Wikhikən 2:11 - Wĭkheegŭn 1870

¹¹ Net yoot tŭmkāwā kenooŏskoodeegŭn Sāsoos kesetakwpŭn Cānāk, Goolelĕtk, ha oomĕsooādoonāpŭn ookechetŭmetŭhadŭmooagŭn, ha tanĭk wĕtŭkĕhkemootpŭnĭk oohŭkĕk ootŭle‐wŏŏlămsŭtŭm‐ooteneapŭn oohŭkĕk.

Wikhikәn 2014

¹¹ Nit yot təmkewe kinowaskoltikən Sesohs kisitakwpən Cehnek, Koliletk, omesowehtonepən okici təmitəhatəmowakən tanik wetəkehkimotpənik ohəkek otəli wəlamsəmtəm otiniyapən ohəkek.

Wikhikən 2:11 ပူးပေါင်းရင်းမြစ်များ

Wikhikən 1:14

Ha Kŭlooswagŭn ’mhŭkooĕsoos’, ha eoos’ tan āāyŭkw, ha k’nŭmetooŏnĕnoopŭn ookechetŭmetŭhadŭmooagŭn; stŭkā’ Wāgwŏŏsĭt Nŭkskam wĭhwebeu’ ookwŏŏsŭl ookechetŭmetŭhadŭmooagŭn, ŭpsŭnpoos’ hŭlĕlmoogwāwagŭn ha neaga oolămāwagŭn.

Wikhikən 3:2

Nāgŭm ootĕtle‐pŭkŭche‐anĕsŭp’ŭnĭl Sāsoosŭl nebayoo, ootehasŭp’ŭnĭl: N’sakŭmam, kŭjejehoolpŭn kŭnoodŭkĕhkekāmĭn wĕjehayĭn Nŭkskamoo ĭkŏŏk; eebŭchŭl skat wĕn ookeselātoonŭl yootŭl kŭnooŏskoodeegŭnŭl tanĭl kel kesetoonĭl, skat Nŭkskam wejehāma’kw.

Wikhikən 6:2

Ha ŭktanakwsooŭk pŭmowsooenooŭk oonoosookwawŏbŭnĭl, eebŭchŭl oonŭmĭhtooneabŭnĭl kenooŏskoodeegŭnŭl tanĭl kesetagwĭl kĕsenookŭtejĭk oohŭkā’wĭkoo’ŏk.

Wikhikən 6:30

Netwāje ootehawŏl: Kĕkwsā’ kenooŏskoodeegŭn ĕloo’keŭn? wĕlaman kesenŭmĭhtoonānŭp, ha wĕlaman koolămsŭtoolpŭn? Kākw ĕlooka’dŭmŭn?

Wikhikən 6:26

Sāsoos ootasedāma, ha eetŭm: Ulĭhĕ ŭlĭhĕ, yŏŏhoolĕkw, kwelooeheepa, skat eebŭch ŭl k’nŭmĭhtoonea’bŭnĭl kenooŏskoodeegŭnŭl; kānookŭloo eebŭchŭl kŭmahawa’bŭnĭk ŭpkwāseegŭnŭk, ha neaga kŭmāme‐pooltepapŭn.

Wikhikən 6:14

Netwāje pŭmowsooenooŭk tanek’ nĕmĭhtoo’tĭtpŭn kenooŏskoodeegŭn tan Sāsoos ĕlekesātakwpŭn, etŭmootoo’bŭnĭk: Oolămāwagŭn ĭkŏŏk woot nŭt neganedŭhasooeen tan kādepŭkŭchehatpŭn ooskĭt’kŭmĭkw.

Wikhikən 14:13

Ha tan kĕkwsā’ wĕje‐wekoo’dŭmĕkw nel noowesoo’ŭnŭk, net ’ntŭlātaga’nch; wĕlamân ’Nmĭhtakws ookeche‐tŭme‐tŭhamkoosĭn Ookwŏŏsŭl oohŭkĕk.

Wikhikən 12:41

Yootŭl kĕkwsăl Esae etŭkŭpŭnĭl, eebŭchŭl oonŭmĭhtooŏnāpŭn ookechetŭme‐tŭhamkoosoowagŭn, ha neaga oonŭstooha’bŭnĭl.

Wikhikən 12:37

Kānook kak ĕdoochĭktana’gŭtool kenooŏskoodeegŭnŭl kesātak’pŭnĭl wāoochŭskooweu, skat oolamsŭtŭmoo’nëawepŭn oohŭkĕk.

Wikhikən 2:23

Na tan toocheu Sāsoos āĭt Sāloosălĕmk wĭkhŭpaltemŭk nankŭmĭhakāwā, wĭkhŭpaltooekeesookŭk, ŭktanowksooŭk wĕlamsŭtŭmootĭt wesooŭnŭk, tan toocheu nĕmetooteejĭl kenooŏskoodeegŭnŭl tanŭl keselĕhtakājĭl.

Wikhikən 1:50

Sāsoos asedāmat, ootĭhal: Eebŭchŭl k’tehooloopŭn, k’nŭmehooloopŭn āmĕkāoo meenĭk ŭpŭs’, netwāje oolămāwĕlmeŭn? k’nŭmetoonŭl’ch ăjenŭgŭmkĭkwŭnool, ăjeŭsŭge‐na’gootool, skatŭk neetŭl.

Wikhikən 4:46

Neet Sāsoos apch pŭkŭchehĕ Cānāk, Goolelĕtk, tan tĕt ĕtlemĕkwabakātak’wpŭn samagwŏn. Ha tan wĕn ĕspesakŭmowĭt, (spesakŭm) eu, tan ookwŏŏsŭl ĕtlĭksenoo’kalejĭl Cāpŭlneŭmk’.

Wikhikən 5:23

Wĕlaman ’mseu wānĭk ookeche‐tŭmetŭhamawŏl Wĕmĭtakwselejĭl stŭkā’ ĕle‐keche-tŭhamatĭt Wĕgwŏŏsilĭjĭl. Tan wŏŏt skat kechetŭme‐tŭhamak’w Wĕmĭtakwselejĭl skat nāgŭm ookeche‐tŭme‐tŭhamow’eŭl Wegwŏŏselejĭl tanĭl pĕtŭkĭmtŭpŭnĭl.

Wikhikən 11:15

Ha noole’dŭhas ooche kelooow’ skat n’teë’wŭn net; wĕlaman koolamsŭtŭmŭnea. Kānookŭloo la, base, nech āĭt.

Wikhikən 1:17

Kānookŭloo bootoosooagŭn oochemelooŏnĕs’ Mooĭsk, kānookŭloo lĕlmoogwāwagŭn ha neaga oolămāwagŭn ooche‐ch’kooehĕs’ Sāsoos oohŭkĕk.

Wikhikən 1:43

Net kŭtŭk ātaeu’ keesook Sāsoos kŭtelehĕ Goolelĕtk, ha oomŭskoowŏl Pelĭpŭl, ha Sāsoos ootĭhal: Noosookooĭn’.

Wikhikən 2:1

Ha noohooāwā’ keesook nebooöwagŭn egĕhāpŭn Cānāk, Goolelĕtk, ha Sāsoos wegooŭsŭl net eoobŭnĭl.

Wikhikən 4:3

Oonŭkŭtŭmŭnāpŭn Lĕsweesooakĭk ha ŭlehāpŭn Goolelĕtk.

Wikhikən 4:54

Net yoot nesāwā’ kenooŏskoodeegŭn Sāsoos kesĕhtakw, kes kesuchehat Lĕsweesooakĭk, ha pŭkŭchehĕ Goolelĕtk.

Wikhikən 7:31

Kānookŭloo ŭktanakwsooŭk mowehāwa’gŭnŭk wŏŏlamsŭtŭmootooŭk oohŭkĕk, ha eetŭmootoo’ŭk: Newĕskw tan toocheu’ pŭkŭcheha’t, ăjenŭgŭmkĭkwŭnoo’lch kenooŏskoodeegŭnŭl kesātagwĭlch, skatŭk yootŭl tanĭl wŏŏt ooskedap kesātakwpŭnĭl?

Wikhikən 9:16

Netwāje ankwŭch Paloo’seŭk etŭmootooŭk: Wŏŏt ooskedap skat oochā’aweu Nŭkskam ĭkŏŏk, eebŭchŭl atlasemooekeesook skat ookŭlnŭmooŭn. Ankwŭch etŭmootooŭk: Tanŭp ootŭlekesātoon net tĕlĭkŭl kenooŏskoodeegŭnŭl ooskedap pahtahwĕhkasooe’nooĭt? Ha sesĕhlootooagŭn egĕhĕ oohŭkāwĭkhooŏk.

Wikhikən 10:41

Ha ŭktanakwsooŭk pedabase’neal, ha eetŭmootooŭk: Sabadĭs chŏŏdĕhloo skatama kesātoonāweepŭn kenooŏskoodeegŭn; kānookŭloo m’seu kĕkwsăl tanĭl Sabadĭs ĕlagŭnemătpŭn yootŭl ooskedăpeŭl, ŭlā’uŭl.

Wikhikən 11:47

Netwāje k’chepatŭleasŭk ha Palooseŭk oomawĕhlawa bootooŭsooenoo’ ha etŭmootoo’ŭk: Tanŭch tŭlātakhŭtenān? eebŭchŭl wŏŏt ooskedap ookesātoonŭl ŭktana’gŏŏtool kenooŏskoodeegŭnŭl.

Wikhikən 12:18

Ha netwāje mowehamŭk ootasekooawŏl, eebŭchŭl ookese‐noodŭma’nea nāgŭm ookeselĕhtagan yoot kenooŏskoodeegŭn.

Wikhikən 16:27

Eebŭchŭl N’mĭhtakws Nāgŭm kŭsĕlmŭgooŏh, eebŭchŭl kŭmoosalepapŭn, ha neaga koolâmsŭtŭm‐ootene‐apŭn noojĭhan Nukskamoo ĭkŏŏk.

Wikhikən 16:30

Tŭkā’ch n’kŭjeje’toonā’n k’nŭkakchejetoon m’seu kĕkwsăl; ha skat kootŭmetŭhatŭmooŭn wĕn k’pabĕhchĭmkoon. Ooche yoot wĕje‐wŏŏlam‐sŭtŭm‐ooteĕk kel koojĭhapŭn Nŭkskamoo ĭkŏŏk.