Santiago 2:23 - El Nuevo Testamento

²³ Jaña konꞌen xranchi jitaxin xroon chijnie ndo Dio: “Jeꞌe ndo Abraham soji chuntia ndo ndo Dio, méxin, ndachro ndo Dio ixi koméꞌe jíee ndo Abraham”, méxin ndachro ndo Dio ixi jeꞌe ndo tjento ndo ndo Abraham.

Santiago 2:23 ပူးပေါင်းရင်းမြစ်များ

Marcos 12:10

’¿Á juinchekuanxinꞌanta ti jitaxin xroon chijnie ndo Dio? Ndachro: Ixro jueñaoꞌa ni juinchekonchjian tjatuꞌo, jai xro meꞌe ikjan xro, ixro ícha tetuanꞌan.

Marcos 15:27

Ko kaxon kuasintjian na̱ nganito nta̱cru yuu xicheꞌe, naa xi bakeꞌe na̱ ndatsjonxin jian ti jii ndo Jesús ko inaa xa bakeꞌe na̱ xa ndatsjonxin ikjon ti jii ndo.

San Lucas 4:21

Ko kuaxi nichja ndo: ―Jai kuitja nchakon ndachro chijnie ndo Dio, chijni kuinꞌennta.

Hechos 1:16

―Kichuuna, xrokonda tsonꞌen xranchi nichja xroon chijnie ndo Dio ti tsinichja ndo David ó saꞌó tsichronga Espíritue ndo Dio ngeꞌe sincheꞌe xi Judas, xi bikaꞌo ni itsé ndo Jesús.

Romanos 11:2

Ixi ó saꞌó tsikincheꞌe ndo Dio ni israelita xranchi ni tjajnée ndo. Ko jai tintueꞌa ndo na̱. ¿Á noaꞌinta xranchi nichja xroon chijnie ndo Dio, ti tsindachro ndo profeta Elías, ti tjankataꞌa ndo ijie̱ ngajin ni Israel? Ko jaꞌin tsindachro ndo:

Romanos 9:17

Ndachro xroon chijnie ndo Dio xranchi nichjeꞌe ndo xi rey tjajna Egipto: “Kuájon juachaxin ixi jaꞌa ikjan rey jaña tsjako juachaxin chónda janꞌan ixi jaña nchijíi nunte xasintajni xrokonoꞌe ngisen janꞌan ko xrokuitikaon na̱ nombréena.”

Gálatas 3:22

Ko xroon jitaxin chijnie ndo Dio ndachro ixi ti ndakoꞌa ncheꞌe chujni meꞌe tituanꞌan ngaya aséen. Ko jaña jeꞌo sen chuntia ndo Jesucristo, sen meꞌe tsayéꞌe sen ti ndachro ndo Dio tsajon ndo.

Gálatas 3:6

*Ndo Abraham chuntia ndo ndo Dio, méxin ndo Dio ndachro ndo jian ndo Abraham.

2 Timoteo 3:16

Kain xroon chijnie ndo Dio tsikóñaxin ixi juachaxien ndo, ko meꞌe tsondaina ixi tsjakona chijni jian, ko jiꞌi tsonóñaxinna xranchi xroxraxaonna ko jian tsjakona chijni nduaxin,

Santiago 2:24

Xrokonda jian tsienxinnta ixi ndo Dio tsayéꞌe ndo chujni ixi ti jian ncheꞌe ko jeꞌa jeꞌo ndachro sen ixi chuntia sen ndo.

1 Pedro 2:6

Méxin xroon chijnie ndo Dio ndachro: Janꞌan tsakeꞌé ngajin tjajna Jerusalén xranchi naa ixro tsango jian tsitexin nchia, naa ixro tsango tjintee. Ko ngisen tsitikaon ixro meꞌe, naiꞌa tsosueꞌe sen.