Tito 3:14 - El Nuevo Testamento

¹⁴ Ko sen kichuuna xrokonda tsitja sen sincheꞌe sen ngeꞌe jian ko tsingijna sen sen kichuu sen nchakon tsakeꞌe na̱ juachjaon, jaña tsjakoxin sen ixi tjintee ngeꞌe ncheꞌe sen.

Tito 3:14 ပူးပေါင်းရင်းမြစ်များ

Mateo 21:19

Ko bikon ndo naa nta̱a̱ tu higo ngandeꞌe chaꞌo ko konchjiñeꞌe ndo ti jii nta̱a̱, ko xroꞌan itu kuitja ndo, jeꞌo ika chónda nta̱a̱. Méxin ndache ndo nta̱a̱: ―Kainko nchakon xroꞌan itu xrochónda. Ko nta̱a̱ tu higo tuinxin xema nta̱a̱.

Mateo 7:19

*Kain nta̱a̱ tajon itu xroꞌan xrée xrokonda xrochrijin nta̱a̱ ko xroche nta̱a̱.

San Juan 15:16

Kuincheꞌantana jaꞌanta. Janꞌan kuinchaꞌanta ko kuinóatáana ngajinnta ixi itsjinta ko tájonnta itsjé itu ko tsitjáñaꞌi tu. Ko jaña Ndotána xrotjáꞌanta ndo kain ngeꞌe tsjanchiaxinnta nombréena.

San Juan 15:8

Ndotána tayéꞌe juasaya siá jaꞌanta tájonnta itsjé itu. Ko jaña tsjakoxinnta ixi titikaonntana.

Hechos 18:3

Ko xrajeꞌo ixra̱ kuancheꞌe sen, ti kuanchéña sen nchia manta. Méxin, ntiꞌao kuituꞌe ndo Pablo ixi xrojuincheꞌe sen xra̱.

Hechos 20:35

Jaña juako ngajinnta ixi sincheꞌenta ixra̱ ko tsingijnanta ni xroꞌan ngeꞌe chónda ngeꞌe. Ko xraxaonnta ti tsindachro Ncháina Jesús: “Ícha juaxruxin takeꞌe sen tajon, ixi sen tayéꞌe.”

Romanos 12:13

Tingijnanta sen titikaon Ncháina siá xroꞌan ngeꞌe chónda sen. Tayeꞌénta sen ti̱i̱ ndointa ko tájonnta juachaxin tsituꞌe sen ndointa.

Romanos 15:28

Ko nchakon tsajon tomi ngajin sen kichuuna, tjumeꞌe janꞌan satsji tjajna España ko no ña̱ tsatsinga tsjasotsjaꞌanta.

Efesios 4:28

Ko ngisen saꞌó bake̱e, í sincheꞌa sen jaña. Cháña itja sen sincheꞌexin sen ixra̱ ixi jaña xrochónda sen ngeꞌe tsingijnaxin sen xrojan chujni nóa.

Filipenses 1:11

Jian ncheꞌenta ixi jaña tsjakoxinnta ti titikaonnta ndo Jesucristo, ko jaña jaꞌanta ko kain jai̱na tsajonna juasaya ngajin ndo Dio.

Filipenses 4:16

*Méxin, nchakon bakeꞌé tjajna Tesalónica jeꞌa naakua xruannaninta tomi xraꞌo niꞌngo bingijnaxinninta ixi ngeꞌe xrokondana.

Filipenses 4:17

Jeꞌa ixi tjaꞌon jeꞌo tsayáꞌa̱ ngeꞌe xruannaninta. Naꞌi Janꞌan tjaꞌon ixi ícha xrochondanta ngeꞌe tajon ndo Dio.

Colosenses 1:10

Jaña chao tsinteenta xranchi tjaun Ncháina Jesucristo ko jian sincheꞌenta xrée ndo ko jaña ícha jian xrochuxinnta ndo.

1 Tesalonicenses 2:9

Kichuuna, xraxaonnta ixi nchakon bakeꞌena tjajnánta tsango juintaꞌana ixra̱ tiie ko nchakon ixi jaña juachana tomi sinexinna ixi tjaunꞌana xrokuajontaxinna ixra̱ ngajinnta ixi ngeꞌe sinena nchakon nichjaꞌananta chijnie ndo Dio.

2 Tesalonicenses 3:8

Ko kain nchakon juengana ꞌna̱ ti juinena. Ko juintaꞌana ixra̱ tiie, nchakon ixi jaña kuajondaxinꞌana ixra̱ ngajinnta ixi ti sinena.

Tito 2:8

Nichja ngeꞌe nduaxin ixi xroꞌan chujni tsjankataꞌa na̱ ijie̱, ko jaña tsosueꞌe ni ningakonꞌen chijni, ko xroꞌan ngeꞌe ti ñaꞌi xrondachro na̱ kondee jai̱na.

Tito 3:8

Nduaxin chijni jiꞌi, ko tjaꞌon ixi tsjakoa kain jiꞌi ixi kain sen titikaon ndo Dio sincheꞌe sen kain ngeꞌe jian. Kain jiꞌi jian ko tingijna kain chujni.

2 Pedro 1:8

Ko siá jaña sincheꞌenta, jeꞌa xruenxon chuntianta Ncháina Jesucristo.