1 เทซะโลนิกา 3:6 - Prai Bible6 ทาเน ญาม ทิโมที เริล แอว และ แป แลว นำ ก็ โตะ ไล คาว แป ตัก อิห เป็น คาว เลาะ ซีเละ นำ เค็ย แป แก็นใจ เจือ เอาซาง อุ มอก เครม แป ก็ รัก นอย เลาะ อุ มอก เครม นำ เค็ย แป เลาะใจ ตี อิห โตะ แอว และ แป กำนา นัน นำ เค็ย แป ซีรอก เม็จ มัด อิห มอก อิห เน ซีรอก เม็จ มัด แป นะๆ นำ อัง အခန်းကိုကြည့်ပါ။ |
ทิโมที เฮย เอิญ คอบคุน เอาซาง เลือง มัห ซีเละ ดาย เอิญ คอบคุน เอาซาง ตี เอิญ ฮับไจ นัน มอก เอาจ็อง เมจ็อง แอ ตัก อิง ฮับไจ นำ นัน เอิญ ก็ ฮับไจ นำ เลาะ เอิญ ไอ มี กึด เค็ย นัง ออ ลุห เคิบ นำ เตาะ เอิญ ครอ วอน เอาซาง เพือ มัห ตึง งิ ตึง แจ็ล เอิญ ครอ วอน เพือ มัห ตลอด เอิญ แร็ง งอม อัง มัห ซีรอก เม็จ มัด มัห ซีเละ กำนา ญาม เอิญ พระ มัห นัน มัห ก็ เญ็ม เซียใจ ซีเละ นอ เอิญ ก็ ควะ จำ เลือง นัน อุ กัน แอ กุญ เม็จ มัด นอย อุ เลิม เคิบ นอย วัล เอิญ ก็ เลาะใจ ซีเละ ดาย มัห เจือ เอาซาง เลาะ ซีเละ ดาย เลือง เน เอิญ ก็ เม็จ เลาะ นอ มัห แก็นใจ เจือ เยซู มอก เมจ็อง คอง มัห ตัก โลอิด เคิบ เม คอง มัห ตัก ยูนิด นัน เอิญ คอบคุน เอาซาง เลือง มัห ซีเละ ดาย