1 โคริน 15:30 - Prai Bible

³⁰ เจ็นนัน กัน แอ ไอ มี เจือ เค็ย กิว รีด เล็ห วัล ‍ แอ ญอม ซะละ ซีวิด ออ ญอม อด เอิด อันตะราย อังวะ จู งิ เน ‍

1 โคริน 15:30 ပူးပေါင်းရင်းမြစ်များ

ลูกา 8:23

ญาม อัห ต็อก เฮือ เริล นัน ‍ เยซู ก็ อวย ญึด นไท แอ็ม ตัก เฮือ ‍ ทาเน ก็ พด โตะ งกริม จ็อง นทูด นอก ‍ นอก ก็ กุด ใน เฮือ ‍ แร็ง ดก นอก กุด เฮือ ‍ เฮือ ก็ บัก และ จม แอ็ม

1 โคริน 15:29

เลือง ครำ เปิล ลบ วัล รีด เล็ห นัน ‍ กัน อัห เจือ เค็ย เอาซาง ไอ มี กิว แอง ระ ครำ เปิล ลบ วัล รีด เล็ห วัล ‍ อัห แอง พิที จุบ นอก เพือ ครำ เปิล อังวะ เตาะ ‍ กัน อัห ไอ มี กิว รีด เล็ห วัล ‍ แอ แอง พิที จุบ นอก ก็ ไอ มี ปะโยด ซีวะ เตาะ

1 โคริน 15:31

ควน นไจ เฮย ‍ จู งิ เน เอิญ บัก และ เปิล ซีเละ ดาย ‍ นังเลาะ นะ ดาย ‍ เลือง เอิญ บัก และ เปิล เน กิว มี ซีเละ ‍ แป เจือ เอิญ กุญ ‍ แป เจือ เอิญ มอก เอิญ แก็นใจ เจือ แป เป็น ครำ เยซู คริด นัน ‍ เอิญ บัก และ เปิล ซีเละ นะ ‍

2 โคริน 6:9

อัห จู ล็อง ก็ เม็จจึด เคิบ อิห เลาะ แลว ‍ แต อัห แอง นัง ออ มอก ไอ มี เม็จจึด อิห เตาะ ‍ อัห ดอม อิห มอก อิห บัก และ เปิล แอ็ม แลว ‍ แต ดอม กา ‍ อิห ควะ รีด อุ ‍ อัห มบัด อัห คัล อิห ‍ แต อิห ก็ ไอ มี ตัน เปิล เตาะ ‍

กาลาเทีย 5:11

ควน นไจ เฮย ‍ ตี อัห คมเฮง เอิญ เน ก็ ญอน เอิญ ไอ มี ไล แป แอง พิที ซุนัด นอ ‍ แต กัน จับ เอิญ ไล แป แอง พิที ซุนัด ซัง เลาะ อุ เคิบ เอาซาง ‍ ครำ ยิว ก็ ซอบ นอ ‍ อัห ก็ ไอ มี คมเฮง เอิญ ‍ เอิญ ไล แป เลือง เยซู เปิล ตัก ลำ ซีโรด ก็ กุญ ‍ เอิญ ก็ ซะบาย อุ ‍