2 โคริน 11:6 - Prai Bible6 เอิญ จ็อก ไอ มี ปอ เก็ง ก็ แมน แต อิห จ็อก ซะ ตี อิห กิว เคาใจ เลาะ อิห กิว เม็จจึด กำกึด เอาซาง เลาะ จู มบลึ ตี อิห ไล อน ตัก แป นัน อิห ก็ ไล ซะ ตี แป เคาใจ ซัด แลว အခန်းကိုကြည့်ပါ။ |
2 โคริน 11:6
13 ပူးပေါင်းရင်းမြစ်များ
ซะ ไอ มี เลาะ ตี แอ กราญ อัง นัน ซะ ตี อัห ลอด แอง นัน อิห ก็ พระ แอ็ม มด แลว อิห ไอ มี จุ ไอ มี โกง อีเอ เตาะ อิห ไล แญง นังเลาะ คอง เอาซาง ซือ นเดย ซือ นัน ฮัก อิห ไอ มี เปียน แญง เอาซาง เตาะ อิห แอง มอก แญง เอาซาง ไล อน ฮัก อิห แอง ซีวะ อิห ก็ แอง เพือ ระ ครำ จู ล็อง เคาใจ เค็ย อิห แอง เลาะ แอง แคระ มอก เอาซาง ฮัก
เอิญ ไอ มี จุบ แป ก็ เพาะวา เยซู คริด ไอ มี ไล เอิญ เริล แอง พิที จุบ นอก อน อัห แต นำ ไล เอิญ เริล ไล คาว เลาะ คาว แลม ฮัก ญาม เยซู คริด ระ เอิญ เริล ไล คาว เลาะ นัน นำ ก็ ไอ มี ไล เอิญ จ็อก แญง ตี แป ไอ มี ปอ เคาใจ นำ ก็ ไอ มี ระ เอิญ จ็อก เก็ง เทียง เก็ง เตาะ นำ ไล เอิญ จ็อก เลือง เยซู คริด ตี เปิล แก แอ็ม ตี ลุห แอ ฮัก กัน เอิญ จ็อก แญง ดก มบลึ มอก ครำ ตี จ็อก เก็ง นัน เอิญ นเจิก แป ไอ มี กิว กึด เลือง เยซู คริด เปิล แตน ออ นัน เอิญ ไล อน ซือๆ เอิญ ก็ ลด ไอ มี จ็อก เก็ง เตาะ กึด อ็อญ กา กัน แอ จ็อก เก็ง ไอ มี ซำคัน ก็ เป็น ตัก ซีวะ แป ซอบ ทือ ครำ จ็อก เก็ง วัล
แต เอาซาง มี ปันญา ซีเละ เป็น กำกึด เอาซาง ฮัก ตี นำ ไอ มี ระ ครำ แอ เน เปิง ปันญา ออ โตะ และ นำ เปิง นัง ออ ไอ มี กุญ เอาซาง ระ แอ ปัง แญง นำ ฮัก ซัง ปน กัน แอ เจือ คาว เลาะ คาว แลม ตี อิห ไล เน เอาซาง ก็ ระ แอ ปน แอ็ม เจ็น ลุห ซีเละ อัหซอ กึด เค็ย เป็น เลือง งาว ก็ ตึก แต แอ กิว ปน นังเลาะ
ทาเน แอ ก็ เม็จจึด แลว เค็ย เอาซาง ตัดซิน งาน แอ มด จู ล็อง มอก นัน นอ แอ เกงใจ อัง เอาซาง ก็ เลาะ แอ ปัง แญง นำ ก็ เลาะ เจ็นนัน แอ ก็ จวย ซับรวง อัหซอ เจือ เอาซาง ฮัก อิห เป็น ครำ จังนัก เอาซาง ก็ เม็จจึด อิห เลาะ แลว เจ็นนัน เอิญ ก็ กึด เค็ย แป เคาใจ เค็ย อิห ไอ มี แอง ซีวะ ลุห เคิบ แป
ကြော်ငြာတွေ