ซีมาล เอาซาง ก็ ระ แกด ล็อง แอง ซะ แปลก กุญ นำ ก็ ระ แกด ล็อง เก็ง ไล แญง เอาซาง อน อัห นำ ก็ ระ แกด ล็อง เม็จจึด ซะ ตี อัหซอ ไล นัน ซะ นเดย ตี ซีมาล เอาซาง ซับรวง อัห จ็อก นำ ก็ เม็จ ซะ นเดย ตี ปรอง ซับรวง อัห จ็อก นำ ก็ เม็จจึด ซีมาล เอาซาง จวย นำ เม็จจึด อัน นเดย เลาะ อัน นเดย ไอ มี เลาะ ซีมาล เอาซาง ก็ ระ แกด ล็อง จ็อก แญง อัหซอ กุญ เป็น แญง ตี อัห ไอ มี ตัน เกย นเจ็น นัน นำ ก็ ระ แกด ล็อง จวย แปล แญง อัหซอ นัน กุญ
1 โคริน 14:27 - Prai Bible27 เจ็นนัน กัน มี ครำ จ็อก แญง อัหซอ ตี ปัง ไอ มี เคาใจ นัน ก็ ระ อัห จ็อก เปียะ แพะ ล็อง ก็ ปอ อำ ระ เกิน แพะ ล็อง เตาะ ต็อง จ็อก มี ล็อง มี จุบ ต็อง มี ครำ แปล แญง ตี นำ จ็อก นัน ระ ครำ ปัง เคาใจ กุญ အခန်းကိုကြည့်ပါ။ |
1 โคริน 14:27
6 ပူးပေါင်းရင်းမြစ်များ
เลือง ครำ ตี จ็อก แญง อัหซอ ตัก คริซจัก นัน กัน ครำ ใน คริซจัก ปัง ไอ มี เคาใจ แญง นำ ก็ เป็น นำ จ็อก เคิบ เอาซาง ฮัก ไอ แมน นำ จ็อก เคิบ ครำ เตาะ เพาะวา ครำ ใน คริซจัก ปัง ไอ มี เคาใจ กัน แอ จ็อก แญง อัหซอ ก็ ไอ มี จวย คริซจัก เตาะ นังเลาะ แลว ซีมาล เอาซาง ซับรวง แอ จ็อก ก็ แมน แต จับ มี ครำ ใน คริซจัก ปัง ไอ มี เคาใจ แอ ตี เป็น ครำ จ็อก เน แอ ก็ ไอ มี กุญ พัดทะนา อัห เตาะ ก็ มอก แอ พัดทะนา นัง ออ ฮัก แต กัน แอ ไล แญง เอาซาง ตัก คริซจัก ระ อัห เคาใจ เลาะ นัน แอ ก็ ต็อง จ็อก แญง ตี ครำ ใน คริซจัก ปัง กิว เคาใจ เลาะ กัน แอ จ็อก แญง ตี อัห เคาใจ เลาะ นัน แอ ก็ พัดทะนา ครำ ใน คริซจัก ซีเละ จับ มี ครำ เซียใจ อุ นัน อัห ปัง แญง แอ แลว อัห เคาใจ เลาะ อัห ก็ เฮง มี กำลัง ใจ เล็ห วัล อัห เฮง แก็นใจ เจือ เอาซาง ติกๆ วัล
ควน นไจ เฮย เลือง แอ โตะ พซุม นอย นัน แอ แอง จังเน ซัง เลาะ ครอ ระ แอ แอง จู มบลึ ระ เป็น ระเบียบ ระ เป็น ปะโยด อน ตัก คริซจัก มด ระ คริซจัก เฮง เคริบ แก็นใจ เจือ กัน จู ล็อง มี เลือง ซีรอก ไล อน ตัก นอย ปัง ก็ เลาะ แกด ล็อง อัห ลอง เพลง ลือ เอาซาง แกด ล็อง ก็ ไล แญง เอาซาง ตัก อัห ปัง แกด ล็อง ก็ มี เลือง แมะ ตี เอาซาง ไล นำ ฮัก นำ ก็ ซีรอก ไล อน ตัก คริซจัก วัล แกด ล็อง ซีรอก จ็อก แญง อัหซอ ตี ไอ มี เกย นเจ็น แกด ล็อง ซีรอก แปล แญง ตี อัหซอ จ็อก แลว นัน มี ดก มบลึ แอ แอง นอ ก็ ครอ ระ แอง จู มบลึ เน ระ เป็น ระเบียบ ระ เป็น ปะโยด อน ตัก คริซจัก ฮัก ซัง เลาะ
กัน แป มี ความ ซามาด จ็อก แญง อัหซอ กุญ มด จู ล็อง ก็ เลาะ อุ แต กำกึด เอิญ เอิญ ซีรอก ระ แป ไล แญง เอาซาง อน ตัก คริซจัก ระ คริซจัก เคาใจ ซัง เลาะ ทีซุด กัน อัห เคาใจ เลาะ ก็ เป็น ปะโยด ดก เป็น ปะโยด อน ตัก คริซจัก ดก กวา ล็อง ตี จ็อก แญง อัหซอ กุญ แต กัน มี ครำ แปล อน คริซจัก ปัง ก็ เป็น ปะโยด เมือนนอย คริซจัก ก็ เฮง เคาใจ เลือง เอาซาง กุญ
ကြော်ငြာတွေ