2 โคริน 1:20 - Prai Bible20 เอาซาง เน นำ จ็อก ซือ ตลอด ตี เอาซาง ซันญา เคิบ แอ เจ็น ตัก อิง ตัก นา นัน เยซู ก็ แอง มด แลว อิห เน ก็ เค็ย นำ จ็อก เลาะ จ็อก ซือ จู ลบ ญอน เยซู แอง ซือ นัน เอาซาง ก็ ฮับ เกียด ซีเละ အခန်းကိုကြည့်ပါ။ |
2 โคริน 1:20
41 ပူးပေါင်းရင်းမြစ်များ
เอาซาง นำ จ็อก เลือง นัง ออ คือเน “เอิญ เป็น ทาง ซะ เอิญ โตะ นโจง ตัก ตี ม็อญ ซะ ระ เป็น เล็ห ทาง ซะ วัล” เอาซาง อัง ทาเน แอ ก็ ลด เคาใจ เค็ย เป็น เอาซาง มี ล็อง เดียว นัน โตะ นโจง รวง แอ ระ ทาง เล็ห ซะ ตัก ใจ แอ นัน นำ ก็ ระ แอ เคาใจ เค็ย เอาซาง มี เกียด ดก ซีเละ แอ เม็จ เกียด เอาซาง นัน แอ ก็ เม็จ ตัก เยซู คริด นัน ฮัก
เอาซาง ระ แอ อุ ซะวัน เลิม เคิบ ออ ก็ เป็น ตัก นำ ใจ ดัว แอง เลาะ ซิห แอ ฮัก นำ ซีรอก แอง เลาะ เคิบ แอ ตลอด จำ นเดย จำ กวา นโดน ตี นำ แอง เลาะ ซิห แอ นัน ก็ เพือ ระ แอ เม็จจึด เค็ย นำ ฮัก แอง เลาะ ซิห แอ ดก เกิน ไอ มี ตึก ไอ มี เตา เตาะ ตี นำ แอง เลาะ ซิห แอ นัน ก็ ญอน แอ เป็น ครำ เยซู คริด นัน
เอาซาง วาง แพน แลว นำ ซีรอก ระ ครำ คอง ออ เม็จจึด แพนกาน คอง ออ เลาะ แพนกาน คอง นำ เลาะ ทีซุด มี เกียด ดก ทีซุด นำ ก็ ซีรอก ระ แอ เคาใจ เค็ย แพนกาน ตี เอาซาง งเกริม ระ อน นัน นำ ก็ ระ แอ เม็จ ไอ แมน นำ ระ ครำ ยิว มี กรอก เดียว กุญ เลาะ ดาย นำ ระ ตึง ครำ กรอก ซอ กุญ เลาะ เลิม มด แญง นังเลาะ ตี นำ ไล แอ เม็จ แมะ เน ก็ คือเน เป็น เยซู นัน ฮัก นำ อุ ใน นัง แอ ฮัก แอ ก็ ลด แก็นใจ กุญ เลาะ ตัก นำ กุญ ฮับ เกียด เลิม เคิบ นำ บัดนะ ตี แอ กุญ เลาะ ตี แอ กุญ เกียด นัน แอ กุญ ญอน เยซู คริด ฮัก
ครำ จูบ อับราฮัม อิซอัก ยาโคบ นัน อัห เปิล มด แลว นอ ญาม อัห เปิล นัน อัห ไอ มี ตัน กุญ ซะ ตี เอาซาง ซันญา อง อน ตัก อัห ตัน แต อัห เลาะใจ ตี เอาซาง กิว อน ตัก อัห งิ แทะ วัล มอก อัห เม็จ ควะ เยอะ ซะ นัน อัห เจือ เค็ย โลก เน ไอ แมน ตี อุ จำ นเดย จำ กวา อัห ไอ มี เจิง อุ เป็น ตี อัห ญอม ญาย เริล ญาย วัล แต อัห เม็จจึด แลว เค็ย บัดนะ เอาซาง อน เจิง เลาะ ตัก อัห อัห ก็ ปอใจ อุ
แต พะเจายูฮัว เมคีเซเด็ก นัน นำ ไอ แมน กรอก เลวี เตาะ นำ ไอ มี เป็น ครำ กรอก อับราฮัม เตาะ ก็ ซีวะ นำ เอิด ซะ ตัก อับราฮัม มี ซิบ ซวน นำ เอิด ตัก อับราฮัม มี ซวน ก็ เป็น ตัก เมคีเซเด็ก แกะ กวา อับราฮัม วัล แลว ก็ มี มี ยาง วัล ตี ระ แอ เคาใจ เค็ย เมคีเซเด็ก แกะ กวา อับราฮัม ก็ จังเน ดาย เอาซาง ซันญา เคิบ อับราฮัม แลว ก็ แมน แต เมคีเซเด็ก เน นำ อวยพอน อับราฮัม
ทาเน เอาซาง ก็ ระ ปึง ลาม นัน เคาใจ เค็ย เลือง ตี ลาม เคียน ระ อน นัน ไอ แมน อัห เคียน เพือ นัง ออ เคาใจ เอาซาง ระ อัห เคียน เพือ แอ ซะไม มานะ เน เคาใจ ฮัก มานะ เน เลือง ตี ปึง ลาม เคียน ระ อน นัน ก็ มี ครำ โตะ ไล อน ตัก แป แลว ก็ เป็น แร็ง ซีมาล เอาซาง จูล เจ็น วาง ทึห โตะ อุ เคิบ อัห ซีมาล เอาซาง นัน ก็ ระ อัห ไล คาว เลาะ เน อน ตัก แป ฮัก คาว เลาะ ตี ปึง นัน ไล ก็ เป็น เลือง ซำคัน ซีเละ คนาด ปึง เทวาดา ก็ วาง ซีรอก เม็จ ซีรอก เคาใจ เมือนนอย เอาซาง แอง เลาะ เคิบ แอ ซีเละ นำ ระ แอ ซะไม มานะ เน เคาใจ เลือง ปน แอ็ม เจ็น ลุห เน
นำ ก็ ไล เอิญ คือเน วัล “จดมาย เน มัห ต็อง เคียน อน ตัก ลาม ตี ฮับพิดซอบ คริซจัก เลาดีเซีย ดาย ระ นำ นท็อล ไล อน ตัก คริซจัก ตอ วัล มัห เคียน ไล อัห คือเน ดาย จดมาย เน เล็ห เจ็น เอิญ เอิญ เป็น ล็อง นัน ตัก จ็อก เลาะ จ็อก ซือ มด จู มบลึ นัน ตัก เป็น พญาน เลาะ พญาน ซือซัด นัน เอิญ เป็น ล็อง ตี แอง โลก แพนซิก เน ซะ จู มบลึ ตี เอาซาง แอง ตัก โลก แพนซิก เน เอิญ ก็ แอง เลิม นัน เป็น เอิญ เนๆ ไล แป นะ
ကြော်ငြာတွေ