1 โคริน 14:1 - Prai Bible1 ครอ ระ แป กิว รัก นอย ซีเละ ดาย เจ็นเน ก็ ครอ ระ แป ซนใจ กุญ ความ ซามาด พิเซด ตี ซีมาล เอาซาง อน ฮัก ดาย แต เลือง ความ ซามาด จู มบลึ ตี เอาซาง อน แอ นัน เอิญ ครอ ระ แป ซนใจ กุญ ความ ซามาด ไล แญง เอาซาง อน ตัก อัห ซัง เลาะ အခန်းကိုကြည့်ပါ။ |
ความ ซามาด จู มบลึ ตี เอาซาง อน แอ เน ก็ ซำคัน เตา นอย มด แต ไอ แมน แอ จู ล็อง มี ความ ซามาด จู มบลึ เน นอ แอ กุญ ความ ซามาด มี ยาง มี ล็อง ฮัก แต ครอ ระ แอ โซะ กุญ ความ ซามาด ตี เป็น ปะโยด อน ตัก คริซจัก ตี ระ คริซจัก เฮง จเริน นัน ความ ซามาด เน เลาะ ซีเละ เจ็นเน ก็ ครอ ระ แป เม็จจึด แอง จังนัก ซัง เลาะ ทีซุด ดาย
กัน เอิญ มี ความ ซามาด เป็น ลาม เอาซาง กัน เอิญ เม็จจึด มด จู มบลึ กัน เอิญ เม็จจึด ซะ ตี เอาซาง ไอ มี ตัน ไล นัน แต เอิญ ไอ มี รัก อัห ก็ ไอ มี คิ กัน เอิญ แก็นใจ เจือ เอาซาง เอิญ ไล ญวัง มี เซ็น นะ ญาย เริล อุ ตี ซอ กุญ อี ก็ เริล ซีเละ ญอน เอิญ แก็นใจ เจือ เอาซาง นัน แต เอิญ ไอ มี รัก อัห ก็ ไอ มี เป็น ปะโยด ซีวะ เตาะ
เอาซาง ไล อัห จังนัน แอ ก็ ลด เคาใจ เค็ย ตี เอาซาง อน ความ ซามาด จ็อก แญง อัหซอ กุญ นัน ก็ เป็น ปะโยด อน ตัก อัหซอ ตี ไอ มี ตัน เจือ เอาซาง อัห เม็จ แอ จ็อก แญง อัห กุญ นัน อัห ก็ เคาใจ เค็ย กิว เป็น แญง เอาซาง นังเลาะ นำ ไอ มี แอง ซะ แปลก เน ระ เป็น ปะโยด อน ตัก ครำ ตี เจือ นอ ซำรับ ครำ ตี เจือ แลว นัน เอาซาง ระ แอ มี ความ ซามาด ไล แญง เอาซาง อน ตัก คริซจัก ระ อัห เคาใจ เลาะๆ ฮัก เน เป็น ปะโยด อน ตัก คริซจัก ซีเละ
ทีโมที เฮย มัห เป็น ครำ คอง เอาซาง แลว ก็ อำ มัห แอง มอก อัห เตาะ ครอ ระ มัห พระ แอ็ม ซะ ไอ มี คิ ไอ มี กน นัน อำ ซนใจ เลือง ไอ มี เลาะ นัน เตาะ ครอ ระ มัห แอง เลาะ แอง ซือ เคิบ เอาซาง ติกๆ ฮัก ต็อง แอง มอก นำ ต็อง แก็นใจ เจือ นำ ต็อง รัก นำ ต็อง รัก ควน รัก นไจ ตลอด กัน มี ซีวะ ญาก ก็ ต็อง ซอดแซ็ง อด เอิด มัห ซอน อัห ก็ ต็อง กอย จ็อก กอย ไล อัห ดาย
เจ็นนัน ก็ ครอ ระ มัห แอง เลาะ แอง ซือ มอก อัห จู ล็อง ตี กิว เจือ เอาซาง ตี กิว เปิง เอาซาง ซีเละ นัน ครอ ระ มัห แอง มอก อัห ตี เปิง เอาซาง นัน ดาย ครอ อำ ปลอย นัง ออ แอง ตาม ซีลิด มอก ครำ นุม แต ครอ ระ มัห เอิด ใจ ซิห แอง เลาะ แอง ซือ เคิบ เอาซาง ฮัก ครอ ระ แก็นใจ เจือ นำ ติกๆ ครอ รัก อัห ติกๆ ครอ อุ เลาะ อุ ซุก เคิบ อัห จู ล็อง ฮัก