Santiago 3:16 - El Nuevo Testamento

¹⁶ Ti no jii chujni chjuyeꞌe ko ti tjaun jeꞌo tsetuanꞌan, ntiꞌa jii ti ncheketoni ko kain ti ndakoꞌa.

Santiago 3:16 ပူးပေါင်းရင်းမြစ်များ

Marcos 3:25

Ko ni stekao kichuu naakua nchia, siá ningakonꞌen kichuu na̱, kaxon juaꞌi tsekao kichuu na̱ ndako.

Hechos 19:29

Tjumeꞌe tsango koñao kain ni tjajna Éfeso ko ningakonꞌen na̱ ndo Gayo ko ndo Aristarco, sen meꞌe yuu sen tsiki̱ꞌxi̱n nunte Macedonia. Ko itsé na̱ sen ko bingakjin na̱ sen bikao na̱ sen ngaxinꞌin ti tóñaxin junta.

Romanos 2:8

Ko tsoñao ndo Dio ngajin ni nchejié aséen ko ni tjaunꞌa tsitikaon ti ndako tjako ndo. Ni jiꞌi tangi tsintekonꞌen na̱ ixi ícha juaxruxin ncheꞌe na̱ ti ñaꞌi.

1 Corintios 14:33

Ixi ndo Dio, ndo tajon juaxruxin tsakeꞌe aséenni, tjaun ndo kaxon jian tsonꞌen ngaxinꞌin ningue ndo. Xranchi ó kuanꞌannta ncheꞌenta nchakon xraꞌonta ngaxinꞌin niꞌngo,

1 Corintios 3:3

ixi xrancheꞌenta xranchi ncheꞌe chujni nunte xasintajni. Xratochjuyaꞌanta ngeꞌe ncheꞌe ikaxin sen ko te̱to̱kuꞌu kichuunta. ¿Á jeꞌa meꞌe xrondachro ixi jaꞌanta xrancheꞌenta xranchi ncheꞌe ni nunte xasintajni?

2 Corintios 12:20

Jixronkana ixi nchéxin nchakon tsjasotsjaꞌanta, stencheꞌanta xranchi janꞌan tjaꞌon ko kaxon jaꞌanta já sintaꞌinta juaxruxin xranchi xronichja janꞌan. Nchéxin stetetokuꞌu kichuunta, tochjuyaꞌanta ngeꞌe chónda inaa sen kichuunta, stetoñaoꞌe kichuunta, stenchejié asáanta, stetjakaxin kichuunta ko stenchekeꞌto kichuunta.

Gálatas 5:20

ko ti chóndeꞌe na̱ juasaya ídolo, ko itji na̱ ngajin ni tuso, ko ningakonꞌen na̱ inaa chujni, ko tochjio na̱, ko tuinxin toñao na̱, ko tjaun na̱ jeꞌo na̱ xrochónda na̱ itsjé ngeꞌe, ko nchekateya kichuu na̱ ixi tsachrjendáa na̱,

Santiago 3:14

Ko siá jaꞌanta tochjuyaꞌanta meꞌe sinchetsjá asáanta, ko siá jaꞌonta tjaunnta sincheꞌenta kain ngeꞌe, meꞌe sinchejiéꞌa asáanta ixi ngeꞌe ti noꞌanta ixi meꞌe xrokjui xranchi xrojuincheyanta ko ndachroꞌanta ti nduaxin.

1 Juan 3:12

Ko sincheꞌana xranchi juincheꞌe xi Caín, xi meꞌe ndako chjenꞌen Xixronꞌanxrée jii xa, ixi kóña xa xi kichuu xa, ndo Abel. ¿Ko sonda kóña xa ndo kichuu xa? Ixi xi Caín kain ti kuancheꞌe xa ndakoꞌa jii, ko kain ti kuancheꞌe ndo Abel, meꞌe chao jii.