Wikhikən 7:28 - Wikhikәn 2014

²⁸ Nit tehc Sesohs etlikehkihkemit ksikawewesto, itəm: Kilowaw kəcicihipa, naka kəcicitoniya tan tet etleyawi; skat nocipəkəcihaw nil nhəkek. Kenok Nekəm tan petəkimitpən welamewakənit, tan kilowaw skat kəcicihawiwa.

Wĭkheegŭn 1870

²⁸ Netwāje Sāsoos ĕtlekĕhkegāmĭt, ŭksĭkowwāwĕstoo, eetŭm: Kelooow’ kŭjejĭheeba, ha neaga ŭkŭjejitoo’nea tan tĕt ĕtlāyowĭ; ha skat noochepŭkŭchehow nel ’nhŭkĕk; kānookŭloo Nāgŭm tan pĕdŭkemĭtpŭn wĕlămāwagŭnĭt, tan kelooow’ skat kŭjejĭhawe’wa.

Wikhikən 7:28 ပူးပေါင်းရင်းမြစ်များ

Wikhikən 1:46

Nahtaniyel 'tiyal: Meci kisi kekw kəlowət wecinotahak Nasaletk? Pilip 'tiyal: Ckowi sakiht.

Wikhikən 10:36

Ŭktəlimawa nekəm tan Nmihtakws elkimat skitkəmikw, Kil ktalmima Kelowəsit, ipəcəl ntitəmopən, Nil Kelowəsit 'Kwəssəl?

Wikhikən 12:49

Ipəcəl skat nocikəlosikopən nil nhəkek, kenok Nmihtakws tan petəkimitpən, Nekəm nmilkonepən həlkitəmowakən tan elewesto tan itəm.

Wikhikən 14:10

Skat iya kolamsətəmowən nil ntin Nmihtakws ohəkek? Naka Nmihtakws iyo nil nhəkek? Kəlosowakənəl tanil yəholekwil skat nociyitemonəl nil nhəkek kenokəlo Nmihtakws tan meci mihehit nhəkek, Nekəm otəlokanəl lohkewakənəl.

Wikhikən 14:31

Kenok welaman skitkəmikw okəcicihton nmosalan Nmihtakws, naka tan Nmihtakws elitpəlomit, nit elehtahki. Onakesoltikw maciyapasinic!

Wikhikən 16:3

Nihtəl kekwsal təlehləkoniyalc ipəcəl skat okəcicihawiwal Nmihtakwsəl, kesəna nil.

Wikhikən 17:25

Ksəsewey Nmihtakws, skitkəmikw skat knənakowənewihpən, kenok nil knənolohpən, yokt okəcicitoniyahpən kil petəkimihpən.

Wikhikən 17:3

Yot nit askəmasowakən, knənakon kil tepəkt welamewi Kelowəsit wiyən, naka okəcicihaniya Sesohs Niweskol tan petəkimitəpən.

Wikhikən 3:2

Nekəm pəkəciye anesəpənil Sesohsəl nipayiw, 'tiyal: Nsakəmam, kəciciholpən kənotəkehkikemin weciheyin Kelowəsitow ikək; ipəcəl skat wen okisi lehtonəl yohtəl kənowaskoltikənəl tanil kil kisitonil, skat Kelowəsit wicihemakw.

Wikhikən 3:33

Nekəm tan wikwehton onəspiw wəlamewakən kisi nspiwolamalat Kelowəsitəl olamewakənilin.

Wikhikən 5:32

Kətək iyo tan nespiwəlamewit, naka nkəcicihton onəspiw wəlamewakən əlihe, tan elinspiwolamewit.

Wikhikən 5:43

Npəkəci Nmihtakws wisowənək, skat kwikwehlipahkwopən. Apc kətək pəkəciyat nekəm ta wisowənək, kowikwehlawac nekəm.

Wikhikən 6:42

Etəmotowək: Skat yot Sesohs, Sosep 'kwəssəl tan onikihko kəcicitowaneno? Nit tehc tan otəlikisiyitəmən: Nil weci penikwesi iyanpən spəmkik?

Wikhikən 7:14

Nit tamahal apasi wikhəpaltimək Sesohs litkwakwehe kci himiyewikwamək kehkikemo.

Wikhikən 8:14

Sesohs 'tiya: Cikaw nil nspiwolamewosiyan nəspiw olamewakən əlihe. Ipəcəl nkəcicihton wecihayanpən, tan elihaye. Kenok kilowaw skat kəcicihtoniya tan wecihayanpən, kesəna tan elihay.

Wikhikən 8:16

Təpəlotəmanəp ntəplotəmowakən olamewiw. Ipəcəl skat npeskowiw, kenok nil nti naka Nmihtakws tan petəkimitpən nwiceyakw.

Wikhikən 8:19

Nit tehc otcawal: Kmihtakws tama iyo? Sesohs asitewtəm: Kilowaw kətama kəcicihipa nil kesəna skat kəcicihawihwa Nmihtakws. Kəciciyekwsəpən nil, kəcicihawapənə Nmihtakws.

Wikhikən 8:26

Ktanakətol kekwseyal eyanil elakəni mlekwil, ktəpəlomələniya; kenok Nekəm tan petəkimitpən welamewakənit, tanil wici notəmanil ohəkek, nihtəl etli itəmanil skitkəmikw.

Wikhikən 8:42

Sesohs 'tiya: Kelowəsit kmihtakwsowa kəselmihpap. Ipəcəl nocihahpən Kelowəsitow ikək, npəkəcihahpən, nil skat npetəkimsiw, kenok Kelowəsit petəkimitpən.

Wikhikən 9:29

Nkəcicihtonen Kelowəsit oskowimapənil Mowisəl; kenok wət skitap skat nkəcicihawin tan tet weceyawit.