Wikhikən 5:19 - Wikhikәn 2014

¹⁹ Nit tehc otəliyasitema: Leyo, tan yəholek, Kelowəsit 'Kwəssəl skatək kekw kisi ənkotokalehtakewo; tepəkt nəmiyat Mihtakwsəl elehtakelit ipəcəl tanil Kelowəsit elehtaket, nihtəl iyaka 'Kwəssəl təhalo elilehtakelicil.

Wĭkheegŭn 1870

¹⁹ Netwāje ootŭleasedāma, ootĭha: Ulāu, ŭlāu, tan yŏŏhoolĕkw, Wĕmĭtakwsĭt skatŭk kĕkw kese ŭnkoodŏŏkalĕhtagāoo’; tĕpŏŏkt nŭmĭhat’ Wĕgwŏŏselejĭl ĕlā’tagālĭt eebŭchŭl tānĭl Nāgŭm ĕlātagĕt, neetŭl ëaga Wĕmĭtakwsĭt tŭhaloo ĕlelĕhtagĕt.

Wikhikən 5:19 ပူးပေါင်းရင်းမြစ်များ

Wikhikən 10:18

Skat wen nkwehtakowən, kenok niləte ntəlkimsin ntəliponəmən. Tpeltəmowakən ntin ntəliponmən ətpiltəmowakən, ntin nwikwehton apih. Yot ətplotəmowakən nocimsənəmən Nmihtakws.

Wikhikən 12:49

Ipəcəl skat nocikəlosikopən nil nhəkek, kenok Nmihtakws tan petəkimitpən, Nekəm nmilkonepən həlkitəmowakən tan elewesto tan itəm.

Wikhikən 12:50

Nkəcicihton otəlkitəmowakən askəmawsowakəniw. Nit tehc tanil kekwsal nestomanil Nmihtakws tan ihitpən nit nestəm.

Wikhikən 14:10

Skat iya kolamsətəmowən nil ntin Nmihtakws ohəkek? Naka Nmihtakws iyo nil nhəkek? Kəlosowakənəl tanil yəholekwil skat nociyitemonəl nil nhəkek kenokəlo Nmihtakws tan meci mihehit nhəkek, Nekəm otəlokanəl lohkewakənəl.

Wikhikən 2:19

Sesohs 'tiya: Nkikaskwoskehtok yot Kcihimiyewikwam, nsokənək nkisitonc.

Wikhikən 3:3

Sesohs 'tiyal: Leyo, yəhol, skat wen minowinəmihkosihkw, skatəc onəmitowən Kelowəsit okinceməswakim.

Wikhikən 5:21

Ipəcəl tahalo Mihtakwsit Kelowəsit apaciphat npowino pəmawsowetahsit, nit peskon 'Kwəssəl pəmawsowetahsicil tan eliyolitəhatək.

Wikhikən 6:38

Ipəcəl weci pənekwesiyənpən spəmkik skat ntəlokawən tan nil eliyolitəhatəm; kenok ntəlok tan nekəm iliyolitəhatək tan petəkimitpən.

Wikhikən 8:28

Nit tehc Sesohs 'tiya: Tan toci kisi onakelekoc pəmawsowin 'Kwəssəl kəcicitoniyac nil nət, skat kekw noci kisehtowən nil nhəkek; kenok Nmihtakws elkehkimitpən nit elewestowanil yohtəl kekwseyal.

Wikhikən 9:4

Ntacowiyəlok otəlohkewakənəl tan petəkimitpən, tan kwenicehkwək. Nipayiw weckowihak tan toci skat wen kislokekw.