แลว เยซู ไล อัห ฮุนนัน แลว นำ ก็ ครอ วอน เอาซาง นำ ไล เอาซาง คือเน “เอา เฮย มัห เป็น งกี วาง งกี ซิก นังเลาะ เอิญ อวด มัห เอิญ ลือ มัห ซีเละ ดาย ทาเน ครำ ตี อวด นัง ออ เค็ย ออ มี ปันญา นัน มัห ก็ ไอ มี ระ อัห เม็จจึด เลือง นังเลาะ เน แต ครำ ตี ญอม นัง ออ นัน มัห ก็ ระ อัห เม็จ เลือง นังเลาะ เน เอิญ คอบคุน มัห ซีเละ ตี มัห แอง มอก นัน
1 โคริน 1:27 - Prai Bible27 ตี เอาซาง เลือก เอิด แป ตี ไอ มี ปันญา ดก ก็ นเซอะ ครำ เก็ง กราญ มัด วัล ตี นำ เลือก เอิด ครำ ตัก ไอ มี กำลัง ตี ไอ มี เซ็น นัน ก็ นเซอะ ครำ ตี มี อำนาด กราญ มัด วัล အခန်းကိုကြည့်ပါ။ |
1 โคริน 1:27
27 ပူးပေါင်းရင်းမြစ်များ
อัห ก็ ซ็วน เยซู คือเน “มัห เม็จ แญง ควัน แย็ด นะ อัน ก็ ซีวะ มัห ไอ มี มบราง อัห จ็อก” อัห อัง เยซู ก็ ซวัล อัห คือเน “เอิญ เม็จ แลว ดอม ฮุน แป เน ไอ มี เกย อาน แญง เอาซาง มี ตี นัน ไล อน เค็ย ‘มัห แอง ระ ปึง ควัน แย็ด ควัน ตอล ตี ไอ มี ตัน พระ โปะ ลือ เอาซาง กุญ มด’ แญง เอาซาง ไล จังนะ แป ไอ มี อาน แญง เอาซาง ก้า” เยซู อัง เค็ย อัห เพลง เอาซาง 8:2
มี มี งิ นัน เยซู ก็ นจาง เริล นำ เม็จ เอิญ เน เอิญ ซือ ตัก มัดทิว เอิญ เน เป็น ครำ เก็บ พาซี อน ตัก รัดทะบาน โรม เอิญ คุด อุ ตัก ดาน เก็บ พาซี นัน เยซู ก็ มพอล เอิญ เริล เคิบ ออ เยซู ไล เอิญ ฮุนเน “เอิญ มพอล มัห เป็น ลูกนอง เอิญ ดาย มัห เริล เคิบ เอิญ นอ” เยซู อัง เอิญ เม็จ เยซู มพอล ออ จังนะ แลว เอิญ ก็ ร็อห เริล เคิบ เยซู
ทาเน ก็ มี อาจาน แกด ล็อง ตี ทือ แบบ เอปิคูเรียน อัห โตะ ตัก กาด นัน ครำ ตัก ทือ แบบ ซะโตอิก ก็ โตะ ตัก กาด นัน แด อัห เม็จ เปาโล จ็อก ฮุนนัน แกด ล็อง ก็ เทียง นำ คือเน “ทุย บอซะเน นำ จ็อก ซีวะ จังนะ นำ ไอ มี เม็จ เลือง ซีวะ นำ โตะ โป งกริม ซิห แอ อังวะ เน” อัห อัง แต แกด ล็อง อัห ก็ เค็ย นำ เอิด พะ เจ็น ปะเทด ซอ โตะ แปร ตัก เมือง เอเทน เน ตี อัห โป คือนัน ก็ เป็น ตัก อัห เม็จ เปาโล ไล เลือง เยซู เปิล ลบ วัล รีด เล็ห นัน
ทาเน ครำ อิซราเอล ก็ ไอ มี ปัง โมเซด อัห ลบ วัล โป ซิห โมเซด ‘มัห ซีแอง แกะ อังวะ อีเอ ไล มัห โตะ ตัดซิน อิห เน เออะ’ อัห อัง อัห ไอ มี ปัง โมเซด เตาะ แต เป็น โมเซด ล็อง เนๆ ตี เอาซาง จ็อก เคิบ นำ ตัก เกา ซีเยอะ นัน เอาซาง ตัง ระ นำ เป็น ฮัวนา ปกคอง ครำ อิซราเอล เป็น โมเซด ล็อง เนๆ ตี เอาซาง ระ โตะ จวย ครำ อิซราเอล ปน แอ็ม เจ็น ตุก นัน
ตี แญง เอาซาง ไล แอ จังนัน ก็ เอาซาง ซีรอก ระ แอ เม็จจึด เค็ย ครำ เก็ง ปานเดย ก็ ไอ มี กุญ โตะ และ เอาซาง ญอน นัง ออ เก็ง นัน เป็น อาจาน ซอน ซาดซะนา จบ ซูง ก็ ตึก เป็น ครำ เทียง เลือง ซาดซะนา เก็ง ก็ ตึก ครำ ปึง เน เอาซาง ระ แอ เคาใจ เค็ย ปันญา คอง อัห นัน ก็ งาว ฮัก ปันญา ครำ ตัก โลก เน ไอ มี เป็น ปะโยด ซีวะ เคิบ อัห
แต เอาซาง มี ปันญา ซีเละ เป็น กำกึด เอาซาง ฮัก ตี นำ ไอ มี ระ ครำ แอ เน เปิง ปันญา ออ โตะ และ นำ เปิง นัง ออ ไอ มี กุญ เอาซาง ระ แอ ปัง แญง นำ ฮัก ซัง ปน กัน แอ เจือ คาว เลาะ คาว แลม ตี อิห ไล เน เอาซาง ก็ ระ แอ ปน แอ็ม เจ็น ลุห ซีเละ อัหซอ กึด เค็ย เป็น เลือง งาว ก็ ตึก แต แอ กิว ปน นังเลาะ
ควน นไจ เฮย กึด เลาะๆ ดาย เอาซาง นำ ไอ มี เลือก มัด ซีเอ เตาะ ครำ ตุก ครำ ญาก ตัก โลก แพนซิก เน นำ ก็ เอิด มด นำ เลือก เอิด ครำ ตุก ระ อัห แก็นใจ เจือ นำ นำ ก็ ระ อัห กุญ ซืบ เอิด กากุน ตัก นำ ญาม นำ ปกคอง โลก เน เอาซาง ซันญา แลว เค็ย นำ อง อน จู มบลึ ตัก ครำ ตี รัก นำ ฮัก ครำ ตี รัก เอาซาง นัน อัห ตุก ญาก จังนัก นำ ก็ เอิด มด
ကြော်ငြာတွေ