอาซาง ฮัก အခန်းကိုကြည့်ပါ။ |
2 โคริน 3:5
19 ပူးပေါင်းရင်းမြစ်များ
เอิญ ไอ มี ซมควน เป็น ตัวแทน คอง เยซู ดาย แต เอาซาง แอง เลาะ ซิห เอิญ ฮัก ตี นำ เลือก เอิด เอิญ เป็น ตัวแทน คอง ออ นัน ก็ เป็น เคิบ นำ แอง เลาะ ซิห เอิญ ฮัก ตี นำ เลือก เอิด เอิญ เน ก็ ไอ แมน ไอ มี ปะโยด ดาย เป็น ปะโยด ดก อน นำ เอิญ แองกาน อน นำ ดก กวา ตัวแทน เยซู ล็อง ซอ วัล แต ตี เอิญ กุญ แองกาน อน นำ เน ก็ ไอ แมน นัง เอิญ แอง ฮัก ดาย เป็น เอาซาง ฮัก แอง ระ เอิญ เป็น ปะโยด อน ตัก นำ
แป ก็ เป็น มอก เจิง เอาซาง เอิญ ก็ เป็น มอก ซะลา แอง เจิง นัน เอิญ มี ความ ซามาด แอง เจิง เอาซาง ก็ เป็น ตัก เอาซาง อน ความ ซามาด นัน ตัก เอิญ ฮัก ทาเน เอิญ ก็ มอก พร็อห งกรัง ซิห เน็ล เลาะ แลว เจ็นนัน อัหซอ ก็ โตะ แอง ตอ วัล แต ครำ ตี แอง ตอ วัล นัน อัห ก็ ต็อง เจิม นัง ออ แอง เลาะๆ ต็อง แอง เลาะๆ
แต ครำ ตี เม็จ งกอด นัน อัห ก็ เม็จ ไอ มี เมือนนอย ดาย ครำ ตี ปน แอ็ม เจ็น ลุห อัห ก็ เม็จ แอ มอก อัห เม็จ งกอด ยา ซียุม ตี ระ อัห รีด กุญ แต อัห ตี กำลัง และ กุญ โทด นัน อัห ก็ เม็จ แอ มอก อัห เม็จ งกอด ยา พิด ตี มเบิล แอ็ม อัห นัน บัห นอ แอ ไล แญง เอาซาง อน ตัก อัห เน แอ ต็อง ฮับพิดซอบ เลาะๆ นอ อีเอ กิว จางรู แองกาน เน เลาะ บ็อห
แป ต็อง เริล ไล อัห มด ดาย แต มานะ เน แป ต็อง เพา อุ ตัก เมือง เยรูซาเล็ม เน วาล ต็อง เพา อุ ตัก เยรูซาเล็ม เน จำปอ เล็ห ซีมาล เอาซาง ตัก แป เอิญ ระ ซีมาล เอาซาง โตะ อุ เคิบ แป เน มอก เอา เอิญ ตัก วาง นทึห ซันญา ระ อน ตัก แป แลว โตะ ซีมาล เอาซาง แลว นำ ก็ อน แร็ง ตัก แป ฮัก แป ก็ ลด มี แร็ง เริล ไล คาว เลาะ เน อน ตัก อัห” เยซู ไล อัห ฮุนเน
ครอ ระ มัห ไล แญง เอาซาง อน ตัก อัหซอ ติกๆ ดาย ปัง ดาย ควัน จู มบลึ ตี เอิญ ไล อน ตัก มัห กำนา นัน ก็ มี ครำ ดก ล็อง ปัง เลิม นอ เจ็นนัน ก็ ครอ ระ มัห ไล เลือง นังเลาะ นัน อน ตัก อัหซอ ติกๆ ดาย มัห ต็อง ไล ต็อง ฟึก ครำ ตี แอง เลาะ แอง ซือ ตี จางรู นท็อล ไล อน ตัก อัหซอ ตอ วัล ครอ ระ มัห ไล ครำ ฟึก ครำ แบบ นัน ดาย
ကြော်ငြာတွေ