Wikhikən 10:16 - Wikhikәn 2014

¹⁶ Kətəkik əsihpək ntiwak, tanik skat təleyak yot wawiyakəlosənəhasik. Nekəmaw naka ntacowipeciphak, notakokc eltakwsi, nkwəcimənihiyəkc, apiskowiwəc əsipi ankewotakewin.

Wĭkheegŭn 1870

¹⁶ Ha kŭtŭkĭk ŭseepŭk n’teeuŏk, tanĭk skat tŭlāāyak yoot woweakŭloosŭnŭhasik. Nāgŭmow neaga n’tachooe‐pĕjĭphak, ha noodagook’ch ĕltakwsĭ, ha n’kwŭche‐mŭnĭheyŭk’ch, ha apeskooewŭch’ ŭsepe‐ankāoo‐takāwĭn.

Wikhikən 10:16 ပူးပေါင်းရင်းမြစ်များ

Wikhikən 10:11

Nil nit kəlowəsiwsihpi ankewotakewin. Kəlowəsit osihpiyankewotakewin otəliponmən opəmawsowakən ociyətihp.

Wikhikən 10:2

Kenok tan weciksəhat khakənək, nət nekəm əsihpi nociyankewotakewin.

Wikhikən 10:27

Ntəsihpəmək ociksətəməniyal nkəlosowakənəl, nənakok, nosowahkakok.

Wikhikən 10:3

Nociskhakəneyatəc opantehtowan khakən əsipək ocisətowawəl elewistolit, otəsipəm onəstoha, noteh nikanawtikewa.

Wikhikən 10:4

Toci kisi notephat otəsihpəm, onikanawtewa, əsihpək onosokowawal, ipəcəl onəstowawal.

Wikhikən 10:5

Pilowahkewin skat onosokowawiwal, kenok awonehe osimotowawal. Ipəcəl skat onəstowawiwol pilowahkewin.

Wikhikən 11:52

Skat tepəkt nihiht nkotokəmikso kenok naka mawehlan opeskowilin Kelowəsit onican tanik sisehtekocik.

Wikhikən 17:20

Skat tepəkt yokt npapatəmowewawiyək, kenok naka owihi msiw tanik ociyolamsətəməniya nhəkek okəlosowakənəl əmowikowak.

Wikhikən 6:37

Msiw wen tan Nmihtakws milit pəkəciyec nhəkek. Tanəc wen nekəm ikəhat nhəkek skatəc notekimaw kwəcəmək.