Santiago 5:3 - El Nuevo Testamento

³ Ko tsikiꞌixien kain chika oro ko kain chika plata richondanta, ko ti tsitjo meꞌe tjakoxin ti ndakoꞌa ncheꞌenta, ko xroꞌi chexin kain ngeꞌe, jaña tsitjáñaxin jaꞌanta. Itsjé tomi ko itsjé ngeꞌe kuasintjanta kain nchakon jiꞌi, ko noaꞌinta ixi nchakon jiꞌi ó tsjexin nunte xasintajni.

Santiago 5:3 ပူးပေါင်းရင်းမြစ်များ

Hechos 2:17

Ndachro ndo Dio: Nchakon tsjexin meꞌe xroxruanꞌan Espírituna tsayéꞌe kain chujni. Ichjan, xjan xi ko xjan nchri, xrochronga xjan chijnina. Ko sen chajan tsikon sen ixra̱ ijié tsjako janꞌan ko sen ó tachríi, tsoxienxin ngeꞌe xrontatjan sen.

Romanos 2:5

Ko siá rincheꞌenta ti ndakoꞌa ko ncheníeꞌa asáanta jaꞌonta ritamanta ixi ícha tangi tsintekonꞌannta. Tsi̱i̱ nchakon ndo Dio sinchéña ndo ijie̱ ngajin kain chujni ko jeꞌe ndo tsango tsoñao ndo ko tangi tsonꞌannta,

2 Timoteo 2:17

Ko ti ndakoꞌa tjako na̱ meꞌe xranchi naa ichin renga. Jaña konꞌen xi Himeneo ko xi Fileto.

2 Pedro 3:3

*Xrokonda xrokonoꞌanta jiꞌi: ixi nchakon tsjexin xasintajni tsi̱i̱ chujni tsjanoa na̱ ti jian kuajon ndo Dio, ko jeꞌo tsitikaon na̱ kain ti ngeꞌe ñaꞌi xraxaon na̱.

Apocalipsis 17:16

Ko ti ite nteꞌe iku tsango chjinga jii bikuan ko jeꞌe ba xraningakonꞌen ba nchri chónda itsjé xi, tsjánka ba nchra ko sinchetorucho ba nchra ko sine ba ntauꞌe nchra ko tsjaaka ba nchra ixi xroꞌi.

Apocalipsis 20:15

Ko ni jitaxinꞌa xranchi tinꞌin na̱ ngaya xroon ti jitaxin sen tsechón kain nchakon, ni meꞌe juankaꞌngi ndo na̱ ti jiche xroꞌi.

Apocalipsis 21:8

Ko ni xronka, ni titikaonꞌa, ni ndakoꞌa ncheꞌe, ni naatóñaxón chujni, ni chónda inaa nchri o̱ inaa xi, jeꞌa janchriꞌe o̱ ndoxiꞌe, ni tajon juasaya ngajin ídolo, ni tuso ko ni ruéꞌe chin tuso, ni ncheya, kain ni meꞌe tikinixinꞌen na̱ itsji na̱ ti jii xroꞌi jichexin ixi azufre ko naiꞌa tsjexin. Jiꞌi xrondachro ti yuxin tsenꞌen chujni.