1 เทซะโลนิกา 2:11 - Prai Bible11 กำนา ญาม อิห ไล แป นัน อิห ก็ กอย จ็อก กอย ไล แป มอก เอา ไล ควัน ออ นัน အခန်းကိုကြည့်ပါ။ |
1 เทซะโลนิกา 2:11
40 ပူးပေါင်းရင်းမြစ်များ
ญอน เอาซาง เลาะ มอก นัน มัห ก็ ต็อง ไล ครำ ฮัง อำ ทือ นัง ออ อำ เปิง เงิน เตาะ อำ กึด เค็ย มี เงิน แลว ซะบาย อุ มี เงิน แลว ไอ มี จำเป็น เปิง เอาซาง อำ กึด จังนัน เตาะ อำ เปิง ซะ ใน โลก เน ตี ไอ มี กุม อิง เตาะ แอ ต็อง เปิง เอาซาง ฮัก ซัง เลาะ แอ มี ซีวะ ใน โลก เน ก็ เป็น ตัก เอาซาง อน ตัก แอ ฮัก เป็น ตัก นำ ใจ ดัว ซิห แอ ฮัก นำ อน ตัก แอ ระ แอ เลาะใจ อุ แอ ต็อง เปิง นำ ฮัก ซัง เลาะ
ตี เอิญ ไล มัห เน เอิญ ก็ ครอ ระ มัห แอง มด จู มบลึ ดาย เอาซาง ตัก แอง ระ จู มบลึ รีด อุ นัน นำ ก็ เม็จ ซะ ตี เอิญ ไล มัห เน เยซู คริด ตัก เป็น พญาน เลาะ ตัก มัด ปอนทีอัด ปีลาด นัน นำ ก็ เม็จ มด ครอ ระ มัห แอง เลาะ มอก เอิญ ไล อน เน ครอ ระ มัห เป็น ครำ เลาะ ครำ ซือ ไอ มี ตี ติ ตี คอล จำปอ โตะ เยซู วัล ดาย
ซำรับ ปึง ทาด ตี มี เอาเลียง ทือ เอาซาง เลิม อัห ต็อง เฮง เจือ ปัง แญง เอาเลียง ออ เลาะๆ ต็อง เฮง เกงใจ อัง นำ ซัง เลาะ อำ กึด เค็ย เอาเลียง เจือ เอาซาง เลิม แอ แอง ตาม ใจ ออ ก็ กุญ อำ กึด จังนัน เตาะ แต แอ ต็อง เฮง แองกาน จวย เอาเลียง ออ เลาะๆ ซัง เลาะ เพาะวา เอาเลียง ก็ เป็น ควน นไจ ตี เจือ เอาซาง เลิม ตี แอ รัก อุ แลว แอ ระ นำ กุญ ปะโยด ตัก แอ ดกๆ ก็ เลาะ ครอ ระ มัห ไล อัห ฮุน เอิญ ไล มัห นะ ระ อัห มี กำลัง ใจ เลาะๆ ดาย
เลือง ปึง แมมาย ใน คริซจัก เน แกด ล็อง ไอ มี ซีเอ จวย อัห มัห ต็อง ไล คริซจัก เลียง ดอม อัห เลาะๆ ระ ไอ มี อีเอ เซาะ แอ คอล แอ เลือง เน ดาย แมมาย แกด ล็อง ครำ ใน ครอบครัว เลียง อัห ก็ กุญ กัน อีเอ ไอ มี ญอม จวย ปึง ควน ปึง นไจ ออ ก็ ไอ มี เลาะ เตาะ กัน อีเอ ไอ มี จวย ครอบครัว ออ ก็ ซำ ฮาย ไอ มี เลาะ ซีเละ ดาย นำ ก็ พระ แอ็ม เอาซาง แลว นำ ก็ ลุห กวา อัหซอ ตี ไอ มี เจือ เอาซาง วัล
ซำรับ ครำ ตี เป็น ลูกนอง อัห นัน มัห ก็ ต็อง ไล อัห เมือนนอย อำ ระ อัห เทียง เอาเลียง ออ อำ ระ อัห ลอด ซะ คอง เอาเลียง ออ ต็อง ระ อัห ญอม ปัง แญง เอาเลียง ออ เลาะๆ ระ อัห แอง เลาะ จู มบลึ ตี เอาเลียง ปอใจ อัง ระ เอาเลียง เจือ ใจ กุญ ไอ มี ต็อง ซงไซ ลูกนอง เตาะ อัหซอ เม็จ อัห แอง เลาะ จู มบลึ มอก นัน อัห ก็ ซนใจ ปัง แญง เอาซาง ตี จวย แอ ปน แอ็ม เจ็น ลุห เน
ကြော်ငြာတွေ