Wikhikən 6:70 - Wikhikәn 2014

⁷⁰ Sesohs 'tasitema: Skat nil kisimkənəlopapəs kilowaw nisankosiyekw? Kilowaw peskw məcəhant.

Wĭkheegŭn 1870

⁷⁰ Sāsoos ootasedāma: Skat nel kesĭmkŭnŭloobapŭs kelooow’ nesankooseĕkw’? Ha kelooow’ pĕskw mŭchŭhant’.

Wikhikən 6:70 ပူးပေါင်းရင်းမြစ်များ

Wikhikən 13:18

Skat nocikəlosiw msiw kesiyekw: nkəcicihak tanik mekənokpənik: Ipəcəl welaman tan elowikhasik əlihe: Tan wət mawihpoltiyek həpanəl, eliyonkehtakws wokwən nil əlkwiw.

Wikhikən 13:2

Olakwihpowakən ikəhes, məcəhant okisi pcehtowats Sota Iskaliyot Simo 'kwəssəl oməshonək otahkinowehlan;

Wikhikən 13:21

Nit Sesohs kisi itək nihtəl, nihtəl wənmacitəhaso oməshonək, otakənotəmowa, itək: Leyo, tan yəholekw, peskw kilowaw ntahkinoowehləkwih.

Wikhikən 13:27

Kisimsənək apsəkikwsəsək mocəhant okəsahahnəl. Toci Sesohs otiyəhal: Tan kekw ketilehtakiyən, nəkəsalehtak.

Wikhikən 15:16

Kilowaw skat kəməkənipakopən, kenok kilowaw nil kəməkənəlopapən, elohikalekwpən, welaman ktəliwltiniya, naka kminkasiniya, tan eliminkasiyekw omecimiyənkeso. Wilaman msiw kekwsal owihi wikotəmek Nmihtakws nnowisowənək kəmilkoniyac.

Wikhikən 15:19

Oskitkəmikw 'ceyawoltiyekw, skitkəmikop okəsiltəmənp tan yot nekəm. Kenokəlo skitkəmikw skat kceyawoltipa, kenok nil kocimkənlopapən skitkəmikw nit tehc skitkəmikw ktakwitəhamkoniya.

Wikhikən 17:12

Tan kweni wicihemok, ntətəlankewowapənik kowisowənək. Tanik yəkt miliwnpənik ntankewowapənik kətama wen skwəskehtasiw, tepəkt skwəskehlətowakən 'kwəssəl, welaman tan Kelowəsitewe Wikhikən itək nki kahki sehtaso.

Wikhikən 2:2

Naka Sesohs naka tanik wetəkehkimotpənik ohəkek wikwimapənik nipowawakənək.

Wikhikən 20:24

Kenok Toma tan iliwihotnaka Təkwehs, skat wiciyew awipənihi tan toci Sesohs pekəcihat.

Wikhikən 6:64

Kenok kilowaw ankwəc kətama kolamsətəmoniyal. Ipəcəl Sesohs okociciya amskwahsete wecehtakemək tan yəhot skat welamsətəmo tilikwihi, tehna iyo tanil ehkinowehlihcil.

Wikhikən 6:67

Nit tehc Sesohs iyalhat nisankoso weswiweskacihi: Kilowaw na kəti maciyapasipa?

Wikhikən 6:71

No oskowiman Sotahəl Iskaliyotəl, Simo 'kwəssəl, tanəc wət ehkinowehlat wət nət peskw nisankosicik wesiweskacihi.

Wikhikən 8:44

Kilowaw ktəleyoltipa kəmihtakwsowa məcəhantok, naka kəmihtakwsowa otəlohkewakənəl koli təhatəməniya ktəlehtakhətiniya. Wecehtahkamək amskwahsete macəpak nepahtekewinowiwos, skatəna mecimiyiw olamewakənək, ipəcəl olamewakən skat eyiw ohəkek. Keloskit oməshonək ocikəloso; ipəcəl wikikəlosko nekəm mihtakwsəl kəloskowakən.